مقدرش احب اتنين علشان مليش قلبين فوكس وفانتازبا
يا جماعه الحوقنى يا احلى شباب محتاج مساعدتكم ضرورى انا محتار اوى بيا الفورد فوكس 2011 فل ابشن وفانتازيا 2011 بيز لاين حد يلحقنى ويقولى اعمل ايه الله يبارك فيكم
عرض للطباعة
مقدرش احب اتنين علشان مليش قلبين فوكس وفانتازبا
يا جماعه الحوقنى يا احلى شباب محتاج مساعدتكم ضرورى انا محتار اوى بيا الفورد فوكس 2011 فل ابشن وفانتازيا 2011 بيز لاين حد يلحقنى ويقولى اعمل ايه الله يبارك فيكم
نصيحه من مالك فورد ... الفورد عيشه وركوبه بشوات بصحيح لاكن فى صيانه واعاده بيع ملهاش حظ ... الفنتزيا تكسب وربنا يبركلك ويكفيك شر الطريق
انا معاك طبعا ان الفورد ملهاش حظ في اعادة البيع ، بس مع ذلك انا شايف انها بدات تتظبت شويا و الدليل ان اسعار الفوكس(2007/2008/2009/2010) في اعادة البيع مش واطيا للدرجة ، و بالنسبة للصيانة اللي انا سمعته من ناس كتيييير ان التوكيا دلوؤتي غير زمان خالص ، يمكن انا راي انه بقي احسن من حاجات تنية كتير ، و بالنسبة لتوكيل اسكودا انا كان عندي معاه مشكلة كبيرة و متحلتش غير بجهاز حماية المستهلك ، و مش معني كده انه وحش بس دية كانت مشكلة فردية ممكن تحصل في اي توكيل ، الخلاصة ان توكيل فورد دلوؤتي بقي محترم و فورد ستعود بقوة لانها تستحق ، وايضا بالنسبة لاعادة البيع جميع جميع العربيات المحترمة المحترمة ( الاوكتافيا-بيجو406-بيجو عموما-بي ام دبليو -مرسيدس- اودي- الفا روميو-رينو سيتروين-كرايسلر ......) حتلاقي اسعار الحجات دي كلها بتنزل جامد في بيعها هل ده عشان هما وحشين ولا عشان احنا شعب مش بيفهم يعني اية يبقي راكب عربية محترمة ، هو مش عايز حاجة غير انه يصلحها بربع جنية عشان كده الكوري سعره في البيع عالي و ده برده مش معناه انها عربيات محترمة ده معناه ان اللي بيفهموا في العربيات قليلين جداااااا . و ده راي يا جماعة ياريت عشاق الكوري مل يزعلوش ميني مع انهم عمرهم ما حيشوفوا اللي انا كتبة عشان عمرهم ما حيبصوا علي العربيات المحترمة.
بالنسبة للمقارنة بين العربيتين هما اكيد الاتنين ركوبة جمدة جدااااا ، بس حرام ادفع الفلوس دي كلها واركب بيز لاين ، بتهيالي لما ادفع فلوس لازم احس اني اخدت حقي بيهوم يعني عربيتي تكون مدلعاني علي الاخررررررررر ، يعني انت برده قارن الكمليات في الاتنين عشان انا راي ان العربيتين محترمييين جدا فا حيكون الفرق الوحيد في الكمليات و اكيد في ناس ركبت العربيتين و ممكن يطلع في فروق تانية يا ريت يقولولنا عليها .
