العربية بتعمل باك فاير عند التبطيل

لكل خبراء الابيزا العربية عندى بعد ما كنت باستخدم بنزين 92 استخدمت بنزين 80 وفجأة بدات العربية تعمل باك فاير عند لما اجى ابطل العربية بس مش باستمرار المهم فرجعت احط 92 تانى لاكن مفيش فايدة روحت للميكانيكى قالى الكاربيراتير روحت عملت الكاربيراتير فى شبرا باب واكس وجلب وبك سلانسية ولما رجعت رجعت تانى تعمل الباك الفاير فرجعت تانى لشبرا قالى الكاربراتير فية بنزين زيادة وعملوا بس واطى العربية وبعد شوية العربية عليت تانى ورجعت تعمل الباك فاير اروح للميكانيكى علشان يظبط العربية يقولى الكاربراتير بيعلى ويوطى عايز يتظبط مش عارف اعمل اية وواحد يقولى الكهربا خالفة هى ايلى عايزة تتظبط ياريت لو حد يقدر يفيدنى فى الموضوع ده

ربنا يهديك ان شاء الله للصح كان نفسي افيد والله بس خبرتي ضعيفه اوووي في الكربيراتير

متشكرين يا باشا كفاية انك اهتميت

العربيه دي يا برنس و من الأخر و على مسئوليتي كاتينتها مش مظبوطه

اعتقد لو مشكلة كربراتير تعمل الحركة دى وهى باردة بس

وبالنسبة للكهربا ، لو عندك ابلاتين وكوندنسر تبقى مشكلة كوندنسر
وممكن تبقى خالفة تقسيمة درجة بسيطة جدااا

هى عاملة معاك ايه في السحب ؟

شوف بس موضوع الكهربا الاول قبل التقسيمة

بص يا باشا انا برضه عربيتي أبيزا 94 كانت بتعمل كده بالظبط و انا كاتب موضوع شارح فيه ان العربيه كانت بتعمل معايا مشاكل كتير من ضمنها موضوع المدافع ده و كل المشاكل اللي كانت عندي بسبب أن الكاتينه كانت خالفه ولو ظبط الكاتينه المشكله دي هاتختفي و نصيحه كربراتير الأبيزا اللعب فيه كتير بيبوظوه فبلاش تلعب فيه تاني كفايه موضوع الأكس و الباب لآن الكربراتير ده أصلا مش بيتعمله أكس و باب انتا أكيد رحت في شبرا للناس اللي في الساحل
فعشان متدوخش نفسك أظبط الكاتينه أسهل

لا مبتعملش كدة وهى باردة طول ما هى باردة لو دورت وبطلت ما تعملش حاجة لكن لما تسخن تعمل كدة هى المشكله انها مابتعملش الباك فاير دة على طول ممكن مرة اة ومرة لا مش فى كل وقت اجى ابطل العربية الاقيها بتعمل كدة وبالنسبة للسحب العربية سحبها كويس ومتشكرين على الاهتمام

على الرغم من انى بستعمل بنزين 80 هلى ياثر معايا ارجع تانى لل92 ولا امشى كدة عادى

شوف يباشا علشان تريح دماغك روح لرشاد فى الحرفيين ده احسن واحد فى مصر بيظبط كربراتير الفولكس عموما وهو كهربائى وبيكشف كمبيوتر علشان مترميش فلوس فى الارض

اقتباس:

---

المشاركة الأصلية كتبت بواسطة ashoub

شوف يباشا علشان تريح دماغك روح لرشاد فى الحرفيين ده احسن واحد فى مصر بيظبط كربراتير الفولكس عموما وهو كهربائى وبيكشف كمبيوتر علشان مترميش فلوس فى الارض

---

ده يبقى عيب كربراتير في حاله واحده بس لو الموتور عالي جدا و rpm فوق 10 مثلا فتيجي تبطل العربيه متبطلش لكن العيب ده عيب كاتينه خالفه

الحمد لله يا جماعه العيب طلع بك السالانسية وتم تغييرة واتظبطت الحمد لله متشكرين على الاهتمام

ممكن سعرة كام لو سمحت

اقتباس:

---

المشاركة الأصلية كتبت بواسطة hamzamahmoud

الحمد لله يا جماعه العيب طلع بك السالانسية وتم تغييرة واتظبطت الحمد لله متشكرين على الاهتمام

---

طب ممكن تقولى مين الميكانيكى الكويس الى وصل اخيرا للعيب ده
ولو كده ندخلو القائمه البيضاء بتاعت المنتدى
ومعلش هوا البك حضرتك جبتو بكام علشان نعرف اسعار قطع الغيار
وشكرا
ربنا يستر طريقك وطريقى

انا مروحتش للميكانيكى انا كنت عند الكهربائى ايلى بتعامل معاه فوصفلى واحد بتاع كربراتير فى كوبرى القبة فروحتلوا وفكينا الكاربراتير تانى وفككنا حتة حتة وانا واقف معاه فلائيت البك ايلى الناس ايلى فى ورشة الحاج ابراهيم مركبينة مش هو بتاع العربية كانوا مركبين بك اسكودا ولاقيت البك الكهربا مفصول فغيرتوا وغيرت البك العادى من عند واحد بتاع قطع غيار فى جسر السويس فكهولى من كاربراتير كان عندة وختوا ب30جنية وبك الكهربا خدتوا من عند بتاع الكاربراتير وغيرلى بكين السرعة وجوان وخد منى 70 جنية يعنى الموضوع كلة اتكلف 100جنية بس احلى حاجة فى الموضوع ان الكلام دة كلوا اتعمل قدامى وانا ئاعد معاه

اقتباس:

---

المشاركة الأصلية كتبت بواسطة hamzamahmoud

انا مروحتش للميكانيكى انا كنت عند الكهربائى ايلى بتعامل معاه فوصفلى واحد بتاع كربراتير فى كوبرى القبة فروحتلوا وفكينا الكاربراتير تانى وفككنا حتة حتة وانا واقف معاه فلائيت البك ايلى الناس ايلى فى ورشة الحاج ابراهيم مركبينة مش هو بتاع العربية كانوا مركبين بك اسكودا ولاقيت البك الكهربا مفصول فغيرتوا وغيرت البك العادى من عند واحد بتاع قطع غيار فى جسر السويس فكهولى من كاربراتير كان عندة وختوا ب30جنية وبك الكهربا خدتوا من عند بتاع الكاربراتير وغيرلى بكين السرعة وجوان وخد منى 70 جنية يعنى الموضوع كلة اتكلف 100جنية بس احلى حاجة فى الموضوع ان الكلام دة كلوا اتعمل قدامى وانا ئاعد معاه

---

طيب ممكن يا حازم باشا...رقم تليفون واسم فني الكربيراتير مدام هو كويس نضيفة للقائمة البيضة والله كريم

هو اسمة فرج الخواجة فى شارع متفرع من شارع دويدار ايلى هو متفرع من مصر والسودان اسال على مدرسة الايمان الخاصة هو جنبها على طول