الموضوع: صيانة الانوس

ايوة ياباشا لازم تعمل صيانة
ودلوقتى انت عند ال 38 الف كيلو
يعنى هتعمل حسابك فى سيور وفلاتر وبوجهات وزيت

يعني اروح لميكانيكي ولامركز الصيانة........اصل ناس كتيربتقولي مراكز الصيانة بتستهبل و بتغير حاجات كتير من غير لزمة عشان ياخدو فلوس

لو مكانيكى عندة خبرة ومحترم هيبقى احسن

المشاركة الأصلية كتبت بواسطة a333

لو مكانيكى عندة خبرة ومحترم هيبقى احسن

+1

أولاً السلام عليكم.
ثانياً انا عملت صيانة 40000 الف يوم السبت اللي فات في توكيل ابو غالي موتورز الي في طومان باي كالأتي:
بوجيهات شمعه واحده 40.00ج.
فلتر بنزين 30.00ج
فلتر هواء مش فاكرتقريباً 40.00ج.
سير كاتينة 90.00ج.
شداد كاتينة 200.00ج
سير تكييف 30.00ج
بلية سير تكييف 110.00ج وديه كانت ليه قصه معاها خلال السنوات الماضية تم تغيير سير التكيف مرتان لانه بيتقطع من الداخل بيتفرم من جوه فقط وبيكون سليم من الخارج.
تنظيف الموتور عادي.؟
خامات 25.00ج. مشعارف ايه دي
اسبري wd40 20.00ج.
اشتريت عدد فلتر زيت نوعه استرالي الواحد بـ 22.00 شامل الضريبة هو الي دايما بركبه لاني بغير الزيتن بره التوكيل.
قيمة الصيانة 220.00ج.
الخلاصة دفعت 864.00ج شامل الضريبة وده من غير تغيير سير الدينامو لاني كنت المره السابقة مغيره وعلي فكره انا لما بلاقي الاسعار بتزيد عليا بقوم بتجزئة تغيير قطع الغيار علي فترات علشان ميكنش كله علقة واحده.
اه نسيت انه في التوكيل قالولي انه لازم اغير مياه الردياتير علي ال 40000.00 الف وده يكلفني 33.00ج مصنعية بخلاف ثمن الـ عدد 2 جركن المياه الخضراء وهم بحوالي 70.00ج .
اسف جداً طولت عليكم. والسلام عليكم

عند أى ميكانيكى الموضوع سهل
هتغير سيور (كاتينه-دينامو-تكييف) وبوجيهات وفلتر هواء وفلتر بنزين
وتطمئن على الكاوتش لو محتاجين تغيير أو لو كانوا كويس هتعمل عمليه أستداره للكاوتش.
وتطمئن على العفشه تيل الفرامل لو محتاج تغيير -
تطمئن على زيت الفرامل والباور
وأكيد بتغير فلتر الزيت مع تغيير زيت المحرك كل 10000 كيلو كحد أقصى

انا بغير الزيت موبيل وان كل من 8500 ك إلي 9000ك علي طول مش بزود اكثر من كده

المشاركة الأصلية كتبت بواسطة noorcairo

انا بغير الزيت موبيل وان كل من 8500 ك إلي 9000ك علي طول مش بزود اكثر من كده

ممكن حتى 10000 كيلو بسى انت بتأخذ أحتياطك أكثر
بجانب تغيير فلتر الزيت كل مره.فى حالتك.