اشتريت كولت الصبح أخدت العين من ساعتين و عملت حادثة من شوية

اولا احلى سلام على كل الكولتاويه و الللانسراويه ..
امبارح انا انضممت لعائلة ملاك ميتسوبيشى و اشتريت كولت موديل 93 و لكن و للاسف ملحقتش اتهنى و الحمد لله انها جت على أد كده >
العربية اشترتها و خصمت من الراجل تمن كباس التكييف و ما علينا مقدرتش اعمله امبارح طول اليوم فروحت و عديت على المنطقة و هناك كانت المفاجأت .....
خد عندك كل الناس اللى معاها عربيات فوق ال 100 ألف نزلوا قر على العربية الغلبانة بتاعة العبد لله ... المهم أخدت الجرعة من هنا من حوالى 20 شخص بيقروا عليها على مدى ساعتين محدش بيكلمنى غير على عربيتى و ممكن أظبط فيها ايه و أركب عفشة سبور ايه و الشغل ده , و مره واحدة واحد صاحبى حلف عليا لا انا واخده لفة كده و مغرز بيه و بتاع .. قولتله اركب ياعم , و خير اللهم اجعله خير و انا على سرعة 90 الاقى الكبوت ده بقدرة قادر القفل اتفك و طار علينا و كسر البرابريز , طبعا قدرت بفضل ربنا اعمل هاندلنج على العربية رغم انى مش شايف حاجة و رحت راكن , نزلت لقيت ايدى متعورة من الازاز !!!!
و الكبوت متنى تنية سوده و البرابريز كل سنة و انت طيب !!!
طبعا صعب أوصف حزنى حتى الان و انهارده الاحد و مفيش حد فاتح بس كنت حابب اعرف لو حد عنده فكرة البرابريز ده أجيبه منين و بكام و عايز برده اعرف الكباس بتاعها (هو هو بتاع اللانسر البطة) يعملوا كام و منين , علما اننى من مصر الجديدة فلو حاجة قريبة يبقى ياريت و هل أجيب كباس استيراد أحلى ولا جديد ولا ايه ؟؟؟؟ , و كمان العفشة اللى ورا كتيانة , عايز أركب عفشة تعمل ثبات حلو فى العربية و تريحنى برده . لو حد يرشحلى مكان كويس و يقولى اشترى ايه برضه و برضه عايز كهربائى حلو فاهم فى العربية دى عشان عايزه ضبط كهرباء و كده تبقوا عملتوا معايا واجب يا جماعة , شكرا و ربنا يسترها على الجميع http://www.nilemotors.net/Nile/image...e02%5B1%5D.gif

السلام عليكم ربنا يعوض عليك واحمد ربنا انها جت علي قد كدة علي كل شىء الكولت تقريبا نفس البطة ما عدا الشكل الخارجى بس متهيالى الكبوت واحد انا عندي واحد بتاع بطة لو تحب تشوفة انا تحت امرك ولو الازاز واحد انا كنت جايبة ب260 والتركيب 50 والكباس واحد هو بتاع البطة استعمال حوالي 600 او 700 و انا عندي كهربائي كويس وميكانيكي وتحت امرك في اي حاجة لان البطة دية حبيبة قلبي من جوة

قول الحمد لله انها جت على قد كدا
على الكبوت عادى ممكن يتصلح بسيطه
الازاز انزل عند د/ جدريش فى العاشر من رمضان بيركبوة هناك بسعر الجمله فى اقل من 10دقائق وفيه كمان فى 6 اكتوبر
أ/ كريم منير كان عامله هناك وبيشكر فيه جدا ممكن تساله وهو هيقولك على الطريق وكمان تقريبا كان ارخص من د/ دجريش
والعفشه اسال شريف كولت هو كان معدلها
الكمبروسر يعمل من 500 الى 700 استيراد
واى خدمه يا باشا

اقتباس:

---

المشاركة الأصلية كتبت بواسطة husseinthemaster

السلام عليكم ربنا يعوض عليك واحمد ربنا انها جت علي قد كدة علي كل شىء الكولت تقريبا نفس البطة ما عدا الشكل الخارجى بس متهيالى الكبوت واحد انا عندي واحد بتاع بطة لو تحب تشوفة انا تحت امرك ولو الازاز واحد انا كنت جايبة ب260 والتركيب 50 والكباس واحد هو بتاع البطة استعمال حوالي 600 او 700 و انا عندي كهربائي كويس وميكانيكي وتحت امرك في اي حاجة لان البطة دية حبيبة قلبي من جوة

---

,
بالنسبة للكبوت انا مش هحتاج واحد جديد , هو عايز يتعدل بس , و الازاز فى واحد قالى على محل اسمه الثلاثى فى مصطرد , ياريت لو حضرتك تعرف ميكانيكى كويس و كهربازئى تقولى العنوان و التليفون أو احدهما و ابقى شاكر ليك جدا و فعلا هى تعتبر البطة فى كل حاجة

اقتباس:

---

المشاركة الأصلية كتبت بواسطة mohammedabdallh

قول الحمد لله انها جت على قد كدا
على الكبوت عادى ممكن يتصلح بسيطه
الازاز انزل عند د/ جدريش فى العاشر من رمضان بيركبوة هناك بسعر الجمله فى اقل من 10دقائق وفيه كمان فى 6 اكتوبر
أ/ كريم منير كان عامله هناك وبيشكر فيه جدا ممكن تساله وهو هيقولك على الطريق وكمان تقريبا كان ارخص من د/ دجريش
والعفشه اسال شريف كولت هو كان معدلها
الكمبروسر يعمل من 500 الى 700 استيراد
واى خدمه يا باشا

---

شكرا لحضرتك جدا , بس ممكن استفسر من شريف كولت عن موضوع العفشة ده ازاى , انا معرفوش .

ياه الف حمد الله على سلامتك وعديلى معاه نفس الموديل وعملتها معاه مرتيين اوحش حاجة فى الموديل ده قفل الكابوت خللى باللك لما تيجى تعملها مش عارف ليه الموديل ده كده ممكن تكون انت نسيته مفتوح سنة وعلشان الكابوت كبير شوية والعربية بتجرى حصل كده ربنا يعوض عليك ومتحطش فى دماغك موضوع القر وكده علشان الناس فى كل حتة بتبص للفضول وخلاص قول اللهم اجرنى فى مصيبتى واخلف لى خير منها

الحمد لله على كل شيء
وكويس انها جت على قد كدا
وفعلا حاول تشوف د/ جريش الكل بيقول عنه انه كويس جدا

ربنا يعوض عليك