تقيم رينو سانديرو _12000 Km_
السلام عليكم و رحمة الله و بركاته الاسم:احمد محمد عبد الواحد
الجامعة ,الكلية و السن:كلية الهندسة _جامعة المستقبل.....21 سنة
السيارة:رينو سانديرو 2011,و المسافة المقطوعة حتى الان 12 الف كيلو الحمد لله :)
التليفون :0179910244
facebook account:Ahmed M. Abd El-Wahed
''' التقيم "'
# التصميم الخارجى و الداخلى:
*التصميم الخارجى جميل و جذاب...مش تحفة فنية يعنى و مش وحشة برضه...انتشارها البسيط مديها جمال زيادة,, الناس عينها مش متعوده عليها :),,,,وانا بصراحة بحب فوانيسها قوى بقى xDhttps://s-static.ak.facebook.com/images/blank.gif
*التصميم الداخلى مماثل للوجان و من رأى انه متواضع و اقل حاجة فى العربية بالذات الكونسول الامامى الذى يحتوى على التكيف وزراير الزجاج و الكاسيت...مش جميل و كان ممكن يبقى احسن من كده كتير من غير تكاليف زيادة على سعر العربية ..اقصد ماكنش هيكلف الشركة حاجة xD وده الى فعلا رينو انتبهت اليه و قامت بتعديل على الكونسول و وضع زراير الزجاج فى الابواب كعادة السيارات الحديثة فى سانديرو 2012 و ديه مش هتكون متاحة قبل 2013 ان شاء الله :)
*تصميم الكراسى غريب شوية ,,سمك الكراسى قليل بالمقارنة ببقية العربيات...بس ده شىء غير جوهرى و غير مؤثر هى بس حاجة لفتت نظرى و الكراسى مريحة و العربية واسعة و تحس ان فى براح :)https://s-static.ak.facebook.com/images/blank.gif
*تصميم الابواب الخلفية مستفز و لازم الى يفتح الباب لاول مرة يتخبط فيه و الخبطة مؤلمة جدا...الباب ارتفاعه طويل و زاوية دخول و خروج الراكب الى الصالون بتبقى غلسة..بيبقى فيه صعوبة بعض الشىء خصوصا للناس الكبار :)https://s-static.ak.facebook.com/images/blank.gif موضوع الابواب ده لل4 ابواب بس تحس بيه اكتر فى الابواب الخلفية
*فتحة الايرباج الخاص بالراكب الامامى مستفزة ...و شكلها مش ظريف
*زر التحكم فى المرايات الكهريائى لذيذ جدا...مكانه عاجبنى..محطوط عند فرامل اليد
*الكلاكس متعدش تقول مكانه وحش هو بالظبط يومين و الدنيا بقت زى الفل :)https://s-static.ak.facebook.com/images/blank.gif
*التقفيل الداخلى و الخارجى جيد الى حدا ما ...مع عدم وجود غلطات فى التقفيل الخارجى
# الكماليات:
*العربية فعلا مش ناقصها حاجة بالنظر الى الشريحة السعرية المتواجدة فيها من وجهة نظرى كمان بعد نزول فئة البلاك لين و تعديل الكاسيت بتشغيل ملفات MP3,, وبامكانية التحكم فى مستوى الصوت من خلف التارة :)https://s-static.ak.facebook.com/images/blank.gif
*العربية نزله بجنوط حديد مقاس 15 انش و ده شىء غريب على العربيات ذات نفس الفئة باستثناء السيارات الصينى :)https://s-static.ak.facebook.com/images/blank.gif
*الكاسيت كويس و مش محتاج منه اكتر من كده
*اتمنى نزولها بجنوط اسبور و ABSو ايرباج للراكب الامامى بس طبعا ده هيكون على حساب السعر
#الاداء:
*العفشة: متوسطة الاداء ...مفيش اصوات مسموعة فى جميع انواع الطرق....مفيش كركبة غير بس لو فيه حجات فى درج التابلوه ممكن تعمل اصوات بسيطة.....شيلها يعنى xD
مريحة الى حدا ما بالنسبة للركاب.... محدش اشتكى منها و بحس ان الكنبة الخلفية مريحة ....طبعا مجربتهاش غير و العربية واقفة xD
*الثبات: جيد جدا بالنسبة لسعرها....العربية راسية على الارض والدركسيون اصلن الباور بتاعه مش خفيف بيديها ثبات اكتر ..و كمان علشان الجنط 15 و العفشة المتوسطة النعومة كل ده بيديها ثبات
حاجة كمان كنت باسمع ان اللوجان بتتاثر لما عربية مسرعة تعدى من جنبها....السانديرو محستش بكده معاها ....انا باسوق على الدائرى على سرعات 120 140 و محستش بكده ..جايز علشان تصميم الخارجى عامل فرق
العربية لغاية 140 كويسة الحمد لله ..انا مشيت على 160 بس لثوانى فامقدرش احكم :)https://s-static.ak.facebook.com/images/blank.gif
