الموضوع: حد يعرف حاجه عن لمبة ال Epc

انا معايا اسبرانزا 1600 و من حوالى شهر ظهر مؤشر بينور فى التابلوه اسمه EPC و لما بصيت عليه فى المانيوال لقيت مكتوب انه بيعبر عن خطأ فى عمل الموتور
الحقيقه هو كان بينور شويه و بعدين يطفى و كان بينور بطريقه عشوائيه يعنى ساعات ينور و ساعات لا
المهم لما رحت صيانة ال20000 قولتلهم عليه و بعد ما خلصت الصيانه و مشيت لقيت المؤشر نور تانى قبل حتى ما اعدى البوابات بتعة القاهره، فرجعت التوكيل و كلمت م. محمد رضوان ( على فكره الراجل ده محترم جداً) فبص فى امر الشغل و لقى ان مكتوب ان العطل ده يحتاج الى تغيير قطعة غيار اسمها knock sensor بس القطعه دى مش متوفره و وصلنى بالموظف المختص علشان اعرف هيوفروا قطعة الغيار امتى ، الكلام ده كان من اسبوع بالضبط و النهارده اتصلت بالمهندس ابراهيم المسئول عن قطع الغيار و هو قاللى انهم جابوا قطعة الغيار و بكره هاتصل بالتوكيل احدد ميعاد التركيب.
المهم انا كنت باسال اذا كان فيه حد ظهرت عنده نفس المشكله او مشكله مشابهه لان و انا هناك يوم صيانة ال20000 كان فيه واحد من بورسعيد جاى عنده شكوى مشابهه و كان بيقول ان الموضوع بتاع ال EPC ده مشكله مزمنه و انه جاى علشان يسيب العربيه فى التوكيل علشان مش عارفين السبب المؤدى لظهور هذا العطل ( بس هو كان بيشتكى ان المؤشر بينور و مش بيطفى خالص)
ارجو الرد السريع لانى قلقان جدا و مش عارف ايه الknock sensor ده

يا جماعة متشكر جداً لأبو سيف و Noni67 على شرحهم للمشكله و ارجو حقيقى الموضوع يخلص بتغيير ال knock sensor و ما يكونش اكبر من كده
على فكره انا كمان لاحظت ان المؤشر ده بينور لما باكون ماشى على سرعه عاديه و ظروف الطريق تضطرنى انى ازود السرعه جامد فجأه
أما بالنسبه ل eng_mkhalaf انا لسه ماعرفش سعر الknock sensor بس أعتقد انه هيتغير على حساب الضمان عموماً انا هابقى اكتب كل حاجه بعد اتمام الصيانه
شكراً جداً جداً جداً لكل من تفضل بالرد