افتح موتور المكنه الاول ونطفها وشوف الشربون وجرب
عرض للطباعة
افتح موتور المكنه الاول ونطفها وشوف الشربون وجرب
هجرب اعمل كده وهبقي قاقول اه اللي حصل
ممكن لو سمحتوا رقم تليون لحلمي سلمن يكون شغال علشان انا معايا رقم 25742326 بس مفيش حد بيرد
دورت لحضرتك علي الانترنت وللاسف مفيش غير الرقم ده....حاول مره تانيه وان شاء الله يرد
لو عايز تسال علي حاجه لغاية مثلا مايردوا ممكن في اول مشاركات في الموضوع ارقام محلات مختلفة
تحياتي
السلام عليكم
انا ياجماعة اسمي اسلام ولسه رجلي جايه في الاسبكترا قريب هيه 2004
طبعاً انا مشتري مستعمل فلازم هاغير حاجات كتير علشان دماغي غير دماغ اللي كان راكبها يعني انا بحب اللعب والجري والشكل النظيف فده محتاج فلوس
وان شاء الله استفيد منكم هنا
مبدئياً لو حد راح يغير مساعدين ورا اوعى يجيب الكوري من عند الجندي لاني غيرتهم وبالعكي العربية باظت اكتر عاشن مطبات الهوا بتلاقي العربيه مرجيحة هات الياباني احسن وده من بق العفشجي ولما اعرف بكاان ومنين هبلغكم
انا كنت جايب kyp اليابانى طبعا كويس جدا كان 600 والكورى الاصلى 550 الكلام دا من سنتين
والكوبلن اليابانى nkn انطف حاجه اوعى من الصينى والتيوانى والعك دا كان 375 الفرده
وبالنسبه للى عندك ممكن السوست او اللى قبلك مركب عاليه كبيره
انا مبسوط ان الناس رجعت تانى
استاذ محمد طبعاً تسلملنا يا باشا على ردك السريع ده والخبرة الجميلة اللي بتزودنا بيها
وربنا يقدرنا ونعمل هنا مرجع كويس قوي لكل اللي معاه العربية دي بس ياريت الناس متقراش وتجري يشاركونا حتى ولو بتجربة بسيطة
باشا انا الحمد لله جبت الكبالن التايواني لاني مش عارف طبعاً ودي أول عربيه ليا والمشكلة اني كنت مزنوق في الوقت فمالفتش ودوورت
وهو مفيش علايات عندي بالعكش العربيه بتحك حتى لو في حجر صغير على الارض بس انا شاكك في السوست برضه فممكن اروح لعفشجي تاني علشان ده شكله كبر دماغة وانا بصراحة مش هقدر اغير مساعدين تاني دلوقتي
وان شاء الله في حبة تعديلات في دماغي كده عايز اعملهم في العربيه اول ما اخلص هنزلهم بالصور بس ادعيلي افضى شويه
هو الواحد لو عايز يشتري جنوط حديد الاصل بتاع العربيه بس يكون جديد .يجيبها منين ؟ وبكام؟
الف شكلر ليك ياباشا احنا ككلنا بنتعلم من بعض
انا بعشق العربيه دى لانها اول عربيه نجبها وعملت فيها اللى متتخيلوش فيها + انى عنى فكره كويسه عن العربيات والحساسات شارى serives manual ,وشارى obd scanner ,وغير كل دا كنت لما اروح عند اى مركز اوورشه كنت بتدفع فلوس عشان اتعلم
على فكره الكوبلن التيواتى كويس بس تحافظ عليه وهيخد وقته
نصيحه بعد ما تركب كوبلن او اى حاجه تعملها فى العفشه روح اظبط زوايا
المعلومه دى محدش بيعرفها
العربيه واطيه ورا 1- السوست
2- المساعد
بص يا باشا ففكك من الجديد دا لف عند بتوع الكاوتش اللى فى الشارع
