-
المياه الخضرا او الحمرا
انا معايا فيرنا و مش عارف ليه الميه الخضرا مع اني غيرتها اخر مره في التوكيل بنوع كدا ال في كانزات دا و ساعتها دفعت فوق ال 60 جنيه تنظيف مياه الراديتير و ال 6 علب كانز مياه خضرا يعني دلواقتي مر عليها 10 شهور اهو ... هو فعلا لازم اغيرها المياه دي كل شويه لما لونها يغير و ريحتها تبقي وحشه اوووي كدا ريحتها يا جماعه كانها قطه ميته بجد ... انا شاكك في النوع بتاع المياه الخضرا دي ... انا دلواقتي رايح اعمل صيانه ال 10 الاف .. ايه هو افضل نوع مياه خضرا انا سامع ان موبيل كويس جدا ولو هاغير المياه كلها هل هاستخدم اكتر من جركن ولا جركن واحد كويس
سوال تاني معلش هو لو انا سبت المياه من غير تغيير هل هايضر حاجه انا فعلا حاسس كدا ان العربيه بتسخن شويه بس طبعا المؤشر الحمدلله كويس لكن احساس بس
سوال تالت معلش استحملوني هو المياه الحمرا احسن و لو اغلي مش مشكله مادام حاجه نضيفه و مش بتاثر علي الموتور لان الموتور دا قلب العربيه زاي مانتوا عارفين و شكرا ليكم يا جماعه علي تعب محبتكم و علي الوقت القريتوا فيه رسالتي شكرا ليكم جزيلا
-
المية الخضرا هى نفس المية الحمرا بس عيب المية الحمرا انها سامة
المفروض انك متغيرش مية الردياتير طالما ما فيش اى شكوى منها
موضوع الريحة بتاعة المية دة بصراحة اول مرة اسمعة
المية الخضرا بتاعة موبل فعلا انضف حاجة
-
اللي أعرفه ان الميه الحمرا - عمرها أطول (5سنين أو 250 ألف كيلو) وفي عربيات كتير بتنصح بيها زي تويوتا ودايهاتسو وأودي وكرايسلر وغيره - وبيكون مكتوب عليها(longer life coolant - Concentrated )
أما الميه الخضرا فبيتم تغييرها كل (سنتين أو 60 ألف كيلو) في أغلب العربيات.
حتى لو التبريد جيد لازم تغيرها .. عشان تحافظ عالردياتير لأطول فترة ممكنة.
الميه الخضرا مش بس إيثيلين جليكول متخفف في شوية ميه بنسبة ما ، ولكن فيها أيضا (مانع رغاوي - ونسبة من زيت عشان طلمبة الميه - ومانع صدأ - ومانع تاكل وتحلل)
الميه الخضرا بعد فترة معينة من استخدامها بيفقد مانع التاكل corrosion inhibitor خواصه وبتتحول من سائل قلوي(يحافظ على الردياتير) إلى وسط حمضي (ياكل في السربنتينة الألومنيوم من الداخل).
وأعتقد ان (تغيير ميه خضرا كل سنتين تلاتة) أحسن وأرخص من (تغيير ردياتير مخروم وممكن خراطيم و heater وطلمبة ميه كمان).
والله أعلم.
-
يا جماعة المية الخضرا هي زي المية الحمرا مجرد الوان بتتحط عشان اما يحصل تاكل في الردياتير يقدروا يشوفوا التسريب جاي منين وسائل التبريد ده عبارة عن ايثلين جليكول بتركيز معين مضافا اليه مياه مقطرة بالاضافة الي اي لون زي اللي موجود في السوق يعني مفيش حاجة اسمها ده سام او غير سام
هو سبب اختيار الايثلين جليكول ان درجة غليانه اعلي من المياه العادية بشوية حوالي 110 درجة سلزيوس
Content Relevant URLs by
vBSEO 3.6.0 PL2