الموضوع: تقييم لعام 2011 للتوكيل ولأفضل مركز خدمة من مراكز خدمة شفرولية لانوس

أولا : هوا الشفرولية لانوس ما لهاش توكيل ولا مراكز خدمة علشان ما فيش حد يقيمها ولا اية ؟؟؟؟؟؟؟؟؟ طبعا وأكيد ليها طيب فين التقيمات ؟؟

ثانيا : فى ناس أكيد هنا أساتذة للدايوا وفاهمين كل حاجة أحسن من الميكانيكية لكن فى ناس تانية ما تعرفش أو حتى لو تعرف تفضل أن التوكيل هو اللى يعملها خاصة لما تكون العربية فى الضمان ولسة جديدة ومش عايز حد يلعب فيها والتوكيل يلغى الضمان على الآقل يستمر مع الضمان لغاية 20 ألف كيلو يعنى هيروح التوكيل مرة وأثنين وممكن ثلاثة على الآقل بالتالى المرة أو المرتين اللى الناس بتروح فيهم التوكيل من المفروض يقولوا راحوا فين وعملوا أية فى المرتين دول .... وكمان فى حاجة مهمة أنى لو أستريحت مع المكان اللى أنا روحتة وحسيت أنة كويس وممتاذ كمان ممكن قوى أكمل معاة على الآقل لغاية 40000 كيلو أو 60000 كيلو لآن العربية لسة جديدة وممكن الواحد يخاف يخلى الميكانيكى يحط أيدة فيها خاصة وأن فى فى التوكيل أجهزة فحص المشاكل ....
وفى حاجة مهمة قوى اللى ممكن تخلى الواحد غصب عنة يروح التوكيل وهى المحافظة على الضمان على الآقل حتى يتأكد من أن العربية ليس بها عيوب صناعة ودة ممكن ما يتعرفش ألا بعد 20000 كيلو ... وبعدان أنا شارى عربية زيرو وليها ضمان لية الواحد ما يستفدش منة خاصة وأن قطع الغيار الآصلية متوفرة فى التوكيل ودية ميزة بردة على الرغم من أرتفاع أسعارها فى التوكيل بس أصلى ومضمونة وكمان داخل الضمان .

ثالثا : أنا معاكم طبعا أن حضرتكم تفضلوا أن يكون الكلام بناء على تجربة شخصية .. ولكن ذلك لا يمنع أنكم أو أحد الآعضاء سمع من قريب لة أو صديق لة أو زميل لة ويثق فى كلامة أنة ذهب الى المكان الفلانى بالتوكيل أو مركز الخدمة وعملوا معة كذا وكذا وأنة قد أستراح مع هذا الفرع أو لم يستريح معة ولن يذهب ألية مرة أخرى وبذلك تتكون معلومة عن التوكيل ومركز الخدمة أذا أجتمعت كل الآراء على هذا الفرع من حيث الجودة أو السوء

يعنى مثال صغير جدا أنا مش معايا نيسان وكان نفسى أشتريها لولا الظروف المادية حاليا لكن حضرتكم أقدر أقول لكم أن أفضل مركز خدمة بالتوكيل نيسان هو مركز السبع يلية مودرن موتورز وأن كان الآغلبية يفرون من مودرن موتورز ولا يرغبون فى التعامل معهم من خلال خبرة الآعضاء وتجاربهم وأسئلتهم وتجاوبهم مع بعضهم البعض . وعندى زمايلى فى الشغل اللى معاهم نيسان بيقولوا نفس الكلام

أنتم تعرفوا حضرتكم المشكلة فين أن الزملاء اللى كان ممكن نسئلهم فى العمل أو فى أى مكان أو الآعضاء القدامى والحالين هنا فى قسم الدايو معاهم لآنوس جايبنها من أيام دايوا لانوس وكانوا بيتعاملوا مع التوكيل لغاية أنتهاء مدة الضمان يعنى مش تبع منصور شفرولية لانوس اللى ممكن يكون غير مراكز الخدمة أو مستوى الخدمة ممكن يمون أتغير للأحسن أو للأسوء دة غير أن أغلب ملاك الديوا أنتهت مدة الضمان بتعتهم ...ومش عارفين أية التطورات الجديدة مع التوكيل ومراكز الخدمة .... هى دية المشكلة أننا حاليا مع منصور شفرولية ... .... وعلى كل ملاك شفرولية لانوس بالآخص الآنضمام الى هذا الموضوع لمناقشة أخر التطورات فى التوكيل ومراكز الخدمة والصيانة ...واللى راح مرة أو مرتين أو ثلاثة فقط لا يبخل علينا ويدخل ويقول راح فين من مراكز الخدمة وأية أنطباعة عن أداء مستوى الخدمة ... وباقى التفاصيل كما فى رأس الموضوع ..ومعلش طولت عليك
وجزاكم الله خيرا

المشاركة الأصلية كتبت بواسطة prince2005

if you want to waste your time and money,go to the agent

أولا: شكرا جزيلا يا فندم على الرد والآهتمام

ثانيا : أنا مش مختلف مع حضرتك لكن بردة كل التوكيلات كدة دة أسلوبهم المتعارف علية ..

لكن أنا أشرت فيما سبق على الضمان بتاع العربية على الآقل لغاية 20000 كيلو علشان تتطمن أن مفيش مشاكل فى العربية مجملا . وبعد كدة ليك حرية الآختيار .
لما تلاقى مركز خدمة محترم ومعروف عنة حسن المعاملة وحسن الآداء والصيانة الجيدة ممكن على الآقل نستحملة لغاية ال 20000 كيلو وكل واحد بعد كدة برحتة .

يا ريت باقى الآعضاء يشاركونا بأراءهم

وجزاكم الله خيرا

الله ينور عليك يا أبو حميد على الشرح المفصل دة وجزاك الله خيرا
وكدة كلنا عرفنا مستوى الخدمة فى التجمع الخامس عامل أذاى .ذى ما قال أبوحميد ممكن الواحد يروحلة حتى لو كان بعيد طالما ناس كويسين وعندهم أمانة

السؤال بقى يا أبو حميد أنت عامل كام كيلو دلوقتى ؟ وناوى أن شاء الله تستمر مع التوكيل ولا أية ؟

يا ريت كمان باقى تجارب الآخوة الآعضاء ....
وجزاكم الله خيرا

أنا سئلت واحد زميلى أشترى شفرولية لانوس وقلت لة أنت بتعمل الصيانة فين . قال لى أنة بيعملها عند مقار اللى عند الكوبرى الخشب بولاق على ناصية شارع التحرير من ناحية شارع السودان .
وقالى أنهم كويسين وهو أرتاح فى التعامل معاهم. و تقريبا عدى ال 15000 كيلو ولسة بيتعامل معاهم . بس لو كان فى مشكلة ظهرت منهم كان قال لى ومكنش فى وقت علشان أسئلة عن أى حاجة تانى .
والله الموفق والمستعان