بعد ازن رجاله المنتدي عشان انا دماغي باظت من المقارنات خلاص
انا معايا حواي 65 الي 70 و بعد مزاكره المنتدي هجيب مستعمل انشاء الله
و رشحت لنفسي اوكتافيا من 98 الي 2002 حاله شازه ممكن يا جماعه ترشحولي اتنتو ايه غير الكوري او انتو شايفين ايه
عرض للطباعة
بعد ازن رجاله المنتدي عشان انا دماغي باظت من المقارنات خلاص
انا معايا حواي 65 الي 70 و بعد مزاكره المنتدي هجيب مستعمل انشاء الله
و رشحت لنفسي اوكتافيا من 98 الي 2002 حاله شازه ممكن يا جماعه ترشحولي اتنتو ايه غير الكوري او انتو شايفين ايه
في الرينج ده ممكن تفكر في الأوكتافيا فعلا a4 عربية ممتازة مافيش كلام .. يمكن المشكلة إن الأوروبي في المستعمل الواحد بيخاف منه شوية و مش بيعرف يلاقي الحالة المناسبة بسهولة.
ممكن كمان تفكر في البومة و ده لإنك كده بتستسهل و تجيب حاجة بتاعت السوق ، يعني عربية كويسه مش وحشه أبدا و سعرها ماسك نفسه و بتلاقيها بسهولة و تبيعها بسهولة و قطع غيارها متوفرة جدا.
و النيسان صني برضه مستعمله هتتكلم في نفس الرينج و هتلاقي حالة كويسه كمان و نفس الكلام هتلاقي قطع غيارها متوفرة و صيانتها سهلة و مش بتعمل مشاكل كتير.
يا سلام لو عرفت تلاقي حته ميجان نظيفه و محترمة ، و دي فيها الأمان و التسارع و كل شيء يعيبها فعلا بصراحه و دي مشكلة أنا عاصرتها بنفسي إن ميكتنها صعبة و معقده جدا و مافيش أي ميكانيكي بيشتغل فيها بسهولة.
و فيه بيجو 307 و دي صدقني بقى عربية وهم بمعنى الكلمة و عن تجربة ، مافيهاش أي غلطة أبدا إلا مشكلة قطع الغيار اللي فعلا سعرها غالي بطريقة مش طبيعية.
و ممكن جدا جولف قديمة ، أو بورا 2003 ، أو باسات2000 و قطع غيار العربيات دي على فكره متوفرة و الميكانيكية بتشتغل فيهم بسهولة و عربيات بتعيش بجد.
طبعا الأسترا 2006 دي هتبقى حاجة ممتازة جدا أو فيكترا برضه بحالة نضيفة .. بس هتتعب و انت بتدور عليهم شوية.
الف الف شكر علي ردك يا باشا والهي الي خلاني افكر في الاوكتافيا يعني قلت عضمه ناشفه و الناني و تقريبا من العربيات القليله الي في منها حالات شازه كتير عشان الاستيراد و المعاقين الي خلصت الحظر بتاعها
والهي يا باشا كل مركز في عربيه يطلع ليها خازوق البدايه كانت بالتفكير في بي ام تسعينات 316بس الحالات الي معروضه لا تسر عدو ولا حبيب قلت بلاش نشوف اوبل فكترا 99 ولا حاجه قاك بتسخن جامد و ليها مليون قصه مع ان كان في لاقدامي واحده تحفهه
قلت خلاص كورسا سيدان واحد صحبي جابها و حاله محترمه بيظهر فيها دلوقتي اعطال محدش فاهمها اوي بتروح و تيجي فمفيش قدامي تقريبا غيلر الاوكتافيا انا لا بشد ولا بجري غير في السفر اخري بالكتير 160 لما الدنيا تبقي فاضيا كمان و استهلاكي جوا البلد مش هللك خالص مشاوير صغيره
خايف من الاوكتافيا يكون سحبها وحش اوي
ولا هتبقي مرضيه؟؟؟؟؟؟؟؟؟؟؟؟؟؟؟؟؟؟؟؟ ؟؟؟
بص ياباشا الأوروبي لازم تجيبه جديد، نصيحة مني خليك في الياباني، وعندك اختيارين، نيسان صني، لانسر بومة، وربنا يوفقك للخير
بص يل باشا شوفلك حته تويوتا كرولا
او خليك فى الاوكتافيا عربيه لا غبار عليها
انا والله انصحك بالزيرو فى الرنج دا
وارشحلك رينو لوجان ( ودى مشورة )
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/
الف شكر يا رجاله النتدي علي الرود ربنا يباركلكم