الموضوع: الجزء التانى استعاده السياره بعد 21 يوم سرقه

الحمد لله رجعت السياره بعد 21 يوم من الحوارات و الجرى و البلطجه و الكدب
تانى يوم السرقه طلبت موبيلى المسروق لقيتو مفتوح
اعدت ارن مفيش لازيد من 5 سعات
بعدها بشويه لقيت رقمى بيرن عليا
رديت الو
الو
مين حضرتك قالى الرقم ده بيرن عليا قلتلو دى تلفونى و مسروق منى قالى دنا شاريه يا عم
قلتلو طب اشتريتو من مين قالى من واحد صاحبى
قلتلو ساكن فين
قالى فى حته اسمها الداهر
قلتلتو فين هناك قالى شارع اسمو المنزله
قلتلو و بعهولك بلخاط قالى اه قلتلو طيب انا مستعد اشتريه منك بس قابلنى فى الماكن الانتاشتريتو منو
قالى لا مليش فيه و قفل فى وشى
كده بقا قدامى عنوان الهو الداهر شارع المنزله
رحت متصل بعم حامد ده ملاحظ العمال عندنا
قلتلو هاتلى 20 عامل و عربيه نص نقل و تعالى
قالى حاضر بس بسلاح و لا بعده قلتلو بسلاح و تقيل ياعنى لو عندكو دبابه هاتوها
قالى حاضر ساعه وكانو عاندى
ادتهوم العنوان ورحنا كانالكلام ده قبل الفطار ب 3 سعات
وصلنا هناك و سئلنا على حد بيبيع موبيلات انا رايح احاسس انا مش عارف حاجه
كلمت الاشترى الموبيل تانى بقولو انا فى المكان الانتا ادهتونى الراجل البعلك مكانو فين بالظبط
قالى انتا مين يا استاذ
الموبيل ده بيتاعى بقالو 5 سنين
و متتصلش هنا تانى
كان بشتغلنى
روحت واخد الرجاله و مروح
يوم 29 رمضان 12 و نص بليل لقيت تلفون بيرن
رديت قالى انا فاعل خير
قلتلو نعم
قالى انا مسروق منك عربيه كرولا حمراء
قلتلو لا سودا
قالى اه اه سودا
قل اه انتا تعرف مكنها
قالى اه و اقدر اجبهالك بس عايزالحلاوه قالتلو هديك كل الانتا عايزو
قالى ماشى قابلنى بكره فى وسط البلد كان ده اول يوم عيد قلتلو قالى عند مول طلعت حرب
قلت ماشى
انا طبعا قلت انا همسكو مش هاحلو هخطفو
و كالعاده مجاش
بكلمو الموبيل مقفول
روحت
كلمنى بليل قالى المعلم عرف و قال احنا محتجين العربيه دى لان فى واحده عمله حادثه و هنشيل من دى نحط فى دى
قلتلو هاااااااااااااااااااااا
دى عربيتى و شتمتو قفل فى وشى
قلت كده العربيه دى راحت
تانى يوم اتصل قالى انا اقنعت المعلم انو يستنى على عربيتك
قلتلو و المطلوب
قالى 50 الف جنيه
قلتلو ليه
قفل فى وشى
روحت لابويا و اتكلمت معاه قلتلو انا معيا 43 الف تمن عربيتى الكنت هشتريها هات 7 و نجيب العربيه
قالى و انتا ايش عرفك ان العربيه عاندو قالى خليه يجبلك اماره
كلمتو رد قلتلو هاتى اماره قالى موصفات العربيه و قالى كمان ممكن اجبلك الرخص و البطاقه بيتعتك وورقك كله قلتلو ماشى قابلنى
قالى لا
قلتلو هتجبهوم ازاى قالى ملكش فيه
تانى يوم لقيت البواب مطلعلى ظرف فيهالورق بيتاعى و كل حاجه كانت فى العربيه
نزلت اجرى يمكن الحقو طبعا ملحقتوش
كلمنى بليل قالى تمام قلتلو تمام
