الموضوع: باسات 2007

الباسات لغاية 2008 FSI 1600 قوة 115 حصان عزم 152 نيوتن و الارقام ديه لا تتناسب مع الوزن لذلك العربيه مناسبه للناس اللى ما بتجريش لفخامتها
من اول 2009 نزلت 1400 cc تربو TSI قوه 122 حصان و عزم 200 نيوتن اللى خلى قوة الموتور ما تتأثرش بالوزن فمن ناحية السحب العربيه رهيبه وصعب على اى عربيه 6 سلندر تسبقها بس ياخساره نزلت بالفتيس DSG اللى بعتبره اسوء فتيس تم اختراعه على مر التاريخ يعنى جم يوسعوا الجاكت البنطلون وقع
بانسبه لل بى ام 316 هى مانوال مش اوتو لموديل 2006
خلليك فى 318

المحرك ال 1.6 على الباسات مش تقيل ولا حاجه .. بالعكس فى ظل الرفاهيه و الرحابه و التكنولوجيا و الثبات اللى بتقدمه .. هى مش عربية شد و جرى .. و مع بنزين 95 العربيه بتدى عزم ال 2000 سى سى القديم بتاع الجيتا الجديده فى الخليج :)

[frame="1 80"]
المحرك ال 1.6 على الباسات مش تقيل ولا حاجه .. بالعكس فى ظل الرفاهيه و الرحابه و التكنولوجيا و الثبات اللى بتقدمه .. هى مش عربية شد و جرى .. و مع بنزين 95 العربيه بتدى عزم ال 2000 سى سى القديم بتاع الجيتا الجديده فى الخليج :)
[/frame]
واضح ان حضرتك من الناس اللي سواقتها متزنه بس لمعلومات حضرتك ان fsi لازم ياخد بنزين 95 و الكلام ده من كتالوج العربيه والعربيه بالنسبه لطبيعه سواقتى تعتبر تقيله بال 95 و ماحدش طبعا يقدر يفتح بقه في الثبات و الفخامه

واضح ان حضرتك من الناس اللي سواقتها متزنه بس لمعلومات حضرتك ان fsi لازم ياخد بنزين 95 و الكلام ده من كتالوج العربيه والعربيه بالنسبه لطبيعه سواقتى تعتبر تقيله بال 95 و ماحدش طبعا يقدر يفتح بقه في الثبات و الفخامه

اتفق مع حضرتك انها محتاجه 95 .. بس اكيد فى ظل الفخامه دى و انها بمحرك صغير السعه عشان الجمارك .. دى معادله عقلانيه جدا .. و اكيد انت مش 24 ساعه بتجرى .. بس اكيد كل مره بتركب عربيتك عاوز انها تكون امان و ثابته و فخمه .. و دى وجهات نظر .. بس لو الحق يقال .. العربيه العادى بتاعها المحرك ال 2000 توربو و دا بيولد 200 حصان تقريبا .. دا الموتور المثالى للوزن دا .. و لو رياضى يكون محرك احلامى ال 3600 سى سى 6 اسطوانات بالفتيس الدى اس جى بيولد فى العادى 285 حصان و لو بتاع ال النسخه باسات الرياضيه بيولد 300 حصان .. فعليا بتحرك الباسات من الصفر ل 100 كيلومتر فى 5.4 ثوانى ..

[frame="1 80"]
اتفق مع حضرتك انها محتاجه 95 .. بس اكيد فى ظل الفخامه دى و انها بمحرك صغير السعه عشان الجمارك .. دى معادله عقلانيه جدا .. و اكيد انت مش 24 ساعه بتجرى .. بس اكيد كل مره بتركب عربيتك عاوز انها تكون امان و ثابته و فخمه .. و دى وجهات نظر .. بس لو الحق يقال .. العربيه العادى بتاعها المحرك ال 2000 توربو و دا بيولد 200 حصان تقريبا .. دا الموتور المثالى للوزن دا .. و لو رياضى يكون محرك احلامى ال 3600 سى سى 6 اسطوانات بالفتيس الدى اس جى بيولد فى العادى 285 حصان و لو بتاع ال النسخه باسات الرياضيه بيولد 300 حصان .. فعليا بتحرك الباسات من الصفر ل 100 كيلومتر فى 5.4 ثوانى ..
[/frame]
اظن كده ان رأينا واحد بس في نقطه صغيره بخصوص ان الواحد مش محتاج يجري طول الوقت احب اقول لحضرتك ان الواحد بيختار الموتور القوي حتى لو مالوش في الجري عشان بيديك متعه في السواقه وبيحسسك بالعزم تحت امرك في اي وقت تحتاجه والا كانت كل الناس بره اختارت المواتير الصغيره لتوفير الطاقه