الكاوتش مخروم يااستاذ....خلى بالك دا نصب

حاسس ان الكاوتش نايم شويه...مريح شويه

الطبيعى هاتدخل بنزينه او ورشه كاوتش علشان تزود العجل

خلى بالك بقى من الى جاي

الراجل الى بيزودلك الكاوتش وبالذات الامامى هايقولك هات الدريكسيون على اخره (يمين او شمال)

وينديلك ويقولك يااستاذ الكاوتش مخروم ويجبلك شويه مياه بصابون ويوريلك الاخرام وتكون اكثر من خرم

وتضطر اسفا انك تلحم الكاوتش عنده (بتسعيره الخاصه)

المفجأه بقى مين الى خرملك الكاوتش :U_thin1[1]: وخرمهولك امتى :_Alshmokh11:

وحضرتك قاعد جوه العربيه هو بيكون معاه بلف وجواه مسمار يقعد يخرملك الكاوتش


انا حصل معايا الموقف دا فى رمضان عند البنزينه الى بعد لما تخلص طريق اسماعيليه ومتطلعش الكوبرى الى بيوديك على جوزيف تيتو وتمشى من تحت الكوبرى وكانك راجع طريق اسماعيليه تانى البنزينه الى بعد الملف على طول

وطبعا الحمد لله معملتش عنده الكاوتش واستنيت لحد مرحت لواحد معرفه قالى على القصه
لانى استغربت جدا انه ازاى عرف ان الكاوتش اتخرم

وكمان بعدها بكام يوم شوفت قدامه ضحايا جداد وهو بينصب عليهم تانى

معلش يا باشا انا حصلي برضوا الموضوع دى في بنزينه شيل الي في اول الهرم بعد الخزان الي على اليمين دخلت حطيت بنزين وان طالع قلت اشوف ضغط الهواء المهم راح مزود هواء وقلي ضغط الهواء في العجلة 12 بس دي اكيد فيها مشكله نزلت جاب صابون وماء وحطه لقيت 6 اخرام في 20 سم استغربت العجل والعربية جديدة قلي دى اكيد قزاز المهم عملتهم ودفعت 160 جنية
بعدين عرفت انها نصباية حسبي الله

نعم نصب وبكل تأكيد وخصوصا بنزينة التعاون بتاعت ولاد التيييييييت الي في مدخل قليوب علي اسكندرية الزراعي بنزية كبيرة كده علي اليمين وانت خارج من القاهرة نصبو وعلي ودفعت كتيييييييييييييير وبلاش اقول ارقام علشان محدش يضحك عليا بس والله العظيم الناس دي ادعا عليهم دعا من القلب في ساعة اجابة وانشاء الله ربنا يستجيب وتولع بيهم البنزينه وللعلم ايضا السائل اللي بيحطوا علي الكاوتش ويوريلك بيه الاخرام هو اصلا اللي بيطلع الفقاقيع دي وتكون الفردة سليمة ويدفعك الشئ الفلاني ....ربنا يخدهم

اقتباس:

---

المشاركة الأصلية كتبت بواسطة heart_sugar

معلش يا باشا انا حصلي برضوا الموضوع دى في بنزينه شيل الي في اول الهرم بعد الخزان الي على اليمين دخلت حطيت بنزين وان طالع قلت اشوف ضغط الهواء المهم راح مزود هواء وقلي ضغط الهواء في العجلة 12 بس دي اكيد فيها مشكله نزلت جاب صابون وماء وحطه لقيت 6 اخرام في 20 سم استغربت العجل والعربية جديدة قلي دى اكيد قزاز المهم عملتهم ودفعت 160 جنية
بعدين عرفت انها نصباية حسبي الله

---

انا حصلى نفس الموقف بالظبت فى نفس البنزينة ورحت لمدير المحطة قالى الكاوتش مأجر منة وبعد ما رحت لصاحب المركز بتاع الكاوتش ماعمليش حاجة رحت قدمت شكوى لشركة شل للتسويق وكلمنى المهندس هشام مدير المبيعات للقاهرة والجيزة(راجل محترم جدا ) وكلمهم وقالى اروح اقابل مدير المحطة وهوا هايغيرلى الفردة الى باظت ومشوا الواد الى عمل كدة وقالى اتأكد انو مشى و لو شفتوا قلى......

