تقييم لعام 2011 للتوكيل ولأفضل مركز خدمة من مراكز خدمة شفرولية لانوس

**aazmy** · 14-10-2011 09:49 PM

انا كان معايا لانوس من 2005 و لسة بايعها الشهر اللي فات عشان اجيب نوبيرا
المهم اني من ساعة ما جبتها لحد ما بعتها ما راحتش لميكانيكي الا مرة واحدة اضطراريا و كلة كنت بعملوا في التوكيل اللي كان في الدراسة اللي هوا كان دايو موتورز و كانوا ممتازين ورحت مرة واحدة لابو غالي اللي في العبور اضطراريا بردة عشان انا ساكن في العبور و الخلاصة انو كان حيلبسني في 3500 جنية كومبريسور تكييف و سير و بلية ورحت للصعيدي بتاع التكيفات اللي في مدينة نصر بناء علي نصيحة صديق و الموضوع خلص باجمالي تكلفة 140 جنية فقط لا غير ثم تعاملت مع منصور الطيران و لا استطيع ان احكم عليهم لان شهادتي مجروحة عشان اعرف ناس كتير جدا فية من قبل ما يخدوا التوكيل
ارجوا ان اكون افدتكم ولو بقدر قليل

**mohmswailam** · 16-10-2011 02:17 AM

المشاركة الأصلية كتبت بواسطة abdm

سؤال كمان بخصوص عنوان الفرع بتاع الطيران .مكتوب فى الضمان محطة موبيل الطيران . هو مركز الخدمة دة داخل بنزينة موبيل .. يا ريت التوضيح هنا كمان

فعلا المركز داخل البنزينة

**niceword** · 17-10-2011 01:56 PM

السلام عليكم
ياريت لو حد يعرف تليفون فرع التجمع يا ريت يكتبة
انا بسمع صوت نحره فى المتور و انا بنقل السرعات من 1 الى 2 و صوت ونة مع تسارع العربية و الصوت بعد كده بيروح

المشاركة الأصلية كتبت بواسطة mohmswailam

تجربتى مع منصور
اول مرة اتعامل مع توكيل فى حيات كانت بعد ماجبت العربية بحوالى اربع شهور صيانة ال5000
ذهبت الى مركز منصور اللى فى شارع الطيران ( ناس مش بتوع شغل)
أولا طبعا كنت واخد ميعاد الساعة12 الظهر
ذهبت فى تمام 12:15 لكنى فوجئت بطابور طويل لسيارات اخرى منتظرة مدينها موعد فى نفس الوقت
وبعد خناقة مع بعض الناس اللى بيحاولوا يظبطوا عشان يمشوا بدرى اخدت رقم فى الطابور العجيب والسيارة دخلت فى دورها الساعة 2 تقريبا
لحد هنا مش مشكلة
ندخل على المفيد اول ما العربية دخلت الورشة رفضوا انى اقف جنبها
قلت للمهندس الكبير المسئول من المركز انتوا مسئلتوش عن المشاكل اللى عاوزة صيانة
النور العالى كان بيعلق وزيت البور كان بيسرب
قاللى متقلقش هما جوه هيكشفوا على كل حاجة
بعد ربع ساعة ندهلى الميكانيكى عند الباب الخلفى بيسلملى العربية ويقولى كله تمام
بصيت على مان الزيت ملقتش اى شغل حصل فيه بس الميكانيكى اكدلى انه ربط الافيز كويس
سئلتوا على النور العالى قالى شغال جينا نجرب مشتغلش
رجنابالعربية داخل الورشة تانى الميكانيكى الميكانيكى حاول يشوف العيب منين وكان طبعا باين انه ماكشفش على حاجة
المهم سابنى ربع ساعة لحد ماجه تانى ومعاه الكهربائى ولقينا المهنس الكبير جاى يزعق انا ليه موجود داخل الورشة حكيتله اللى حصل باختصار مشعاوز يسمع وكل اللى ماسك فيه لازم اخرج برة وبيكلمنى على انى شغال عنداللى خلفوه مع اننا اصلا عند باب الخروج
المهم قالولى ذراع النور بايظ ومفيش غير ذراع واحد فى مركز التجمع الخامس
ياتصبر اسبوع ياتروح التجمع
انا قلت اروح اى حتة المهم اغور من وشهم
وفعلا روحت على التجمع على طول
وكانت المفاجأة أولا الناس هناك سواء مهندسين اوميكانيكية محترمين جدا
ثانيا العيب طلع فى ان الكتاوت ملمس مش اكتر من كده
والمهندس بنفسه جه يتاكد ان العيب اتصلح
وبعد ما العربية خلصت جه يتاكد ان العربية تمام ويسالنى لو عاوز اى حاجه تانية