فى ناس هبل بيبقى لسه شارين العربيه ويبعو الكاوتش والحنوط الحديد 800 جنيه مثلا كان قدامى هينداى الجديده والاهبل بيبع الحنوط الفبريكه
او اشترى جنوط اسبور استراد الفبريكه وعليها علامه الكيا كان معروض الجنوط دى 400 جنيه تحفه
اى مساعده انا بدور على سبكترا مانوال للبيع 01006139813
انا حاسس انها من السوست اكتر علشان فعلاً العربية واطيه جداً وفي صوت حكة المساعد في اليمين ورا لما العربية تحمل وتاخد مطب هوا
وانا فعلاً يا باشا ظبط زوايا بعد ما خلصت شغل عفشة بس حسيت ان الطارة مش بترد كويس بعد الملفات والكلام ده حصل بعد ما ظبت زوايا مش عارف ليه بس بصراحة انا اكتر حاجة واكلالي دماغي موضوع الوطي ورا ده ومش عايز احط علايات بس علشان انا بلعب كتير على الطريق فمش عايز انا العب والعربية تلعب كده هانروح في داهية :toothgrin:
وصحيح ياباشا هو ال obd scanner ده هو كمبيوتر كشف الاعطال ولا انا بيتهيئلي
وده بيتجاب بكام بقى
بس ان شاء الله في الاجازة الجاية دي اقدر اظبط شوية حاجات:3mla:
موافقة وبشدة
الرأي ده مظبوط لو عايز هاتهم من بتاع الكاوتش مستعملين بس استنضفهم علشان في ناس كتير بترمي بتوع الفابريكة انا كان واحد صاحبي ربنا كرمه ولقى عربيته مرفوعة على اربع حجارة واحنا بندور على جنوط لاقينا جنوط حديد زيرو بتاعة افيو بس للاسف مركبوش عليها وكانو الاربعة ب500 جنيه ومقاس 14
ياجماعة انا عندى مشكلة فى القنطرة بتاعت الفتيس . كل شوية بتفك وبتعد تلعب تحت رجلى
يا جماعه انا قدامى كيا سبكترا للبيع موديل 2003 مانوال خليجى جميع الكماليات تكييف باور سنتر انذار زجاج كهربا حامل نضارات و اضاءه فى الصالون و فرش داخلى وفابريكه بالكامل وعداد 90 الف كيلو ومش محتاجه مصاريف مطلوب فيها 51 الف جنيه ولسه محصلش تفاوض على السعر والعربيه دوكو سليم بالكامل و مش محتاجه مصاريف ده سعر كويس ولا العادى بتاع السوق دلوقتى ولا سعر مبالغ فيه
ياريت تقولي جنوك الكيا دول فين ؟ اوي اي رقم اعرف اكلمهم
يا جماعه انا قدامى كيا سبكترا للبيع موديل 2003 مانوال خليجى جميع الكماليات
تكييف باور سنتر انذار زجاج كهربا حامل نضارات و اضاءه فى الصالون و فرش داخلى وفابريكه بالكامل
وعداد 90 الف كيلو ومش محتاجه مصاريف مطلوب فيها 51 الف جنيه ولسه محصلش تفاوض على السعر
والعربيه دوكو سليم بالكامل و مش محتاجه مصاريف ده سعر كويس ولا العادى بتاع السوق دلوقتى ولا
سعر مبالغ فيه
انا راي ان ده سعر كويس بالنسبه لاسعار السوق
السلام عليكم ورحمة الله وبركاته ،
سيارة كيا سبكترا 2003 - مانيوال - اللون نبيتى
العربية محتاجة شغل فى الآتى :
- تغيير الكمبيريسور لان الحالى بعد الكشف عليه مش شغال (انا لاأحب تكييف السيارة وعلشان كده لم أغيره)
- بعض السمكرة .
- تغيير وحدة مفاتيح الزجاج.
يعنى ممكن نقول العربية محتاجة مصاريف من 1000 الى 1500 جنيها.
سبب البيع الرئيسى والله أعلم بذلك ، انى بطلت اروح بيها الشغل وأفضل المترو.
السعر المطلوب ، أعلى سعر سوف يتم عرضه .
