مشكلة البوبينة

**sameh6** · 17-09-2011 06:54 PM

اعضاء المنتدي الغاليين عندي مشكلة في اللانوس
عندي لانوس 2005 غيرت لها فلتر بنزين وطقم بوجيهات ngk r اول ما ركبتهم العربية بقت احسن بس بعد ماريحت ودورتها بعد كام ساعة دارت دقيقة واتحولت لتلاتة سلندر شوية بقت شغالة اربعة نفس الحكاية حصلت الصبح بس طولت شوية رحت للميكانيكي ماصدقنيش واعتبر ان كل حاجة مظبوطة ولما اكدت عليه قاللي يمكن البوبينة بس قبل ماغير البوجيهات عمرها ماعملت كدة هل الفحص بالجهاز يبين العيب فين بدل ماغير بوبينة غالية علي الفاضى علي فكرة انا في قنا علشان ماحدش يوصف عناوين ارجو الرد من العضاء واكون شاكر ليكم

**Ahmed Nasser** · 17-09-2011 07:04 PM

هو الجهاز فعلا يطلع ان البوبينة بايظة
بس انا معرفش حد فى قنا

**mostafa mahmod** · 17-09-2011 07:30 PM

لا الجهاز مش بيبين عيوب الموبينه ( جهاز السكانر)

لو عايز تعرف الموبينه بايظه و لا لأ شيل كل طرف من طروفها و ابعد 1 سم عن العين بتاعته و شوف الشراره بتاعته عامله ازاى لو ال 4 اطراف شرارتهم كويسه يبقى الموبينه سليمه و تدور بقى على حاجه تانيه امنا لو اى طرف شرارته ضعيفه يبقى الموبينه ودعت

و لو لقدر الله باظت و هتجيب غيرها هاتها اصلى متجبهاش صينى و يفضل لو جديده و غير سلوكها بالمره ( سلوك البوجيهات )
و بص لو هتغير هات السلوك الاول و حطها و اعمل تجربه الشراره دى تانى ممكن يكون العيب من السلوك مش من الموبينه

**aliyosef** · 18-09-2011 07:23 AM

المشاركة الأصلية كتبت بواسطة sasaasdf

لا الجهاز مش بيبين عيوب الموبينه ( جهاز السكانر)

لو عايز تعرف الموبينه بايظه و لا لأ شيل كل طرف من طروفها و ابعد 1 سم عن العين بتاعته و شوف الشراره بتاعته عامله ازاى لو ال 4 اطراف شرارتهم كويسه يبقى الموبينه سليمه و تدور بقى على حاجه تانيه امنا لو اى طرف شرارته ضعيفه يبقى الموبينه ودعت

و لو لقدر الله باظت و هتجيب غيرها هاتها اصلى متجبهاش صينى و يفضل لو جديده و غير سلوكها بالمره ( سلوك البوجيهات )
و بص لو هتغير هات السلوك الاول و حطها و اعمل تجربه الشراره دى تانى ممكن يكون العيب من السلوك مش من الموبينه

+1
كل الكلام ده مظبوط وكمان زود ان ممكن يكون فيه بيجو منهم منيل على عينه ركب كده بيجوهاتك القديمه وقول يارب
مع تحياتى لأبناء عمومتى فى قنا