مشكلة في شجرة البنزين لفيرنا 2009

**man_hero** · 18-09-2011 02:49 AM

السلام عليكم

أنا معايا فيرنا 2009 وفيها مشكلة بقالها شهرين وهي اني كنت بربط عفشة في بنزينة شل اللي في شارع الطيران وغيرت فلترالبنزين. المهم بعدها بكام يوم بدأت اشم ريحة بنزين والعربية بتقطع لما بدور اذا كانت العربية واقفة بقالها اكتر من ساعتين

المهم بعدها بفترة كشفت علي فلتر البنزين واتاكدت انه راكب تمام ورحت بعدها عند ميكانيكي معرفة في المنصورة وكشف عليها وقالي المشكلة في شجرة البنزين فيها خبطة نتيجة تربيط العفشة فتنزل البنزين الراجع من الموتور لما العربية تقف وقالي ملهاش حل الا تغيير الشجرة كلها.

انا بسأل أهل الخبرة؟ هل المشكلة دي ليها حل غير تغيير شجرة البنزين
لو مفيش حل تاني يا ريت حد يقولي علي مكان اشتري منه الشجرة لاني مش لاقيها في كذا مركز صيانة
وكمان لو فيه مركز صيانة أو ميكانيكي شاطر يعني كويس في شغله وأسعار المصنعية

ملحوطة: أنا من سكان مدينة نصر

وجزاكم الله خيرا

**man_hero** · 19-09-2011 03:03 AM

ايه يا سباب مفيش حد عنده اجابة لسؤالي

**man_hero** · 22-09-2011 01:02 AM

أنا الحمد لله اشتريت الشجرة من التوكيل بعد دوخة لانها ناقصة جدا من السوق
انا محتاج دلوقتي اي حد يدلني علي ميكانيكي شاطر يكون ركب الشجرة دي قبل كده بس يكون سعره معقول
أو حتي مركز صيانة بس برضه المهم الصنعة رقم 1 ثم السعر