حصلت فيا الحركة دي في بنزينة شل شارع شبرا
وللأسف كنت لسة جايب العربية مبقالهاش معايا شهر مثلا فمعرفش ايه النظام ودفعت ليهم 180 جنيه لحامات وانا معرفش ان بيتضحك عليا
دلوقتي اللي يقلي كدة اقلهه اه عارف انها مخرومة سيبها ملكش دعوة ومش بزود في بنزينات اصلا دلوقتي خلاص
عندي بتاع كاوتش محترم جدا بتعامل معاه راجل زي الفل وأمين جداااااااااااا مبقيتش اروح لحد تاني غيره
حتى العجلة ريحت مني في المنوفية مفكتهاش روحت لبتاع كاوتش وزودتها ورجعت بيها القاهرة وانا عارف انها مخرومة وتاني يوم وديتها للراجل بتاعي طلع منها مسمار صلب محترم ولحمتها ونفختها نيتروجين كمان ب 5 جنيه
حاجة زي الفل يعني :d

الخلاصة انه محدش يزود او يلحم كاوتش فى بنزينة عشان دى نصباية

صح كده

انا الحوار ده حصل معايا من اكتر من 10 سنين برضه في بنزينة في الطريق من بنها للقاهرة

وطبعا كنا قاعدين جوا العربية علشان كان في مطر وبهدل الفردة واخد 160 جنيه

الدرس المستفاد

بقيت اخلي معايا داخلي في السفر خصوصا اني بسافر شرم كتير

وعدد من 2 الي 5 بلوف من التوفيقيه البلف التيوبلس ب 80 قرش

ولو اتزنقت خليه يقطع البلف التيوبلس ويركبلك الداخلي ولما ترجع بالسلامه شوف انت بتستأمن مين وصلح عنده

اقتباس:

---

المشاركة الأصلية كتبت بواسطة mohatfhd

انا حصلى نفس الموقف بالظبت فى نفس البنزينة ورحت لمدير المحطة قالى الكاوتش مأجر منة وبعد ما رحت لصاحب المركز بتاع الكاوتش ماعمليش حاجة رحت قدمت شكوى لشركة شل للتسويق وكلمنى المهندس هشام مدير المبيعات للقاهرة والجيزة(راجل محترم جدا ) وكلمهم وقالى اروح اقابل مدير المحطة وهوا هايغيرلى الفردة الى باظت ومشوا الواد الى عمل كدة وقالى اتأكد انو مشى و لو شفتوا قلى......

---

ايوه بالظبط زي محضرتك بتقول
هو بتاع الكاوتش بيكون مأجر من البنزينه وعلشان يدفع الايجار ويكسب لازم يعمل كدا علشان يسدد ويكسب كمان

وفعلا الصح لازم تشتكى صاحب المحطه ولو محلش المشكله لازم تشتكى الشركه نفسها

المضمون بصراحه هى بنزينه وطنيه بس لو مش متأجره

الاماكن اللى حصل معايا فيها كده
البنزينه اللى فى نزلة الدائرى المريوطيه بعد النزله اول بنزينه يمين
محل كاوتش على شارع اللبينى قبل محل قطع غيار الاستراد بتاع سوسو

اقتباس:

---

المشاركة الأصلية كتبت بواسطة samyamar

الاماكن اللى حصل معايا فيها كده
البنزينه اللى فى نزلة الدائرى المريوطيه بعد النزله اول بنزينه يمين
محل كاوتش على شارع اللبينى قبل محل قطع غيار الاستراد بتاع سوسو

---

محل الكاوتش الي علي اللبيني الي انت بتقول عليه دة نصاااااااااااب رسمي
بيوقف واحد قبل المحل بناصية عشان يقولك العجل نايم يا بيه او عيل بعجلة وفي النهاية لما تروحله يخرملك العجل ويلحمهولك وياخد اغلي من اي حد تاني (10 الخابور)