بالمناسبة السيارة معايا من سنة 2007 ، وكنت اشترتها من أحد أفراد العائلة لانه كان مسافر ، يعنى العربية بيتى ولم تستهلك .
العربية عاملة 114000 كيلو متر (مائة واربعة عشرة الف كيلو )
العربية رشة بره فقط
أرجو ان يكون الاتصال من الجادين فقط ، وانا ساكن فى مدينة 15 مايو يعنى ان شاء الله اللى يحب يشوف العربية يتفضل يشرفنى أى يوم جمعة أو سبت .
رقم تليفونى : 01113949964
الافضل تعمل حضرتك اعلان كامل منفصل وممكن تسيب اللينك بتاع الموضوع هنا علشان اكبر عدد ممكن يشوف الاعلان
اما عن الشغل اللي قي العربيه.......عند حضرتك حاجتين:
ياتعمل الشغل اللي فيها وساعتها هاتبيع من غير ماتخصم مصاريف تصليح
او تسحب التكلفه وتخصمها من اجمالي السعر
وعن السعر...فحضرتك اكتر واحد عارف عربيتك...شوف رنج الاسعار في السوق حاليا...وخلي سعر في دماغك تحسبا للفصال
وربنا يوفقك في البيع ان شاء الله
لو سمحتوا يا جماعه في حد عمل تنظيف للرشاشات قبل كده و هل ممكن ميكانيكي اللي يعملها ولا لازم مركز متخصص ؟ و يا ريت لو حد عملها يقولنا ايه الاعراض اللي كان شايفها ؟ و هل تنظيف البوابه بتكون مرحله اولى قبل تنظيف الرشاشات ؟
انا نظفتهم قبل كدا 100 جنيه بجهاز الالترا سونيك فى المعادى
وبيقولوا فى واحد فى عين شمس
ولو انت عندك خبره فى الفك والتركيب ممكن تعملها وانا معاك
المفرض انك تنظفهم لما تحس ان العربيه بتاخر فى الدواره .العربيه بتلت .العربيه بتطلع دخنه سودا \
وممكن ادلك على ميكايكى كويس يعملهملك بس معندوش جهاز
البوابه نظفها كل 5000 الاف على شرط اك تفكها
منطفهاش وهى راكبه
على العموم قولى الاعراض اللى عندك وانشاء الله افيدك
ايه سرعة الرد ده :S_thum1[1]: بص يا فندم انا مشكلتي اني عندي خنقه ف العربيه و ساعات بتكون كويسه بس قليل اوووي لما تكون كويسه و حاطتها على كمبيوتر بس مفيش مشكله ظهرت الحمدلله و انا حاططت المنظف للانجكشن مرتين و غيرت فلتر البنزين بس بعد المره الاولى و البوجيهات كنت مغيرها قبل الموضوع ده بحوالي 1000 كم و الميكانيكي و الكهربائي قالولي طلاما مفيش مشكله ع الجهاز يبقى كده طرمبة البنزين بس انا بصراحه مش مقتنع و خصوصا ان العربيه الحمدلله مش بتتعبني في التدوير و مش بتاكل بنزين ففكرت في موضوع تنظيف الانجكشن و البوابه
في حاجه تانيه ان انا الحمدلله بعرف اوصل ل 120 و ممكن ازود كمان و الكتمه بتقل كل مالسرعه زادت....
مركز الصفا موجود في جسر السويس اخر شارع المصانع تقسيم عمر بن الخطاب ودا احسن مركز بينظف الرشاشات الترا سونيك 150 + 75 البوابه التكلفه من 225 إلى 250 حسب المهندس أما يولك يعني إجمالي التكلفة من 225 إلى 250 جنيه
شكرا يا كبير على الرد .... انا التوكيل و قاللي بعد الكشف بالكمبيوتر ان مفيش مشكله و العربيه تمام الحمدلله و اصلا يوم لما كنت رايح كانت مظبوطه المهم قولتلوا لازم تقولي ايه الحكايه فقاللي لازم تجيبها و المشكله فيها و حد تاني هناك قاللي ممكن تغير علبتين الشكمان اللي قدام فقولتلوا متهيالي لو في مشكله العربيه هتسخن و السحب هيفضل وحش علطول فقاللي مش شرط ...
