أية أكتر حاجة ممكن تسبب لك السعادة ؟

**ainshouka** · 17-09-2011 10:59 PM

لما بكون بعمل حاجة محدش غيرى يقدر يعملها

او اعمل حاجات كتير فى وقت قليل

لما اخش فى اى حاجة وانجح فيها

لما اتوصل لحل مشكلة واقفة فى سكتى

كل دا بيخلينى احس بسعادة

**Ghosts** · 18-09-2011 01:58 AM

أكبر غلطة ممكن نعملها ....
أننا ندور على السعادة فى الحاجات اللى مش معانا ....
مع أن فى فحياتنا حاجات كتير أوى بتسبب السعادة ....
يعنى مثلآ الصحة = سعادة ....
وجود الناس اللى بتحبهم حواليك = سعادة ....
النجاح فى العمل = سعادة ....
الفلوس برغم أننا بنتعب عشان نجيبها بس بردوا = سعادة ....
عربيتك مهما كان نوعها أو حالتها = سعادة ....
وكل الحاجات دى مش أحنا اللى بنجيبها ....
دى بتبقى عطايا من ربنا ....
ووقت ما ربنا يحب يديك عطايا أكتر ....
لازم هتجيلك مهما كانت ظروفك ....
لأن اللة لا يستحيل علية شىء ....
وتقربنا إلى اللة = أكبر سعادة ....

**AboELsoud** · 18-09-2011 02:16 AM

شكرا Ghosts باشا ده من ذوقك
شكرا استاذ مصطفى سعد يسعدني انه عجبك كلامي

**MaZaGAngeE** · 18-09-2011 03:13 AM

اول ما اسمع ضحكة واحد من اولادي بنسى كل حاجة في الدنيا و احس اني بقيت عيل زيهم و اقعد العب معاهم

**wallace** · 18-09-2011 07:31 AM

الستر .. الصحة .. راحة البال .. المال

دول 4 حاجات أظن فيهم السعادة للإنسان ,وطبعاً فيه حاجات تانية زي الزوجة الطيبة والعمل المناسب لكن السطر السابق فيه عموم وشمول اكثر للجميع

**tutankhamoun** · 18-09-2011 07:41 AM

المشاركة الأصلية كتبت بواسطة AboELsoud

تحقيق الاهداف
انا من رأيي ان تحقيق الاهداف كفيل انه يسببلك السعاده
عشان كده لما تلاقي حد عنده فلوس كتير و مش سعيد تعرف ان الفلوس مكنتش من اهدافه
و العكس لما تلاقي واحد فرحان بالفلوس الكتير تعرف انها من اهدافه ( و ده مش عيب طبعا )
و تلاقي اللي خس بعد ماكان تخين سعيد ( لانه من اهدافه )
و تلاقي ان واحد مجرد الصحبه الحلوه خليته سعيد ( يبقى الصحبه الحلوه كانت من اهدافه )
و تلاقي واحد مطحون و طالع عينه بس سعيد لانه بيصلي و يصوم و طاعه ربنا من اهدافه

+111
متفق معاك
و هاتفق مع صاحب الموضوع الأستاذ جوستس
برضه العوامل المادية
يعني أرتياح مادي
أرضاء الرغبات الحسية للطرفين (رجل و ست ) ربنا خالقنا كدا و دي طبيعة بشرية .

الستات طبعا بتحب تفرتك الفلوس (أغلبهم مش كلهم ) و بيحبوا اللت و العجن الكتير .

و دع بيشبع رغبة جواهم
و الرجالة بتحب التباهي بالقوة و السيطرة و ده برضه بيشبع رغبه جواهم

هي من الآخر مش حاجات ثابتة عند كل الناس
لأن البشر مختلفين

**devilishtigers** · 18-09-2011 07:48 AM

راحة البال لا تقدر بمال
وكل واحد وعلى حسب راحة باله بتبقى ايه.؟؟؟؟ او بتيجي امتى.؟؟؟؟

**SheNo0o** · 18-09-2011 11:39 PM

المشاركة الأصلية كتبت بواسطة ghosts

تفتكر الفلوووووووووووس وبس ممكن تسبب السعادة ؟؟؟؟
أنا مقدرش أنكر ولو للحظة أهمية الفلوس ودورها المؤثر جدآ فى حياة الأنسان ....
بس أفرض واحد معاة فلوس كتير أوى بس معندوش صحة أو عندة مرض خطير هل الفلوس هتقدر تسعدة ؟

الفلووووووووس عمرها ما كانت باب للسعاده الفلوس حاليا وفالزمن ده باب لحقد الناس عليك ولانك تشوف المعدن الحقيقي ل كل الي حواليك ومش قصدي اني ملياردير بس دي حقيقه علميه مؤكده كل الناس دلوقتي بقوا كل همهم خد وهات

بص للناس وانت سايق بما اننا في منتدي سيارات الناس الاقل منك بتبصلك ازاي وانت فملف ولا حاجه
وده موقف انا لسه محطوط فيه النهارده حسيت اني المفروض اقوله لا استني وانزل وهواه ينزل واصورة صورة بكاميرا الي بتصور وتطبع فنفس اللحظه واديله صورتي يخليها معاه

وانا بالفعل مفيش حاجه بتسعدني ف حياتي غير املي في حياه هادئه وسعيده وتحقيق ذاتي في زمن ده

**SheNo0o** · 18-09-2011 11:42 PM

المشاركة الأصلية كتبت بواسطة devilishtigers

راحة البال لا تقدر بمال
وكل واحد وعلى حسب راحة باله بتبقى ايه.؟؟؟؟ او بتيجي امتى.؟؟؟؟

+1

اهم حاجه راحه البال ايا كان نوعها فعلا باختلافها وتفاوتها من كل واحد وتحقيق الاهداف كمان
ايا كان نوعها زي ما الاخوة قالوا الحاجتين دول اكتر حاجه بتسعدني واعتقد بتسعد اي انسان

ومنقدرش ننكر ان البيت والزوجه الصالحه الي بيترتب عليه حاجات كتيييير زي ما قلتوا برده