المحطة بردو الي نصابة محطة اسو امام صادكو فيصل بعد المريوطية

طالما حضرتك في الهرم في نطاق المريوطية عليك وعلي ممدوح غطاطي أأمن واحد في النظاق دة وكمان قياسه مضبوط زي اون ذا رن

والله المستعان
،
،

Mohatfhd


اشتكيت لشركة شيل ازاي وفين ؟؟

-------------------













من شهر برضوا كنت بغسل العربية في محطة شيل فيصل ,, بعد الغسيل قلت اشوف الاربع كاوتشات ,,

جه الواد وبعد ما شاف الاربع فرد وانا طبعا واقف فوقية في كل فردة ,, بيقولي الفردة الي قدام دي كانت مريحة جامد تعالي اكشف لك عليها ,, قلت له لاء شكرا

قالي مش هتاخد اكتر من عشر دقايق ,, قلت له لاء مش عايز ,, بديلة الجنية ,, بيقولي لاء المفروض 2 جنية بقولة لية ان شاء الله ؟؟؟؟

بيقولي الهوا غلي هههههههههههههههههههههههه بقولة لا يا راجل بيقولي وعلشان ماجريين كمان ,,
وانا ماشي رجع يقولي تاني تعالي اشوفلك الفردة دي ممكن يكون فيها حاجة ,,
سبتة ومشيت ,,

كنت خد منه الجنيه وحط صباعك في عينيه

استغلاااااااااااااااااااا ااااااااااااال

انت فعلا عايز شكوي

عارف محطة شل اخر فيصل ؟؟؟
فمرة كنت بغسل وبنفخ هوا وحبيت اضبط هوا العجل
وانا بحاسب عبده (الي ماسك الوردية والفلوس) بقولوا خد حساب الهوا
قالي الهوا من غير حساب !! دي تقدير منك وزوق والي تدفعه

ناس محترمين اوي شل اخر فيصل


والله المستعان
،
،

ايوا مانا قصدي علي محطة شيل الي في اخر فيصل ,, انا دايما بغسل عندهم وعارفيني وناس محترمة فعلا.. بس بتاع الهوا ده ماعرفوش اصلا ولا يعرفني ,,

وكان واد كدا في اوائل العشريين

لا وفي حركة بيعملوها كمان يروح يزود الفرده من غير متاخد بالك علي الاخر يعني يخليها 40 مثلا فالمسام بتاعة الكاوتش تفتح يروح ينزل عليها المايه بالصابون تلاقي 20 مكان بيبقلل ويقولك اعملهملك ويفضل يدي خوابير لحد ميقتل الكاوتش -- الحركة دي اتعملت فيا -- وياخد منك بتاع 100 جنيه فكل واحد يخلي باله

حسبى الله و نعم الوكيل فى النصابين

ايه يا جماعة هو الحوار ده كتر كده ليه
برضه حصلت معايا في البنزينة اللي في دخلة الحسين وانت فوق قدام المستشفي
برصه لقيت ما لايقل عن 6 مسامير
وطبعا انا كان معايا ناس في العربية ومش عايز اعمل مشاكل وفيلم وكده
بقوله عايز كام ...لقيته بيقولي 110 ...قولتله ليييييييييييييييييييييييي يييييييه
ده الفردة جديدة بكام
انا طلعت 50 و قولتله اهيه ...عايزها ولا امشي
اخدها طبعا
بس انا برضه مشيت زعلان عشان عارف انه ضحك عليا

انا الموضوع حصل معايا في بنزينة الحي التاسع في العبور لقيت العجلة مريحه شوية قلت اشيك عليها قلي ديه 18, اكيد فيها حاجة المهم اعد فعلا يحط عليها ميه و يورني بقاليل وراني 3 اخرام, عملهم 24 جنيه.
بس السوءال تعرف منين انه بينصب عليك طب ما مكن تكون مخرومه فعلا, و ايه موضوع البقاليل ديه ما هي كده مخروما فعلا