قولت للراجل ممكن حد يمشي بيها و يجربها فقاللي ماشي وواحد فعلا خد العربيه و جربها ولما رجع قاللي المشكله اللي عندك ان العربيه الر بي ام بيعلى و مفيش سحب على قد ارتفاعه و ده علشان في بداية تفويت في الدبرياج و كده هتحتاج تغير المجموعه كامله بس قاللي ممكن تكمل بيها كده شويه لحد لما تبدأ في المطالع تتعبك جاامد ....
انا لسه معملتش اي حاجه فيها لحد دلوقتي :) .... بس يارب بعد التغيير المشكله تتحل بقى علشان انا زهقت من الموضوع ده بصراحه و بفكر كمان اني اغير علبتين الشكمان الأول بس ولا ايه رايك ؟
هات لغيار التانى وخلى الrpm على 3 بالظبط وفولى السرعه كام وهات التالت وهات الرابع وكل مره شوف السرعه كام على 3 rpm
وقولى
العربيه عمله كام كيلو وغيرت قبل كدا اسطوانه ولا لا
وانشاء الله افيدك
حد يعرف أجيب ترس المارش منين ؟ انا رحت للجندي و لرسلان ما لاقتش
أصل انا عدني مشكلة عند تدوير العربية ولازم احاول اكتر من مرة عشان تدور , و رحت للكهربائي و قالي ده ترس المارش
أنا عندي مشكلة بعد مشوار طويل لما أبطل العربية و اركنها و انا خارج منها بأسمع صوت غليان قربة المياه
و انا عندي الحرارة ما بتزدش عن النص أو بمعنى صحيح في الربع التاني دايما
و في ناس قالت ليا ان ده يبقى جوان وش السلندر او الريداتير عاوز يتنظف و انا نظفته فعلا و لسه الموضوع ده موجود .
و في الأخر الكهربائي قالي الموضوع ده طبيعي انت بطلت العربية و الموتور سخن و المروحة مش شغالة يبقى الميه لازم تغلي لفترة و بعد كده بتبرد
ايه رأيكوا في موضوع غليان القربة بعد لما ابطل الموتور ؟
و هل مؤشر الحرارة بيكون في الربع الثاني قبل المنتصف بشوية ؟
أرجو الافادة
انا يا جماعة غيرت اضاءة التابلوه وبقت جميله قوي والخطوة الجاية ان شاء الله هالزق التابلوه علشان مطرقع من الشمس وهصورلكم كل حاجة بالتفصيل وكمان هنزل صور العدادات بس وانا بعمل التابلوه علشان انا مصورتش المرة اللي فاتت وعلى فكره انا بعمل كل حاجة بإيدي والموضوع اتكلف حوالي 10 جنيه بس الالوان كانت عندي
ياريت تقول غيرت نور التابلوه ازاي عشان النور الاصلي وحش جدا .وياريت لو فيه صور
شكرا على الرد و المساعده ,
بالنسبه للسرعات كالاتي : 40 , 60 , 80 من التاني للرابع على ار بي ام 3
العربيه انا شاريها مستعمله من قريبي و تقريبا مش اتغيرت علشان انا كلمته ع الموضوع ده ومقاليش ان هي اتغيرت قبل كده و هي عمله دلوقتي 123000 كم
تفتكر كده الدبرياج بيفوت ؟
حصلت قبل كده وممكن تريح نفسك عشان هاتتعب عشان هاتلاقيه فممكن تخلي الكهربائي يجيبلك مارش استيراد لعربيه هيونداي مثلا بس بشرط نفس الفيشه....وكنت في نفس المشكله دي ومالقتش برضو الترس......دور تاني يمكن تلاقيه قبل موضوع التغيير ده..وربنا يكرمك وتلاقيه ان شاء الله
هو الفريم الاسود اللي في التابلوه بيتباع لوحده.........الجزء اللي حوالين زرار الانتظار وسخان الازاز...الجزء اللي بالون الاسود في التابلوه
