الموضوع: مين اللى شغالين فى قطع غيار الفاروميو و ارقامهم و عنوانهم

شكرا جزيلا

حسام وخالد على المعلومات ديه وان شاء الله ربنا يسهل واكلم خالد امبابى او اخليه يبص عليها انا اصلى قريب من شارع العريش انا فى المريوطية فالسكة سهلة .... وعلى العموم يا خالد هى العربية من بره واقفة على حيلها كاوتش جديد جنوط سبور بتعتها الأصلية .... بس النقطة اللى انا شايفة واللى صاحبها قالهالى صراحه ان فى بستم عاوز يتخرط عشان بيهرب زيت فأنا قولتله كده تبقى محتاجة نص عمرة قالى لأ والنقطة التانية انها بقالها كتير مركونة فطبعا عملية الركنة ديه بردوا بيبقى ليها مشاكل على العموم ان شاء الله هاكلم الميكانيكى وربنا يقدم الخير .. سعرها 11000 ...معلش صدعتكوا كل سنة وانت طيبين :)

بقوللك إيه يا معلم، خش على الفيس بوك ودور على:
Alfa Romeo Club of Egypt
ده أقوى جروب للالفا في مصر، وهتلاقي فيه كل ما تريد من معلومات، وكل الأشخاص المذكورين بما فيهم خالد عادل وخالد امبابى موجودين على الجروب، وكمان في واحد اسمه مصطفى سمير عامل ألفا سود من الزيرو سمكرة ودوكو وتسقيط موتور وتركيب كمبيوتر تحكم بالموتور .....الخ

المشاركة الأصلية كتبت بواسطة mego_100

مين اللى شغالين فى قطع غيار الفاروميو و ارقامهم و عنوانهم.

انا اتعامل مع اثنين فقط بالنسبه للاستعمال هم
كرستين في حدائق القبه بجوار القصر الجمهوري و هي غاليه شويه
الاخر الحاج عصام بمدينه نصر و هو افضل في التعامل بكثير و رقمة 012237136923
اما بالنسبه للجديد في عند الكيلاني في شامبليون امام كشري ابو طارق

المشاركة الأصلية كتبت بواسطة loloking

بالنسبة لقطع غيار الاستيراد
اول واحد عنده مخزون مهول ليها صلاح خلاف فى الوكالة 01001105173
و بعده مجدى بيومى الحرفيين فى الحتة الى نازلة اخر الشارع الرئيسى 01002428444
و واحد بعده بعمارتين اول يمين فى اول شمال علاء اللواء عنده مخزون تقيل برضه 01009719695

و فيه كار بويز عند مزلقان مدخل الحرفيين جنب حمدى لادا ,
و فيه اشرف بتاع بورسعيد بيروح و ييجى يجيب الطلبات 01223827648
و كرستين بس حاجاتهم قديمة و قليلة
و فيه اشرف ياسين فى الوكالة ماحتاجتش اوصله علشان الى فاتوا كفاية
و فيه الشيخ فى فيصل برضه مسحت رقمه ماحتاجتلوش
و فى قطع الغيار الجديدة و بمخزون ضخم جدا الكيلانى فى شارع معروف ده تاجر مهول و طوابيره ضخمة و بيجيب اغلب الحاجة
و الوكيل الى يجيب اى قطعة غيار بالطلب فى 10 ايام ايا كانت من الكتالوج اوماترا جسر السويس بس باسعار فلكية

صلاح خلاف حرامي رسمي وهو اساسا شغال في اللانشيا وصاج بس وبيجيب قطع الغيار اللي الزبون بيطلبها من اشرف ياسين اللي جنبة علي طول تحت الكوبري ودة ارخص كتير وهو الاصل بالنسبة للوكالة عموما
اما كريستين فهي عندعم افضل حالة في قطع الغيار المستعملة بس الاسعار نننننناااااارررررر
واشرف بتاع بورسعيد كويس واسعارة معقولة بس بيشيلك حاجات كتير فوق اللي انت فعلا محتاجة والكيلاني هو الاصل في قطع الغيار الجديدة وسعرها معقول واصلية نوعا ما بدل هبل تجار التوفيقية ومصر الجديدة
مجدي بيومي كويس وقطع ال146 و145 زي الرز ورخيص بس ال156 و147 نادر والمصيبة 164 مش موجود ليها مسمار
الباقي ماعرفش حد فيهم وهاجرب بس عموما مشكور يااخي علي التجميعة دي ومجهود طيب