الحل انك تفضل واقف علي دماعه ومتشيلش عينك من عليه ولا لحظه

والله مكانين بس الي بثق فيهم جداً

غطااطي لتزويد الكاوتش

بريدجستون للاصلاح ,,, دولت بثق فيهم ثقة عمياء بجد ,,


روحت لهم قبل كدا والاربع فرد فيهم فيما لا يقل عن 15 مسمار ولا حاجة ,,

فكيناهم وبدانا نطلع المسامير ,, ونشوف لو كان مخرومة ولا لاء ,, طلعنا كل المسامير والحمدلله الراجل بيقولي حظك من السما ولا مسمار واصل ,,


ده لو كانت عند اي بنزينة كان قال في سرة استعنا علي الشقي بالله زبوووون جامد وهنكسب دهب xD



وفي الاخر بتوع بريدجستون مارضوش ياخدوا مني اي فلوس حتي علي فك الكواتش وازالة المسامير ,,


000000000000


روحت لهم مرة تانية لما صحيت الصبح لقيت الفردة علي الارض ,, كان فية مسمار كبير عامل الواجب روحت لهم لحمتة التيب توب والحمدلله مافيش منة اي مشاكل حتي الان ,,

لازم الواحد يحذر كل الناس اصحابه واهله علشان محدش يقع فى النصبايه دي تانى

وكمان الراجل الى بيزود الكاوتش وبيقولك اكشف عليه وهو مخروم

يعرف منين انه مخروم دا بينصب عليك

صعب اوى ان حد يعرف انه مخروم كدا بالصدفه وهو دا بدايه عمليه النصب

ربنا يسترها علينا وكل حرامى او نصاب او كذاب ان شاء الله لن يبارك الله فى تجارته ولا ماله ويصبح من الخاسريين

وياريت يبقى فى موضوع كمان للبنزينات الى بتغش فى البنزين

أنا جايب نفس العداد اللى عند بتوع الكاوتش و بقيس ضغط الهوا بنفسى كل اسبوعين تلاته و لو فى فردة ناقصة بعدى على أى بتاع كاوتش و أقوله على سبيل المثال الفردة دية 28 زودها ل 30... على طول بيزود من غير رغى ولا محاولات للنصب .
العداد ده فى منه ايطالى و فى صينى. ألأيطالى اشتريتة على ما افتكر ب 45 جنيه

اقتباس:

---

المشاركة الأصلية كتبت بواسطة moh19227

الحل انك تفضل واقف علي دماعه ومتشيلش عينك من عليه ولا لحظه

---

مع كامل احترامى لحضرتك مهما ركزت معاه مش هتعرف تعمل حاجه
انا اتعرضت للموقف السخيف ده فى البنزينه اللى فى اول عباس بمدينة نصر على الاتوستراد
كانت بنتى تعبانه و رايح بيها للدكتور و العجله نامت شويه قلت اظبطها و مكنتش مركز معاه خاصة مع بكاء بنتى و شغال اللص فى خرم الكوتش و لقيته بيقولى عندك 10 اخرام و عاوز يثبت لى من خلال المياه و الصابون و انا اكلتها و انا من جوايا شايط ، المهم حسابك كام قالى 10 فى 15 عاوز 150 جنيه ، طبعا عارفين زمان قبل الثوره كان فيه بوكس دائما واقف على ناصية عباس
رحت للضابط و عرفته بنفسى لقيته خد نفس طويل و قالى تانى ولاد التيتــتتتتتتتت دول مش عاوزين يبطلوا
المهم راح مسك الولد و كان مصمم ياخده و تدخل مدير المحطه و الحيوان اللى مشغله
خلاصة الموضوع الواد قاعد يعيط رميته 30 جنيه و دمى محروق عشان الفرده اللى باظت

مش بأزود غير في بنزينة وطنية عالم مجترمة جدا وفاهمة شغلها
بس حصلي نفس الحوار ده مع بتاع كاوتش كنت بأتعامل معاه والعربية كانت جديدة وبوظليا الكاوتش من كثر الأخرام اللى عملها ولحمها لدرجة اني غيرت الكاوتشيين اللى قدام وجبت جديد وبرضه قبل ما أسافر المصيف عملي نفس الحوار و 6 أخرام
طبعا بطلت أتعامل مع اللى جابوه نهائيا مع أنه محل كبير
وأتعاملت مع واحد عادي محترم وملتزم وسعره رخيص جدا ومن ساعتها ماشفتش أخرام والحمد لله في العربية نهائيا

