يا ريت نعرف من ملاك الفلوينس الحساب الفعلي لاستهلاك البنزين.. انا واحد صاحبي لسه شاري العربيه و قاللي انها عملت معاه 170 كيلو في الصفيحه رغم انه بيسافر بيها السخنه كتير.. لو كان ده معدلها يبقى مش حلو خالص.. وللا ايه؟ يا ريت الكل يشارك.
عرض للطباعة
يا ريت نعرف من ملاك الفلوينس الحساب الفعلي لاستهلاك البنزين.. انا واحد صاحبي لسه شاري العربيه و قاللي انها عملت معاه 170 كيلو في الصفيحه رغم انه بيسافر بيها السخنه كتير.. لو كان ده معدلها يبقى مش حلو خالص.. وللا ايه؟ يا ريت الكل يشارك.
hعالتست درايف كانت عاملة 6-7 علي سرعة 100 يعني حوالي تلتمية في الصفيحة و الملاك ممكن يأكدو
و بما انها موتور ميجان 2 اقولك .. 200 في الزحمة 300 سفر
ده استهلاك الفلوينس فى الفيديو الاول داخل المدينه و الثانى على طريق السفر (مصر اسكندريه الصحراوى) مع الوضع فى الاعتبار ان الفيديو الثانى العربيه فيها 5 افراد و التكييف شغال و الشنطه مليانه على الاخر
13092011038 - YouTube
حوالى 230 كيلو متر فى الصفيحه (قياده هادئه لتنشيط البرنامج الاقتصادى)
Fluence Fuel Consumption - YouTube
حوالى 305 كيلو متر فى الصفيحه (قياده بمثبت السرعه على 100 كيلو متر فى الساعه)
اشكركم للاهتمام و لكن عندي سؤال.. هل هذه القراءات دقيقه؟ سؤالي ده لأني عارف ان عوامة البنزين في الفلوينس مش دقيقه اوي و هي اللي الكمبيوتر بيعتمد عليها في حساباته.. أعتقد ان ادق طريقه هي ان الواحد يصفر العداد مع كل تفويله و يشوف التانك اخد كام لتر و مشي بيهم كام كيلو..عذرا للاطاله.
الشكر لله
اولا احب اطمنك ان الحمد الله عوامه عربيتى سليمه بالاضافه الى انى بعد ما صورت الفيديو خصوصا الاول روحت حطيت بنزين و العربيه فولت تقريبا بنفس الرقم اللى فى العداد يعنى ممكن يكون زياده او اقل لتر واحد مش فاكر بالتحديد بس ده بيختلف على حسب يد عامل المحطه اللى بيمون العربيه
و لو افترضت ان العوامه بتاعتى مش مظبوطه تبقى الارقام اللى مديها الكومبيوتر دى اقل من الواقع لان العوامه البايظه بتدى قراءه اقل من الكميه الفعليه اللى فى التانك مش اكثر
اشكرك للتوضيح و جزاك الله خيرا
أستاذ bukla إيه الموسيقى الكلاسيكية الجامدة دى....
بالنسبةللميجان II أزيد شوية داخل البلد....يعنى صعب شوية 8.7 لتر / 100كم يمكن بتكون حوالى 9.5 أو يمكن أكتر طبعا فى طرق مختلطة يعنى زحمة على فاضى...
بره البلد زى الفلوانس و كمان فى بعض الأحيان لو الهواء معاك ممكن توصل 5.7 لتر / كم و دى حصلت معايا شخصيا....أربع أشخاص و شنطة مليانة و تكييف.....
يا باشا ده بعض ما عندكم
بالنسبه للرقم 8.7 ده كان كمان 8.6 بس زاد لما كنت منتظر فى الجراش شويه لغايه ما يفضولى مكانى وكان كالاتى ذهاب و عوده كل يوم الشغل من المهندسين للمعادى دائرى رايح جاى بالاضافه الى كام مشوار جوه المهندسين و على ما اتذكر كمان مشوار لمدينه نصر من المهندسين و العوده كوبرى اكتوبر السواقه اغلب المشاوير على الهادى و بدون عصبيه اللى بيكسر عليا بقوله الله يسامحك و اسيبه يعدى (الايام دى الخناقة فى الغالب بتنتهى بسلاح نارى يا بسنجه و لو حظك حلو حتبقى مطواه بس)
اما الرقم الثانى زى ما كتبت كده طريق مصر اسكندريه الصحراوى فولت فى محطه موبيل اللى على ناصيه مخرج طريق العجمى او الساحل الشمالى و ابتديت التحرك بمثبت سرعه على 100 لغايه بوابه القاهره
بس فى نقطه مهمه انا ماقولتهاش انى بستعمل بنزين 95 من اول يوم استلمت العربيه لغايه يومنا هذا ماعرفش هل فعلا ده له تأثير على الارقام دى و لا ايه الله اعلم
بالتوفيق ان شاء الله
والله
ا
compressio ratio
بيقو مايفرقش
الاتني زي بعضنلnل