.التكيف: ممتاز جدا للركاب الامامى....متوسط للركاب الى فى الخلف لازم تعمل المروحة على 3 علشان الهواء يوصل.....عامتا انا مبسوط منه جدا جدا و مفيش شكوى من حد جاتلى منه...صحيح لما بعمل المروحة على 3 بعد ربع ساعة كده الناس الى ورا بيطلبه تخفيضها علشان بردو,انا طبعا بابقى متلج بس مش قادر اتكلم علشان الناس الى ورا :)https://s-static.ak.facebook.com/images/blank.gif
*الفرامل: الفرامل ديه تجنن...دايما بيقى عاندى احساس ان الفرامل مش جامده و مش هاتسعفنى :)https://s-static.ak.facebook.com/images/blank.gif لغاية مايحصل موقف اقول اللهم لك الحمد ولك الشكر على الفرامل xD
اخر المواقف ديه امبارح على طريق السويس كنت على 40 بعد ماخدت اليوتيرن وواحد مستفز معاه نوبيرا راشق فيا من وراه و ضارب الزينون فى عينى
ولازم يعدى استفزنى جدا روحت معديه كنت انا سعتها على الخامس و سرعه 60 تقريبا (ماشى براحتى و على اليمين :)https://s-static.ak.facebook.com/images/blank.gif ) بعد ماعديته روحت مسقت من 5 ل 3 و طيرت وراه جبته بعديه بثوانى و كنت على 170 تقرييا و طلعت منه المهم بعد ماعديته الاقى عربية فورد مونديو قادم من اقصى الشمال و عايز يدخل يمين و انا فى الحارة الى فى النص و يمينى فى عربيات و شمالى فى عربيات و لازم ادوس فرامل على 160 ؟؟؟ايه الى حصل؟الفرملة كلبشت العربية وونزلت السرعة بدون زحف نهائى نهائى و بدون تعويم نهائى لغاية ما الفورد دخل شمال وانا عديت وراه :)
يبقى نقول الحمد لله على الفرامل و نقول برضه ربنا يهدينى و متعصبشى و اتنرفز بسرعة xD
*الموتور:متوسط الاداء و يعيبه خموله على الاول و التانى بعد كده بيتحسن....طبعا التكيف بياثر على السحب و بتحس ان العربية اتسحبت منك كده اول ماتشغله :)https://s-static.ak.facebook.com/images/blank.gif
*الفيتيس:سلس و نقلاته مريحة و الحارات واضحة و مفيش لغبطة ممكن تحصل :)https://s-static.ak.facebook.com/images/blank.gif
*استهلاك البنزين:9 ليتر لكل 100 كيلو.....يعنى تقريبا كيلو220 فى الصفيحة 70%بالتكيف و جوه البلد.......على الطرق السريع للاسف مافيش رقم دقيق
# مشاكل
1-تيل الفرامل خلص منى على 8000 كيلو ..وده طبعا عيب استخدام زى التوكيل بيقول ..ok ركبو التيل الجديد و لما نشوف,,, بقالى 4000ك بحسس على العربية والله مافيش غير بس الموقف بتاع امبارح ده,اول مره اقفش على الفرامل من 4000 كيلو :)https://s-static.ak.facebook.com/images/blank.gif...الغربب ان مافيش الصفارة المشهوره بيه اللوجان و الساندير لغاية دلوقتى والحمدلله... فى التيل القديم بدأ يصفر من بعد 2000 كيلو :)https://s-static.ak.facebook.com/images/blank.gif
2-مقبض الراكب الامامى الداخلى بيزيق و صوته مستفز لما حد بيمسكه xShttps://s-static.ak.facebook.com/images/blank.gif
3-العربية بتتوسخ بسرعة xD
4-فيه صوت نتشة كده فى الموتور و العربية ممورة...مش عارف ايه ده بصراحة
5-مش فاكر حاجة تانى لما اقتكر هاقول والله :)
#التوكيل
*تعاملى مع فرع العبور و الناس محترمة و ذوق و بيحولو ارضاء العميل زى ماحصل معايا فى موضوع تيل الفرامل انهم نزلو من سعره حوالى 30% مع انه عيب استخدام على حد كلامهم :)
هو بس يخفضوا اسعار العمالة شوية علشان ديه الى عامة فرق سعر كبير
#الخلاصة xD
*سانديرو او اللوجان عربية جيدة جدا بالنظر الى الفئة السعرية الموجودة فيها و تستحق الثناء مع وجود بعض المشاكل الواجب حلها من التوكيل مع بعض الملاك الاعزاء...كمشكلة الحرارة المنبعثة من جانب دواسات السيارة
#ملاحظات
*متأسف للغلطات الأملائية ...حاولت مراجعة الوضوع اكثر من مرة :)
*فى حالة وجود اضافة الى التقيم برجاء ذكرها حتى يتم مخاطبة الأدمن و اضافتها :)
