أرجو النصيحة

**zego** · 18-09-2011 08:39 PM

انا من المنصورة ونفسي افتح مشروع فلاقيت اللى ممكن يكون سهل كأمكانيات وراس مال وبضاعة هو الكماليات والاكسسوارات للسيارات وممكن قطع الغيار على خفيف فقولت انتم اكيد هنا هتنصحونى من الألف للياء يعنى ايه المطلوب من البضاعة اللى هتتحط ولو هنبدأ بحاجة خفيفة لكن ايه هى الاساسيات وتتكلف كام لانى اللى اعرفه ان الحاجات دى ممكن تكون زى الروائح والمعطرات والستاير الكبس والاستيكرات الجاهزة واطقم صوت وبعد كدا ممكن بقي جنوط وحاجات من دى
فياريت يا جماعة تعرفونى ابدأ من فين وايه الأماكن اللى ممكن اجيب منها يعنى مثلا في مستوردين للكماليات والاكسسورات بجميع انواعها والاسعار مثلا ياما تبقي بالجملة هل ممكن يخفضوا فيها وبيقي اماكنهم في الحرفيين مثلا والا فين ولو يبقي حد قريب مثلا اكيد هيسهل انا بصراحة محروج بس عايز ابدا في المجال ده بضمير ومشي عدل

**zego** · 19-09-2011 08:59 PM

مساء الفل يا جماعة همتكم معانا

**zego** · 23-09-2011 12:51 AM

ايه يا جماعة 44 مشاهدة ومافيش حد يقول اى حاجة طب لو الموضوع صعب كدا حد يعرفنى عشان ما اعشمش نفسي لان انتم المنتدى الامل الوحيد

**zego** · 30-09-2011 08:10 PM

لو سمحتوا يا جماعة اكتر من 60 مشاهدة ومافيش حد يفتى حتى للأسف انا كنت فاكر ان الموقع هيجيب لي المفيد بس للأسف هانسي انى فكرت اعمل الموضوع هنا في المنتدي

**mmharoun** · 30-09-2011 08:19 PM

لا تفقد الامل فى المنتدى اكيد بيفكروا فى الرد

بس على فكرة انا فكرت فى المشروع دة وهو بيكسب جدا واحسن حاجة ان تجيب البضاعة من المستوردين او من شارع التوفيقية التى بوسط البلد وهناك بيبيعوا بالجملة ايضاً والمنطقة التوفيقية وشارع زكى يوجد بهما كل شئ مثل علامة السيارة والمعطرات والروائح والفوط الصفراء والانذار وجميع الكماليات بس ستائر الكبس انصحك انك تتفق مع مصنع يعملهوملك علشان هيكون ارخص من التوفيقة وبالتوفيق انشاء الله