قالى هتجيب الفلوس امتى قلتلو مش معيا قالى ماشى و قفل فى وشى و قفل الموبيل
طبعاانا اتجنينت
كنا كده يوم 5/9
كلمنى يوم 7/9
قالى المعلم باع العربيه عوضك على الله قلتلو لا استنا قالى كلام خلص
اعدت اطلبو و بيتاع قلتلو انا مستعد ادفع 10 الف قالى العربيه اتبعت قلتلو البركه فيك بقا
قالى هاحويل
راح قالى انتا غلبان انا هقضيلك المصلحه دى
قلتلو ازاى
قالى هنزل بليل بنفسى اجيب عربيه شبها و اديها للراجل و اجبلك عربيتك قلتلو هتجبها منين قالى هجبها من الاجنس طبعا بيتريق عليا
قلتلو هتسرقها قالى امال هشتريها قلتلو يا ارحم الناس قالى تصدق انا غلطان
قلتلو خلاص اعمل التعملو بس تجبلى عربيتى
قالى او اشتريلك عربيه شمال ب 5 6 الف جنيه و ادهلو و اجبلك عربيتك
بس اهم حاجه حلوتى
قلتلو محفوظه
قالى امين ادينى 3 يوم
بقينا يو 9/9
قالى بس هقولك حاجه هتبلغ انسى العربيه وقالى كده كده مفيش حكومه فا متيتعبش روحك
قلتلو متخفش
جيه يوم 13 /9
اتصل بيا قالى حضر 20 الف جنيه انا جبتلك العربيه بس كل 10 لوحدهم
قلتلو بس انا قلتلك 10 بس قالى انجز
قلتلو مفيش غير 15 الف المعيا و لوكده ممكن اقسطلك الباقى
قالى انتا غلبان انا موافق قلتلو امتى قالى يوم الخميس بليل تعلالى فى منطقه ورا قسم تانى الشروق قلتلو طيب منتا ممكن طاطلعو عليا و تخدو الفولس و مخدش العربيه برضو
قالى عيب عليك
ادانى العنوان شارع 17 منطقه ج حاجه كده
كلمت عامى حامد قلتلو هاتلى ناس تامنى
قالى حاضر جبت 5 و روحنا بعربيه بيجو 504 و روحنا
اول مروحت هناك قالى امشى على طول لحد حته صحراء كده قالى فيه رصيف جنبو فرده كوتش
اقف عندو
وقفت لقيت عيل صغير جى بيتاع 10 سنين
قالى كرولا سودا قلتلو اه
قالى فين الفلوس قلتلو فين العربيه راح راجل مكلمنى و قالى اديلو الفلوس يعدها هو كان قيلى اجبهالو فئه 10 جنيه جيه قعد الواد قتحتلو كشاف العربيه عد الفلوس ورقه ورقه و قالى تمام حطوهم فى الشنطه و قالى واحد بس ياجى معيا روحت انا معاه راح مدينى مفتاح و قالى عربيتك فى جراج مول العرب فى اكتوبر روحت ماسكو قلتلو لا مليش فيه راح راجل مكلمنى قالى والله العربيه هناك قلتلو لا الواد ده يجى معيا هو و الفلوس لحد هناك
قالى سيب الواد و الفلوس و روح خد عربيتك احسنلك
قلتلو ماشى و سبت الواد و خدت المفتاح و روحت اكتوبر و لقيت العربيه مركونه بره المول مش جوه وقفه لوحدها و كان الماتور سخن لانها تقريبان لسه واصله من شويه بس مش عارف ازاى و المفتاح كان مع الواد فى الشروق
خدتها و طيرت كلمنى قالى تمام
قلتلو تمام قالى عيب عليك احنا رجاله اوى قلتلو لا والله
الغريب العربيه مفيهاش مسمار ناقص و لا حتى مشيت اكتر من 100 كيلو و البنزين زى ماهو و العربيه مغسوله هههههههههههههههههههههه و النظاره زى ماهى و السيدهات وكل شى
دى ملخص لرجوع العربيه والله كل كلمه اتقالت هى حصلت بايجاز