المشاركة الأصلية كتبت بواسطة magdyelshikh
ولعلمك يا اشرف الفكترا سى 2008 بعد مصاريف الشحن والشراء توقف على التاجر 12000جنية والله اتباع قدامى جوز الفوانيس الامامى بس وبالعافية 3000 جنيه وبيقوله عامل معاك احلى واجب واسأل عليهم بقيت هولع منه لانه كان لسه مصرحلى بأن العربية السى واقفه عليه بمصاريفها ب 12000 وجاب ربع ثمنها فى بيعه واحده تخيل بقيتها ...
هى تجارة مربحة مليار فى المية مفيش شك فى كده لدرجة انهم مسفرين 3 او 4 شباب فى المانيا واليابان وايطاليا بفيز سياحية واقامة كامله على حساب التاجر المهم انه بيعرف لغات كويس وازاى يعرف يشترى العربية النضيفه وباقل سعر وبيصورها بالموبيل من نواحيها وعلى النت والفاكس والموبيل بيعتوا الصور والتاجر يوافق ويرسلهم الفلوس دماغه عاليه وشغل متكلف علشان كده انا بقولك المكسب مش 100%100 مليار فى المية حتى طريقة التقطيع مشروحه لهم ازاى وطريقه لم الدفاير والكراسى ازاى حاجة تجنن ..