الموضوع: لانسر شارك هاى لاين 2009 وكيل نبيتى للبيع

المشاركة الأصلية كتبت بواسطة love7amada

فنظري هيا متقلش عن 120 الف و كده هيكون بينها و بين الزيرو 40 الف ع موديل سنتين و استهلاك مش كبير و عربيه فبريقه بره و جوه يعني اللي شاريها وفر 40 الف
يعني هتنزل 10 الاف عشان علقت نمر و 20 ل 30 الف استخدام السنتين مع مرعاه انه استخدام نضيف
و لا ايه رائيكم؟؟
و برده حكمي ده مش منزل من ربنا ده وجهه نظر ممكن تختلفوا او تتفقوا معاها
بس ع حسب كلام الراجل الواحد قال كلمه حق عشان انا ركبت الشارك و عارفها

بس عيب الكلام ده فى شارك برضة ب 120 الف دى ماتسواش 65 الف ياراجل بلا شارك بلا دولفين ههههههههههههه

المشاركة الأصلية كتبت بواسطة drmsadek1979

معلش
هو انت بتفصل ولا بتبيع ولا بتشتري
العربية ادخل وسعرها في قسم التسعير في المنتدى وشوف هتجيب كام
متلخبطش الراجل وخلاص

الراجل بيقول وجهة نظرة عادى وحاطط نفسه مكانى ويحب لاخيه ما يحب لنفسه واللى يرضاه لنفس بيرضاه لغيرة ودى حاجة كويسة ومن غير مايلغبطنى ولا حاجة خلاص مش هابيعها ده انا لو مزنوق كنت اتشليت

المشاركة الأصلية كتبت بواسطة love7amada

و انت ايه ضايقك في الموضوع انا حر اكتب اللي انا عايزه و للاداره هيا اللي تعقب ع كلامي مش انت
انا لا عملت اقتباس لرد حد و لا رديت ع حد
فيه دخلوا رموا سعر و خرجوا مفتحتش بقك يعني و لا عشان عايز ف عايز تبخس بتمنها الارض
انا قلت كلمه حق و مليش دعوه بحد
و انا حر ف رائي

لأ لأ لأ انا ميرضنيش ان حد يزعل من حد بسبب سعر عربية وكمان بسببى احنا كلنا اخوات ولو لا عدم وجود الراى الاخر لم يكن لأرائنا فائدة ولا ايه انا ضعيف املاء اساسا معلش

المشاركة الأصلية كتبت بواسطة love7amada

و معلومه كمان العربيه بتتباع ب 80 و هيا موديل 2008 و كمان مش فبريقه راشه بره و عدادها عامل ضعف اللي صاحب الموضوع كاتبه و زياده كمان و مش اللون النبيتي المميز فيها
و انا لا اعرف صاحب الموضوع و لا اعرفك
و قيس ع ده كمان انها بتكون مش هاي لاين

ياعم وزعلان ليه كده انك متعرفناش ههههههههههه عموما ياسيدى انا يشرفنى معرفتكم انتم الاتنين

المشاركة الأصلية كتبت بواسطة love7amada

لكن العربيه اللي بتكون زي الزيرو المفروض ليها تقييم تاني ان الواحد بيكون كانه بيركب زيرو بس بسعر مهاود شويه

هاتقول لمين كبر دماغك انت مش مصرى ولا ايه

المشاركة الأصلية كتبت بواسطة abo_anas

ياجماعه اهدوا شويه مش كده.
البيع والشراء نصيب ، وبعدين فى عربيات بتمسك سعر وسهله فى البيع ، وفى عربيات تانيه سعرها بيقع منه كتير وصعبه فى البيع مع العلم انها ممكن تكون عربيات ممتعه لكن السوق المصرى بقه له احكام مختلفه على بيع وشراء العربيات، مش عاوزين موضوع بيع وشراء يزعل الاعضاء المحترمين من بعضيهم ، المفروض اللى بينا يكون اكبر من اللغه الحاده اللى شايفنها فى الموضوع ده.
ربنا يوفق صاحب العربيه واللى هيشتريها لما فيه الخير لهما.

رجاء من صاحب العربيه يكتب السعر المطلوب في البيع ، لتسهيل عمليه البيع . يمكن يحصل نصيب
والله الموفق للجميع

على رأى صديقى مروان فيما سوف يلى ذكره كنسلت البيع

المشاركة الأصلية كتبت بواسطة M_Marwan

صاحب العربيه خلاص مش حيبعها