طيب ممكن انت تسعدنى انا عاوز اشترى العربية دى موديل 2008 تكون بحالة كويسة اة اخبار العربية دى
عرض للطباعة
طيب ممكن انت تسعدنى انا عاوز اشترى العربية دى موديل 2008 تكون بحالة كويسة اة اخبار العربية دى
مش فاهم الفكرة من السؤال
بس انا للاسف معنديش اى معلومات عن مو 2008
بس ممكن اقوللك انا عرفت ايه عن ال 2005 (المعلومات دي من ناس برة المنتدى):
1- 1600 سي سي و 102 حصان
2- مفيش منها غير ستبترونيك مفيش منوال
3- قطع غيارها اغلى من bmw 318 مو 2000 (لانى كنت محتار بينهم)
4- المانى يعنى ثبات جامد واخدة 5 نجوم فى اختبارات التصادم بفضل ال 10 ايرباج
5- شيك جداً من برة ومن جوة
6- تعمل من 85 لحد 95 ألف جنيه
بس كدا
انما اسعر قطع الغيار مثلاً معرفش اسعارها بالتفصيل وعامل موضوع بكل قطع الغيار بالاسم لكن لاحياة لمن تنادى
مصاريف الترخيص ونقل الملكية نفس الكلام موضوع مستقل ولا حياة لمن تنادى
لو انا عرفت اي معلمومات عن 2008 هبعتهالك على الخاص
بص يا باشا ومتزعلش نفسك انا معايا 2008 كامله ماعدل فتحة السقف 10 ايرباج العربيه حاجه خرافه ماشاء الله كنت جايبها من 5شهور ب 105000 الف بالنسبه العيب الوحيد القاتل فى كل الموديلات كمبرسور التكيف لازم يتغير بالنسبه لقطع الغيار
1- فاتر هواء 250 ج كل 10000 كيلو متر
2-بوجيهات 240 ج كل 10000 كيلو متر
3-سير كاتينه وبليه 650 ج بيتغير كل 80000 كيلو متر
4-سير دينامو 250 ج كل 10000 كيلو متر
5-فلتر تكيف كربون 250 ج
6-زيت فتيس 200 ج للكيلو +فلتر فتيس 250 ج وبتاخد 5كيلو زيت
7-زيت موتور طبعااا كاسترول الاصلى كل 15000 مش فاكر بكام
بالنسبه لقطع غيار استيراد معقوله ولو غاليه متنساش انك راكب جولف 5 مش 6 جولف اغلى شويه بس انا اشتريت كذا حاجه
1- مرايه كامله 500 ج
2-سدركامل للعربيه 1500 ج علشان السدر كله بلاستيك
3-الاكصدام الامامى 1500
4-الاكصدام الخلفى 1200
5-شكمان كامل 1500
واى خدمه اناتحت امرك ويارب يوفقك للتحفه دى
أستاذ/تيرز,
أنا ملاحظ إن حضرتك كان معاك لانسر قبلها فإيه رأيك فى مقارنة قطع الغيار من حيث العمر الإفتراضى والسعر؟؟؟؟
العضو tears معلش انا عندي سؤال هي ال2008 فيها تحكم في الطاره و فيها شاشه GPS ولا لا
عشان ناس بتقوللي ان بعد 2007 العربيه نقصت حاجات زي الطاره ,,ال gps انا مش فاكر دخل مصر امتي يعني موجود في الجولف 5 اصلا ولا لا ؟
انا بدور علي جولف 5 و مش لاقي حاجه نضيفه خالص ,,يا ريت لو حد عنده او يعرف معرض مثلا برضه يقولي
صعب تلاقى حد يعرف سر كل قطع غيار عربيتة .. لو انت مهتم اوى بالموضوع دة الافضل تعمل زيارة للحرفيين . او بور سعيد
اسف على التاخير فى الرد انا عربيتى مفيهاش تحكم فى الطاره بس انا هركبها ان شاء الله بس مستنى الكنترول
يجى بتاع الطاره وبالنسبه لى الجى بى اس انا ركبت كاسيت ليها فى جى بى اس
بالنسبه لقطع غيار الانسر مقارنة بالجولف اللنسر اغلى ومش معمره انا طقم التيل فى اللنسر بى 450 جنيه مكنش بيقعد معايا 3شهور هى الانسر عربيه عمليه جدااا فى مصر بس قطع غيار اصلى اغلى من الجولف ومفيش مقارنه بصراحه انا كنت مش راكب عربيه بقارنتها بالجولف طبعاااا فى عربيات عاى موقع كونتاكت كار بس كلها 2005
شكرا tears انا مش لاقي عربيه عدله خالص و ماشي حافي الايام دي و لما الاقي وحده كويسه علطول صاحبها ضارب في السما
و حكايه تحكم الطاره دي يبقي زي مقالولي ان بعد 2007 في اوبشنز نقصت !!
الحمد لله امبارح اشتريت شبوره استيراد وركبتها عند رشاد طبعاااا هما غاليين شويه بس خلو شكل العربيه تحفه