الموضوع: بزوّد ميه كل يوم

السلام عليكم, ياجماعة انا عربيتي بولو 2000 ,مشكلتي باختصار اني من اكتر من اسبوعين كانت المياه بتنقص كل يوم واضطر ازود اكتر من لتر المهم روحت لمركز عند شارع المجزر الآلي في المرويطية بيشتغل في الفلوكس والالماني عموما, قالي غير الغطة بتاع الاربه غيرت الغطة وغيرت زيت بالمرة, تاني يوم سافرت العين السخنة لقيت المؤشر بتاع المياه بينور والمياه نقصت تاني واتبهدلت عشان كذا مره ازود عشان طريق سفر وكده, روحت للمركز تاني يوم قالي العربية محتاجة تغيير وش السلندر على فكرة انا معرفش هل ده حصل بسبب موضوع السفر ولا كان موجود من الاول وهل هو اكتشف ده بعد تاني مره اروحله ولا لأ معرفش بجد, انا بس استفساري عن موضوع نقصان المياه ده سببه فعلا وش السلندر, يعني لو تم التغيير ان شاء الله مش هيحصل تاني ولا دي حاجة مختلفة, وموضوع التكلفة برده هو قالي من 750 - 1000 هل ده طبيعي, محتاج النصيحة من فضلكم
تحياتي
محمد رجب

راجع على الوصلات واتاكد ان شجره المياه سليمه مبتسربش ولو عاوز تكشف عليها صح روح لرضا فى الحرفيين علشان تريح نفسك لكن 700 كتير جدا

متشكر جدا على اهتمامكم والردود,

راجع على الوصلات واتاكد ان شجره المياه سليمه مبتسربش ولو عاوز تكشف عليها صح روح لرضا فى الحرفيين علشان تريح نفسك لكن 700 كتير جدا

من ناحية السعر الصراحة انا مسألتش حد تاني , ولكن المكان بجد مشهور وبيجولوا ناس من اخر الدنيا, تقدر تقول اني حسيت براحة نفسية معاهم.

المفروض قبل ما تسافر تجرب يومين ثلاثه بالاخص لما تكون عندك مشكله فى الميه وبتحاول تعالجها ولسه مش متأكد من حلها وعموما قدر الله وما شاء فعل
وعوضك على الله
بس شوف حد تانى وتالت واتأكد من المعلومه
وطبعا اعضاء قسم الفولكس هيفيدوك فى الوش فين ؟وبكام وتعمل ايه ؟
وربنا يوفقك فى الخير بس متسافرش بعد كده الا لما تكون متأكد من العربيه وعدم نقصان الميه بالذات
وربنا يستر طريقك وايانا

الصراحة انا فعلا غلطان عشان كنت متوقع ان ده هيحصل, لكن قدر الله وما شاء فعل.

ربنا يسترها ان شاء الله وتكون المشكلة سهل حلها, ياريت يا شباب لو حد مر بتجربة تغيير وش السلندر خصوصا البولو 2000, عشان ان حاسس ان الموضوع داخل على عمرة كاملة