ال RPM بيعلى مظبوط مع السرعه دا كويس اوى
بص يا سيدى المفرض العربيه جابت 100 الاف يتغيرها اسطوانه دا اللى مكتوب فى الكتاب عشان العربيه تبقى بكفائتها بس دا ما بيحصلش غير لما الاسطوانه تجيب اخرها
اولا اتاكد ان العربيه مش متلته
تنظيف البوابه ولايدال كويس (تتفك البوابه وتتنظف)
بعد كدا البوجيهات تتغير لو لسه جديده زى ما انت بتقول يبقى خلاص بس انت ممكن تعمل حاجه كدا تفك البوجيهات وتمسحها بحته فيها بنزين او منظف البوابه وتشوف فتحه البوجيه قد ايه
اتاكد ان البوجيه اللى انت جايبه ااصلى عشان فيه مضروب كتير احسن مكان شركه ngk او الجندى بس الجندى عنده بتاع السيفيا هو بيركب على الاسبكترا بس دا مش الفبريكه بتاعها الاصلى BKR6E
السيفيا BKR5ES
المعلومه دى محدش يعرفها حتى الجندى
فتحه البوجيه الاصلى 0.7
فتحه البوجيه بتاعت السيفيا 0.1 فحضرتك لازم تقفله سنه هيوفر بنزين والكفاءه هتزيد
...فلتر الهوا يتغير او يتنظف كويس اوى
فلتر البنزين يتغير ولو لسه جديد يتنظف كويس اووووووووووووووى
على فكره فلتر البنزين جبته النهارده ومشيت بالعربيه لحد الاخر التانك الفلتر سحب الوساخه بتاعت التانك
يبقى الفلتر ملهوش اى لازمه يعتر بايظظظظظظظظظظظظظظظظظظ
المعلومه دى برده محدش يعرفها
...فك طرمبه البنزين فيها فلتر فكها كلها ونظفها
خلى بالك لايكون الفرامل قفشه وانت مش واخد بالك
شوف لون العادم من ورا لايكون حساس الشكمان لو اللون اسود الحساس دا يعمل كدا
هقلك على معلومه
لو لمبه التشك مش منوره الاسكنر مش هيطلع ERROR
فوفر فلوسك ياما تروح لواحد كويس اوى تقولو شوفلى القريات بتاعت الحساسات دى مظبوظه ولا لا ممكن يكون ضعط الطرمبه ضعيف ولمبه التشك مش منوره
وجرب العربيه لو مكانش كدا غير قلب الطرمبه
على فكره لو الشكمان مسدود برده يخنق العربيه
وجرب لو مكانش للاسف هتغير الاسطوانه (الاول اطلع من الثبات على التانى وقلى حسيت بى ايه .وفى مطالع الكوبرى ايه الى هحصل وهل العربيه خستعت معاك وسقط نقلات .بس الاول شوف العربيه متلته ولا لا
معلش طولت عليك بس انا جبتلك كل حاحه
فى عيوب بتبقى رخمه اوى
زى العيب اللى عندى ومحدش عرفه لحد دلوقتى بقاله 3 سنين
بجد انت شرحت شرح وافي ربنا يخليك بس انا بصراحه قولت هشتري دماغي و اوديها التوكيل و فعلا هناك لما جربوا العربيه و بعد فحص الكمبيوتر قالولي كده الدبرياج مفوت و قولتلهم يمكن الطرمبه مش مظبوطف فقالولي الطرمبه زب الفل الحمدلله و البوجيهات و الفلاتر كويسه علشان هما فحصوا الحاجت ده كلها و ربنا يكرم ان شاء الله و اغيره عن قريب و هقولك ايه اللي حصل معايا علشان كلنا نستفيد :tumb:
انت بقى ايه مشكلتك اللي بقالها 3 سنين ده ؟
في سؤال تاني , انا اخويا معاه شيفورليه لانوس و لقيته عن سرعة 40 على التاني ال ار بي ام واصل 2500 . هو مهنا كده ان عزم اللانوس اعلى من السبكترا ؟