الموضوع: ردا علي العضوة التي قالت ((ونسيت اني امرأة لا لا لا معرفة الرجال كنوز))

المشاركة الأصلية كتبت بواسطة khaled_nowaihy

يا ريت الموضوع ده يتقفل
.
.
مش ناقصين

وياريت انا كمان اتشال

ههههههههههههههههههههه
انا اصلا مليش في العربيات
بس احب اقول لحضرتك علي نصيحة من اختك الصغيرة ياعني ولا خليها من بنت اصغر منك
ياريت تبقي هادي لان العصبية مبتوصلش لحاجة
ههههههههههههههههههههههههه هه

ياجماعه المنتديات دي ولا هي امنا ولا ابونا بس هي اماكن بنتشارك فيها مع بعض خبراتنا ياريت نعرف ان كلنا مصريين ولازم كلنا بالذات نقف مع بعض لان ممكن يجي يوم علينا نندم فيه اننا مش وقفنا مع بعض وجنب بعض مش نقعد نتخانق علي كلام مش يودي ولا يجيب نتكلم بكل هدوء ونحل الموضوع ببساطة ومفيش اي مشاكل خالص بدون اي مشاكل
وتقبلوا مروري

اه ومرسي اوي علي الكلام الجميل دا

في البداية احب اقولك اني شوفت موضوعك هناك وترفعت اني ارد عليه هناك لاسباب كتير
اولها ان عنوان موضوعك نفسه وكل اناء ينضح بما فيه
تاني حاجة اسلوب اغلبية الاعضاء في الكلام اللي انا مش متعودة عليه لا في الواقع ولا على النت
واللي تجاوزت في الكلام عني اولا مش مسامحاها قدام ربنا ثانيا الكلام مش بيلزق ثالثا بيدل على مستواها هي رابعا لو واحدة منهم كانت عارفاني على الحقيقة مكنتش قدرت تكتب كلمة واحدة وصحيح اللي ميعرفش يقول هجص
لكن ده مايمنعش ان كان فيه نسبة كبيرة من العضوات محترمات وده انا ما انكرتوش في الموضوع الاساسي بتاعي
فكرك انتي لما واحدة تقول (دي تلاقيها بشنب ) ولا واحدة تفسر جملة (معرفة الرجال كنوز ) تفسير ما ينفعش إلا مع خيالها المريض دي ينفع ارد عليها
انا لو رديت على الاسلوب ده ابقى مفرقتش عنهم حاجة
ومدام انتي داخلة تواجهيني باخطائي من وجهة نظرك فانا مضطرة ارد عليكي وفي حدود اللياقة بردو

اعتقد ان مفيش ست شرقية تخب تقول انها تعد علي القهوة عادي ممكن يكون كوفي شوب لكن اشرب شيشة غريبة شوية ودا رئيك حضرتك حرة فيه

انتي لو حاولتي تشغلي مخك ثانية واحدة كنتي فهمتي انا هزار وتعبير مجازي وإلا ليه حضرتك ماخدتيش في الاقتباس بالمرة جملتي (انزل تحت عربية واطلع مشحمة )
وبعدين في نقطة رايحة عن بالك انك مش انتي اللي هتعلميني تقاليد الست الشرقية ازاي وزي ماقال يوكو انا واحدة قديم في المنتدى واعرف كل العضوات تقريبا واعرف زوجات اعضاء كتير وحتى اللي مش عارفني شخصيا عارف مين نور القمر
بالنسبة لقسم البيع يعني ايه واحدة تعمل موضوع عن بيع اجهزة منزلية وكل الردود دعوات دعوات واقلب اكتر من 10 صفحات عشان الاقي ردها على السعر
هو الدعاء ماينفعش غير بالكتابة
مش هايوصل لربنا عز وجل لو قالته شفوي يعني ؟؟
ولعلمك من قوانين المنتدى هنا ميتردش على البيع والشراء إلا برد في سياق الموضوع عشان الموضوع مايبوظش ولكن ماعلينا كل واحد تفكيره مريحة
موضوع المحتارة وده المصيبة الكبرى وعملت عنه موضوع من فترة عندكم واتحذف ويعلم الله اني كان غرضي الوحيد توعية العضوات لوجه الله

انتي ايه مدى تعمقك وفهمك لمنتديات الفي بي او مواقع النت عموما عشان تحكمي اذا كانت الادارة تقدر تعرف ولا لأ
كان بدل تكذيبي ابحثي واسألي في الموضوع بدل ما تظهري بمظهر المتذاكي
جربي تسجلي هنا بنك نيم تاني او تدخلي بنك نيم لواحدة صاحبتك مثلا هتلاقي الادارة عرفت ووقفت لك عضوياتك كلها
طب عرفوا ازاي هم ؟؟ مش مهم تعرفي عرفوا ازاي لانها صعبة عليكي حبتين لكن مش صعبة عليا لان تصميم المواقع والمنتديات كانت شغلتي
::::::::::::
عارفة ليه انا اخترت مصطلح حلقة بالذات لاني عارفة اسلوب معظم العضوات السطحي والتافه والبيئة في الرد على كل من يخالف ارائهم واهوائهم والكلام ده ايدني فيه عضوات محترمات كتير هناك

........
موضوع الميك اب والموضة انا مش ضدهم بالمرة كل بنات حواء بتحبهم لكن بردو لو كنتي قريتي كلامي كويس وفهمتيه كنتي فهمتي اني اقصد مدمنات الميك اب والموضة
واحب اقولك لحضرتك بردو الحمد لله مش محتاجة اتعلم فوتو شوب ولا اي سي دي ال من فتكات بالعكس لو عايزين انتم تتعلموا مني اهلا وسهلا
وبالنسبة للاقسام الدينية فيهم اعضاء كتير محترمات وجزاهم الله خير على النقل والاقتباسات من المواقع الدينية لكن انا مباخدش ديني الا من متخصصين في الدين ومش باخد فتاوي من منتديات ولا حتى نايل موتورز
عارفة ليه ؟لاننا اتعلمنا هنا محدش يفتي لحد واننا نسأل اهل الذكر
بالنسبة لموضوع السن فوق ولا اقل من 30 مش قضيتنا بس لما تكون معظم العضوات متزوجات وعندهم اطفال يبقى في نسبة كبيرة منهم
ولما انتي تقولي ان في من الابتدائي وطالع يبقى انتي حكمتي بنفسك ان المنتدى مليان اطفال وداخلةتهرج وتعلب وده بيدي للمنتدى صفة التفاهة اكتر
ولعلمك انا اللي طلبت حذف موضوعي هنا ولعلمك بردو محصلش لا مشادة ولا تجاوز من الاعضاء بالعكس تماما عارفة ليه
لاننا هنا كمجتمع بنرفض وسطنا اي عضو مش قادر يحافظ على احترام المكان وتبادل الاحترام بين الاعضاء
ولو عايزة الموضوع يرجع وتتأكدي بنفسك انا معديش مانع يا ادارة ترجعوه
انا لما كتبت الموضوع مذكرتش اسم الموقع ولما طلبت حذف الموضوع طلبت عشان الموقع اتعرف
اتمنى مكنش نسيت ارد عليكي في اي نقطة
اه نسيت اقولك من باب الامانة لما كنتي تنقلي رد لواحدة غيري في الموضوع لللي كان هنا كنت تشيري ان عضوة تاني اللي كاتة الرد ده ومتنسبيش كل الردود ليا