-
شراء مستعمل من بورسعيد
هل فيه امكانية انى اشترى عربية استعمال الخارج و افك حظرها ب 10000 من غير ما يكون معى اى حد معاق ؟؟
و هل حد ليه تجارب فى الموضوع ده ؟؟
انا بفكر جديا اعمل الحركة دى فى ليجانزا علشان اضمن انها استعمال نظيف + ان كل اللى فى السوق متبهدل
فى انتظار ارائكم و تجاربكم ان امكن
-
والله انا بقكر في كدة اليومين دوول بردة
وعادي جداا مش لازم معاق طالما هاتفك الحظر علي ماظن
-
-
خال زوجتي عامل الموضوع ده في نوبيرا 2001 تقريبا وحالتها ممتازه مع انها ماشيه اكتر من 100 الف كيلو ومكنش دافع الحظر بتاعها ومره اتنمسك بيها وكع اكتر من 15000 جنيه عشان يفك الحزر ويطلعها من الحضانه ودلوقتي بيخاف يمشي بيها في اي حته عشان لازم المعاق هو اللي بيبقي سايقها بس مش عارف حتي بعد مادفع ال 10000 ولا لآ
بس كل اللي اعرفه ان مشاكلها كتيير وكل الناس اللي جابوها باعوها
وعلي فكره الفلوس اللي دافعها فيها حتي الأن تعدي ال 60000 يعني كان شويه وجاب واحده جديده من هنا انضف مليون مره من اللي جايه من بره
-
علي ماظن عادي تاخد العربية وتفك الحظر
-
لازم معاق وهتمشي بيها 3 سنين علي ما ينفع تسجلها باسمك ولو اتمسكت بيها هتدفع 10000 ويتفك الحظر أو لو في واسطه جامده هتدفع 2500 غرامه وتطلع بدون فك
وفي ناس في المرور بتاخد رشاوي ويطلعلك رخصه مش مكتوب فيها انه ميسوقهاش غير صاحبها
بس كله قلق وقرف
-
كلام الزميل العضو pro_Samir صحيح 100% ان نسيبى جايب عربية معاقين بقالة سنتين وشهرين ولسة ممسوك بيها من اسبوع وفعلا بعد ما اتوسط لة واحد منصبة كبير دفع بالظبط 2400 جم وكان حايدفعوه 12000جم (9600 جم رفع الحظر + 2400 جم غرامة) دفع الغرامة بعد افلام ومكالمات راحة ومكالمات جاية ودلوقتى بيضرب نفسة بال..... علشان مشى فى القصة دى.
-
خلي بالك انت بتدفع ال 10 الاف جنيه وبعد كده المعاق تقريبا بيرفع قضيه وياخد تقريبا حوالي 8000 او اقل من المبلغ تاني
-
حوار وجع قلب ومحدش مشى فية وفلح ولازم يكون عن طريق معاق
-
لا طبعا لازم تكون لمعاق ما ينفعش تشتري عربية مستعمله من المنطقة الحرة الا لو كنت معاق
وحتى لو عايش بره ما تقدرش تنزل العربية الا لو امتلكتها في سنة الصنع وكنت المالك الأول وده لا ينطبق على المعاق برده
Content Relevant URLs by
vBSEO 3.6.0 PL2