التوكيل حلو طول منتا بتعمل صيانه بس تعالى بقى لو عملت حادثه لقدر الله ... فحت وردم ونفخ ... وشغل طلسقه عالى اوى واسهل حاجه فك وغير... مفيش دماغ خالص ومفيش امانه انت وحظك وحسب الصنيعى الى هيشتغل ... تخيل لما تنزل تعمل صيانه فى التوكيل ويقولك اصل القطعه دى مش موجوده هبعت اجبهالك من مدينه نصر وتفضل قاعد خمس ساعات مبتعملش حاجه غير انك بتتفرج على السقف ... انا قولت الى فيها وبأمانه انا معايا فوكس 2009 وعارف العربيه على ايه وزى ما قولت وهفضل اقول العربيه ركوبه بشواااااات لاكن صيانه محدش فهملها حاجه
( ford means Fix Or Repair every Day)
ه ( ford means For Only Rough Drivers )
الفرق فى
1- فتحه سقف
2 الفرش
3تعديل الدواسات
4 السنسور بارك
5 الستاير الكهربا
6 كراسى كهربا
7 فوانيس لنسات
8 مثبت السرعه
9 السوند بتاع الفورد يكسب بكتير بالنسبه للأوكتافيا
وشويه حجات بسيطه تانيه زى مرايات تعتيم مسند ورا شويه نواكل
بس تعالى قارن بقى الأوكتافيا الهاى لين ب الفورد الهاى لين :] ...على فكره انا بحب الفورد جدا بس الراجل طلب الرأى وبالامانه وقولتله بكل امانه وبأختصار الى فى العربيه بالظبط
اولا انا متشكر جدا لحضراتكم على ردكم
ثانيا اصل الفورد منزله عرض جامد اوى سعرها 143000 بدل من 163000 يعنى فرق جامد عن الفانتازيا هوه دا اللى شاددنى فيها اوى بس ياترى توكيل فورد اخباره ايه
يا باشا الكلام ده ممكن يحصل في اي توكيل يعني اسهل حاجة شيل و حط و دي سمة اي توكيل عشان التوكيل ما بيصلحش حاجة، كل التوكيلات بتلطع الناس و زي ما انت قولت حسب الصانيعي و حسب الشغل اللي في عربيتك و حسب ضغط الشغل اللي عندهم ، وزي ما ذكرت قبل كدة انا كان عندي مشكلة مع الاوكتافيا ال a5 كنت بغير باب و عتبة ( يعنني برده اسهل حاجة شيل و حط و دي سمة اي توكيل عشان التوكيل ما بيصلحش حاجة )، و العربية سيبتها عندهوم 10 ايام ، و استلمتها بالعافيا بعد خناقة ، وبعدين اكتشف ان لسة فيها مشكلة ، فودتهلهم تاني قعدت 5 ايام و عارف بقي الرد بتاعهم كان اية ، مش عارفين الصوت جي من فين و تعالي خد العربية مش حنعمل فيها حاجة ، ولما اشتكتهم في حماية المستهلك ، عملوها في يومين زي ال........... ، ادي يا سيدي توكيل الفانتازيا ، اللي عايز اقوله ان الخدمة في التوكيل الواحد بتختلف من فرع لفرع مع انه نفس التوكيل و علي حسب الصنايعي اللي ماسك العربية، يعني من الاخر انت ممكن تروح اي توكيل بتاع اي ماركة وتعمل حاجة و تخرج مكيف و مبسوط و تروح نفس التوكيل في مشكلة اكبر و يطلعوك من هدومك.
1- فتحه سقف
2 الفرش
3تعديل الدواسات
4 السنسور بارك
5 الستاير الكهربا
6 كراسى كهربا
7 فوانيس لنسات
8 مثبت السرعه
9 السوند بتاع الفورد يكسب بكتير بالنسبه للأوكتافيا
وشويه حجات بسيطه تانيه زى مرايات تعتيم مسند ورا شويه نواكل
معلش لو علي حسب ما انا فهمت ان الكمليات دي في الفورد و مش في الفانتازيا البيز لاين ، يعني الفورد تكسب مريح و برده انا كلامي ان الراجل بيدور علي حاجة في حدود معينة ، شوف فرق الفلوس في هاي لاين في الاتنين كام ، و برده ارجع و اقول ان العربيتين جامدين جداااا