بنزينه روكسي
التعاون
نفس الكلام والعربيه كنت لسه زيرو قالي 120 جنيه
قولت له خد العجله مش عايزها
وفي الاخر رسيت علي 60 جنيه
اي بتاع كاوتش في اي بنزينه
حراممممممميه

في واحد بعد وزاره الخارجيه علي الكورنيش حرااااااااااااااااااااااا اااااااااااااااااااامي قطه الفرده ابن التيييييييييييييييييييييي ييييت

Nistelrooy
اشتكيت لشركة شيل ازاي وفين ؟؟

-------------------
....l marketing
بالتليفون حاول تجيب الرقم من الدليل او السايت عشان مش لاقية

اقتباس:

---

المشاركة الأصلية كتبت بواسطة zambarota

حاسس ان الكاوتش نايم شويه...مريح شويه

الطبيعى هاتدخل بنزينه او ورشه كاوتش علشان تزود العجل

خلى بالك بقى من الى جاي

الراجل الى بيزودلك الكاوتش وبالذات الامامى هايقولك هات الدريكسيون على اخره (يمين او شمال)

وينديلك ويقولك يااستاذ الكاوتش مخروم ويجبلك شويه مياه بصابون ويوريلك الاخرام وتكون اكثر من خرم

وتضطر اسفا انك تلحم الكاوتش عنده (بتسعيره الخاصه)

المفجأه بقى مين الى خرملك الكاوتش :u_thin1[1]: وخرمهولك امتى :_alshmokh11:

وحضرتك قاعد جوه العربيه هو بيكون معاه بلف وجواه مسمار يقعد يخرملك الكاوتش


انا حصل معايا الموقف دا فى رمضان عند البنزينه الى بعد لما تخلص طريق اسماعيليه ومتطلعش الكوبرى الى بيوديك على جوزيف تيتو وتمشى من تحت الكوبرى وكانك راجع طريق اسماعيليه تانى البنزينه الى بعد الملف على طول

وطبعا الحمد لله معملتش عنده الكاوتش واستنيت لحد مرحت لواحد معرفه قالى على القصه
لانى استغربت جدا انه ازاى عرف ان الكاوتش اتخرم

وكمان بعدها بكام يوم شوفت قدامه ضحايا جداد وهو بينصب عليهم تانى

---

أنا حصلى الموقف ده قدام عينى فى بنزينه مصر للبترول بشارع أبوقير رشدى أسكندريه

Mohatfhd


شكراً ,,,

انا بقى اخدت باللى على طول انها اشتغالة وبيلعبوها صح كنت فى بنزينة موبيل العروبة صلاح سالم وبعد ما مونا كنت مع صاحبى وانا باصص من الشباك لقيته بيتكلم مع العربية اللى قدامنا تقريبا قالوا الكاوتش مريح اكشف عليه قدام وجه الدور علينا وعملت نفسى انى مشفتش حاجة وجه وقالنا كده انا لحق صاحبى ورديت عليه رد بايخ وقولتله خليك فى حالك بنرفزة وطبعا صاحبى استاء منى جدا ايه اللى خلانى اعامل الراجل كده قولتله تعالى نقف واتفرج مفيش عربية بتمون الا والكاوتش بتاعها مريح ههههههه حاجة بقت تقرف واسلوب فيه سرقة ونصب وربنا يحفظنا وكمان ممكن الحركة دى تتعمل واحنا سايقيين ويبقى الغرض منها السرقة متنزلش من عربيتك الا لو حسيت ان العربية مشيتها مش تمام وربنا يرحمنا ويبعدنا عن النصابين اللهم امين

اقتباس:

---

المشاركة الأصلية كتبت بواسطة Mohatfhd

Nistelrooy
اشتكيت لشركة شيل ازاي وفين ؟؟

-------------------
....l Marketingبالتليفون حاول تجيب الرقم من الدليل او السايت عشان مش لاقية

---

....l marketing