اولا السلام عليكم
عندي تجديد رخصة قياده . الرخصه كانت من مرور طوسون - اسكندريه طبقا للعنوان القديم دلوقتي عنواني الجديد في لوران وكده انا تبع مرور ابيس - اسكندريه برضو . السؤال : اروح مرور ايه للتجديد علما اني جهزت الشهادات الطبيه والصور وكل حاجه ؟؟
عرض للطباعة
اولا السلام عليكم
عندي تجديد رخصة قياده . الرخصه كانت من مرور طوسون - اسكندريه طبقا للعنوان القديم دلوقتي عنواني الجديد في لوران وكده انا تبع مرور ابيس - اسكندريه برضو . السؤال : اروح مرور ايه للتجديد علما اني جهزت الشهادات الطبيه والصور وكل حاجه ؟؟
تصدق اول مره يجي ف بالي السؤال ده
يعني العربيه الواحد عارف بتتنقل ازاي من مرور ل مرور
لكن عمري ما فكرت ف موضوع رخصه القياده ده
هتروح المرور اللى انت كنت تابع ليه تجيب شهادة بيانات من هناك و براءة ذمه (لرخصتك انت)
و تطلع على المرور الجديد بالورق ده و شهاداتك و تجدد
و انت بتعمل شهادة البياناتهيطلبو منك صور شخصيه فاعمل حسابك على القصه دى
اشكركم جدا على التوجيه وانا بكره رايح المرور ان شاء الله
تمام
هتروح مرورك القديم تجيب منه شهادة بيانات وبراءة ذمة
وتطلع على المرور الجديد هيدولك تصريح مش رخصة قيادة مؤقتا لمدة 6 شهور لحد ما ملفك ييجي
وانت وحظك بقا والدي جدد التصريح دا 6 شهور تاني وراح جاب الملف بنفسه وداه المرور الجديد عشان ياخد الرخصة بتاعته الفعليه
وربنا يوفقك ان شاء الله
اشكركم جدا على الاهتمام والتوجيه
انا رحت النهارده الصبح لمرور طوسون الساعه 9 صباحا وقالولي لازم اعمل شهادة بيانات بالكمبيوتر ونظرا لان الملفات في المرور ده اتحرقت كلها مابقاش فيه ملفات - ودي مصلحه - عملت الشهاده ورحت مرور ابيس على الساعه 10.30 لقيت الدنيا رايقه نوعا ما طلعت شهادة براءة ذمه من نيابة المرور هناك واشتريت الملف بالنموذج من الخزينه وقدمته مع شهادة البيانات والشهادات الطبيه وصورتين والرخصه القديمه شويه ورحت اتصورت واخيرا طلعت الرخصه الجديده بعشر سنوات بالعنوان الجديد .... الحمد لله
مبروك