الماروتى ام النوفا128:3gears:
عرض للطباعة
الماروتى ام النوفا128:3gears:
اكيد ال128
الماروتي طبعا
سيبك من الفكر القديم بتاع ال 128 خلاص الشباب اللي بيشتري عربيات انهارده بقي تفكيره غير تفكير الجيل القديم
انا عايزها علشان توصيل المدام للاولاد لمدارس بس بادن الله كمان 5 سنوات هجيب لادا يا ريت يا جماعة تنصحونى لانى خلاص تعبت
توكل علي الله..
عربية جديدة.. مشاكلها قليلة..
و سهلة جدا في السواقة و خاصة للسيدات و موفرة جدا في البنزين..
وادي اخر حاجة كمان اعادة البيع طلعت تمام.. يبقي خلاص..
استخير و توكل علي الله..
ماروتى طبعا 128 راحت عليها خلاص
الماروتى مطلوبة كتير وكمان نوعا ما شكل جديد
توكل علي الله وهات الماروتي لانها والله وعن تجربة عربية زي الفل. انا فضلت معايا سنتين باروح واجري و اسافر بيها زي الفل
ولو محتاج تعرف اي حاجة عنها اسأل وأجاوبك
جزاكم الله كل خير خلاص انا استقريت عليها ونفسى اعرف هى ممكن تصرف لها صيانة كام خلال شهر او سنة ومشكلة الكبالن و الدبرياج صحيح مشكلة جامدة فيهايعنى متكررة كثير ولا اية وانا عايز اجيب موديل حديث يعنى فوق 1995 تعملها كام لو بحالة ممتازة:funny34d::funny34d:
لأ كدة بقى فيه فرق .. لو هتشتري ماروتي مستعمل 13 سنة يبقى متستناش سعر إعادة بيع كويس .. أولاً هتصرف عليها أكتر من 128 ، ثانياً هتبيعها بقيمة أقل من 128 .
في حالة المستعمل أنصحك بال 128 لأن فرق الشراء والبيع هيبقى بسيط جداً ، وصرفك عليها هيرجعلك ، ده غير إنه هيبقى قليل أصلاً .
أما في حالة الجديد الماروتي تكسب طبعاً
وربنا يوفقك لما فيه الخير
الف شكر يا د-احمد انا معروض عليا ماروتى 2000 بسعر26000 كدة اخبار السعرا ية وممكن تصرف صيانة كتير ولا اية:3gears:
بص سعرها غالي شوية لأن فرق 8 سنوات استخدام عامل بس 12 ألف جنيه .
لو حالتها ممتازة حاول تنزل أكثر من كدة .
واطلع بيها على توكيل مودرن موتورز اكشف عليها من الألف للياء .
توكيل مودرن موتورز في الهايكستب تحت الكوبري الشارع المحاذي لسور المطار هتلاقيه على الشمال .
ولو خلصت على 23 -24 تبقى كويسة بإذن الله .
الفيصل هو لحالة وعدد الكيلومترات المقطوعة .
وربنا يوفقك
انا مش عارف اشكرك ازاى هى العربية عاملة16000 كم وكدة انت عرفت كل التفاصيل يا ريت تقولى اعمل اية واشترى اية لانى واثق جدا فى رايك:3gears:
بص العداد ممكن يتلعب فيه .. الفيصل هي الحالة بعد الكشف في مركز مودرن موتورز .
لكنها كدة سعرها كويس لو بالحالة اللي بتقول عليها ، يعني زيادة ألف ولا حاجة .
ولا تستهين أخي العزيز بالكشف حتى لا تتفاجأ بشيء غير متوقع .
وربنا يوفقك مرة تانية .
هي ميزة الماروتي إنها أكثر سيارة مستخدمة كسيارة ثانية في المنزل مما يجعل الضغط عليها خفيف .
الف شكر يا د- احمدبس انا عايز اعرف تعملها كام صيانة سنوى ومشاكلها اية ولما بيعه اخسر فيها ولا ابيعها بنفس السعر مع مراعة انى ساحافظ عليها
يا جماعة انا عايز رد علشان اوصل لحل واخلص
الحكاية مبتتحسبش كدة ..
يعني الصيانات الدورية كل 5000 كم في التوكيل هتكلفك حوالي 400 جنيه تقريباً ، وكل 20 ألف هتغير حاجات جوهرية ومهمة يعني ممكن توصل في المرة الواحدة لحوالي 1200 جنيه .
وكل مشكلة بمصاريفها وربنا يبعد عنك السوء والحوادث .
ولو العربية متصانة كويس هتجيب سعر كويس عند إعادة البيع .
ولا زلت عند رأيي إن ثوبها على هذه الحالة الممتازة (إن صحت) 23 ، 24 ألف على أقصى تقدير .
ومتقلقش مفيش عربية متصانة وكويسة وسليمة أقل من 20 ألف دلوقتي مهما كان موديلها .
انا مش عارف اشكرك ازاى الف شكر
new maruti
انا لسه بايع ماروتي 2002 عاملة 78.000 كم جنيه فابريكه برة وجوة حالة ممتازة ب 25.000
اما بخصوص الكبالن انا غيرتها مرة واحدة عند 70.000 كم وهي سعرها جديدة اصلى ب 230 جنيه (ودي عمرها بيرجع لاستعمالك)
ولازم تلاحظ ان العربية دي حلوة جدا لو احسنت استعمالها
ماروتى تكسب طبعاً وخاصة بعد غلاء البنزين
الماروتي اكيد
الف شكر بس فى عضو قال ان زوج الكبالن ليابانى الخارجى 600 جنيةو زوج المساعدين 240 دبرياج كامل 250 لحاجة دى ممكن اقضى السنة من غير ما يتغيرو ويا ريت شوية نصائح علشان اقدر اخلى العربية متصرفش صيانة كثير
الماروتى أسرع
يا جماعة يا ريت حد يرد علشان محتاج الرد ضرورى
كده شبه اجماع علي الماروتي..
توكل علي الله يافندم و ربنا يكرمك..
و برضه متنساش الاستخارة..