النهاردة والد واحدة زميلتي عدي عليها ياخدها سألته وكان هيرجع ملطريق دا قلت فرصة امشي وراه واحفظه..مشيت حوالي 6 كيلو ف طرق زراعية بس مرصوفة..وحوالي 5 كيلو فلجبل فطريق شبه مقطوع..لحد مطلعت علي الطريق الصحراوي الغربي...الطريق الي حد ما مش واسع
يعني يادوب حارتين اضيقق من طريق الفيوم نفسه..لكن مريح جدا خصوصا مكنش فيه شمس والجو مغيم ومنظر الرمال علجنبين تحفة..مفتقدة
المنظر دا فطريق اسكندرية دلوقتي...بس طبعا الطريق بلليل دمار لاني مشفتش عمود نور واحد..ومفيش اي خدمات بطول الطريق
.كان فيه عربيات نقل كتير جدا جدا لكن مكنوش بيجروا كانوا عاملين زي ال puzzle فلطريق بالتالي مغري جدا للشد...حاولت محاولة فاشلة جدا مع باسات كان ماشي علي 100 طلعت منه
طبعا استفزيته فطار مني زي فلاش الكاميرا مشفتوش تاني غير عند منفذ دهشور...بس يادوب اتشطرت علي ميكروباص فضلنا نشد مع بعض طول الطريق
كنت مقفلة عليه كل الغرز تقريبا مطلعش مني غير مرتين بس...من اول مطلعت علطريق لحد مدخل اكتوبر تقريبا...راح جه جنبي وقالي حرااااااااااااااااااااااا اااااام عليييييييييييييييكي متبقيش تجري فلطريق دا تاني كدا بس مية مية الله ينور... :D:D:D:D قلتله طير انت بقي انا
جوا القاهرة بمشي بالعقل :D:D
المفضلات