الموضوع: هموت من الحيرة

ياجماعة انا مش عايز الناس تفهمني غلط بس انا شايف اني لو عملت القرض هيكون حلال ليه
برحة بس ومحدش يتعصب عليا واسمعوني لي الاخر
انا بجد بعد تفكير زهقت واتخنقت اوووي وكانت غلطة من غلاطات عمري اني كنت باخذ معايه قريبي عند شراء السيارات فهو بيشتري حوض بس هو ده الي اتضح ليه
حكايتي معاه اشترينا بي ام دبليو 316 موديل 82 اشترتها وكانت محتاجة مصروف بي الهبل صالون وسمكرة ودوكو وماتورها خفيف وعايزة تتظبط عافشة وعايزة اربع فرد المهم ركنتها لمدة شهر مركبتهاش غير اسبوع مثلآ ولا حاجة قولت اركنها لغاية معمل جمعايه واشدها المهم في مرة اتأخرت عن ميعاد الشغل وحبيت اروح بي العربية المهم ملحقتش اروح من الشغل قبل ما اسلم علي عمودين
كنت شريها بي 18 بعتها بي 6غير مصاريف نقل العربية غير تخليص لصاحب العربية ورقة يعني باكو
المهم ولدتي اول ماشفت الخمسة معايه كتر خيرها خدتهم مني وقامت قايلة لي قريبي ده برضة عايزن عربية بدل ما يصرف الفلوس وفي الاخر هيبقا عايز عربية برضة هوبا جابلي 128 صفرة بتمشي بي العرض احلف بي الله اني مرضيت اسوقها مسقتهاش غير مرتين اتنين وكل ما اروح مشوار تعطل ولزم ننزل نزق قرفتني مكنتش بتدور كنتك العربية الوحيدة الي لزم تشتريلك فيها عبد تحبسة جوها علشان مش بتتزق غير يدوي وكان في اخ هنا معنا في المنتدي كان عايز يتشتريها وهو من اسيوط باين ولا منين صعب عليا اني ابيعهاله يقف بيها علي الطريق مع انه كان عارض اكتر بس انا حسيت انه انسان وخد كلامي ثقة في العربية دي مرضتش ابيعها ليه مع اني ظبطها عافشة وجبتهلها بطارية كانت بتاعت البي ام بتاعتي بتاعت الحدثة وغورتها

نيجي بقا علي الاخيرة انا الحمدالله ربنا من عليا وتزوجت وانا قاعد في المناطق الجديدة ولزم يكون معايه عربية علشان التنقل في المناطق الجديدة بي الموصلات مقرف اشترينا برضة مع بعض عربية جولف 2 يسلام بقا قصة كفاح العربية اشتريتها عليها مكنة 1800 بي بي المهم العربية مكنتش بتمشي وكان علي طول الار بي ام بيعلا لوحده رحنا لي ميكانيكي بتاع جولف عندنا في المنطقة اقل ما يوصف انه حمار جولف مع المؤخزة لي الحمار العربية فيها تنك جولف 3 قالي ده تنك ابيزا وعايزن تنك جولف 2 الاتنين طرمبة ومش عارف ايه وتيت وكلام كتير المهم معاه غيرت العربية كلها يمكن احس بي فرق غيرت اسبراتير غيرت اي دي ومافيش اي استجابة
فقام في يوم قريبي قالي نروح الحرافيش رحنا الحرافيش غير طرمبة بنزين المتخلفين حطو بتاعت ال1400 ياولاد التيت ولبسونا في الحيط وعملت كبالن خارخية وعملت شغل في العفشة غيرت اتنين مساعد امامي وبرضة مافيش تغير محلك سر
المهم واحد الله يبارك له وصفلي وليد الميكانيكي غيرت معاه فتيس + طرمبة 200سي سي +استوانة +بوابة +بطحات بس الشهادة الله بدقت احس انها الماني بعد ما تعملت مع وليد المهم
دلوقتي انا ركن العربية لي ان فيها برضة لسه شغل عايز يتعمل وانا بعد المصاريف دي مبقاش معايه وفكرت اعمل جمعية كلة يقولي السنه الجديدة وانا عقبال عندكم السنة الجديدة مستني انسان جديد ربنا يجيبة بي السلامة اللهم ما أمين وفي نفس الوقت عايز اخلص بسرعه قبل السنه الجديدة علشان ابدق انظر لي حياتي وانا فكرت احوش كل شهر حاجة واعين مبلغ واعملها كل شهرين لقيت نفسي في اوخر الشهر ايدي بتتمد علي الي محوشة ولا تقني حوشت شيئ ومخنوق والعربية مركونة لا بتحرك بيها ولا بخرج بيها عاملة زي البيت الواقف الشمس قربت تصديها ومش عارف اعمل محدش يقولي بيع انا لو بعت ابقا مدمن خساير او المرة الجاية هجيب موتسيكل افضل انا حظي وحش في المستعمل انا لو فكرت اركب هركب زيرو علشان انا اتخنقت وانا حاليآ معيش تمن الزيرو ولو فكرت اقسط اوكي طيب الصيانة بتاعتها هعمل فيها ايه ؟
المهم انا شايف ان القرض ليه حلال حلال حلال
هل من حل ؟أخر ياريت الي عنده حل يقولة مع العلم نزلت السوق العربية مجبتليش سعر لي انها لسه فيها شغل من برة محدش مقتنع بي الي عاملة من الداخل الناس عندها المظاهر فا استحرمت ابيع وفي حل تاني يا اجيب الصاروخ واعمل فتحة بي الطول في السقف وادهنها كلها اسود واحطها جمب باب مسجد واكتب عليها صندوق تبرعات واهي يبقا استفدنا بيها في شيئ نافع
بجد انا مش عارف اعمل ايه حتا النمرة الي الاخ كتبهالي بتاعت دار الافتا طلعت غلط الي هيا 107