صيانة ال10000
طبعا ذهبت الى التجمع مع انه ابعد عليا كتير
ذهبت فى الموعد وكان ليا مكان ادخل فيه مباشرة
وبرضه معاملة ممتازة
وكمان قضلت جنب عربيتى وشايف كل حاجة بتحصل فيها
والمرة دى صلحوا مشكلة فرامل اليد بالرغم انى نسيت اقول للمهندس اللى استلم منى العربية
وبصيت لقيت الميكانيكي بيشتغل فيها ويقولى المهندس عرفه العيب
والمهندس وقف معايا يرد على كل اسالتى ويعرفنى اعمل ايه واتصرف ازاى

التجمع مركز ممتاز
الطيران مركز................

**mohmswailam** · 17-10-2011 04:08 PM

تليفون فرع التجمع
01000060086

**friendship7897** · 17-10-2011 04:18 PM

المشاركة الأصلية كتبت بواسطة mohmswailam

تليفون فرع التجمع
01000060086

شكراً mohmswailam
أنا عربتي لانوس2010 أشترتها من دكتور ونصحني أني أكمل من التوكيل ونصحني برضوا أني ما أتعملش مع توكيل الطيران اللي مكتوب في الكتالوج - وقال لي أفضل تعامل عمله مع جنرال موتورز ودا ليه فروع كتيرة بس هو وصفلي اللي في الحي السادس - بس أنا لسة ما أتعملتش معاها لأنه عمل صيانة الـ 35000 وأنا لسه ما دخلتش في الـ 40000ك . وشكراً مرة تانية

**mohmswailam** · 19-10-2011 01:31 AM

المشاركة الأصلية كتبت بواسطة friendship7897

شكراً mohmswailam
أنا عربتي لانوس2010 أشترتها من دكتور ونصحني أني أكمل من التوكيل ونصحني برضوا أني ما أتعملش مع توكيل الطيران اللي مكتوب في الكتالوج - وقال لي أفضل تعامل عمله مع جنرال موتورز ودا ليه فروع كتيرة بس هو وصفلي اللي في الحي السادس - بس أنا لسة ما أتعملتش معاها لأنه عمل صيانة الـ 35000 وأنا لسه ما دخلتش في الـ 40000ك . وشكراً مرة تانية

لا شكر على واجب
وعموما انا فى الخدمة لانى مقدرش اتاخر عن اى حد هنا فى المنتدى الجميل بتاعنا

انا ملاحظ ان كل اللى كان معاه 128 جاب لانوس......ايه السر؟

**wael_dosoky** · 19-10-2011 05:48 PM

عذراً ياشباب انا لسه شايف الموضوع حالاً:
انا جربت ثلاثة اماكن
منصور بناع طريق مصر الأسكندرية وده علشان كانت اول مرة 5000 كم
وبعد كده مرتين عند مركز صيانة في المعادي علي الأتوستراد موش فاكر اسمه بس كان كويس جدا

وبعد كده ثلاثة مرات عند اتوماستر عند المدينة الجامعية لطلبة الازهر ف مدينة نصر وبرضجك كويس جداً

**Abdm** · 20-10-2011 03:48 PM

المشاركة الأصلية كتبت بواسطة wael_dosoky

عذراً ياشباب انا لسه شايف الموضوع حالاً:
انا جربت ثلاثة اماكن
منصور بناع طريق مصر الأسكندرية وده علشان كانت اول مرة 5000 كم
وبعد كده مرتين عند مركز صيانة في المعادي علي الأتوستراد موش فاكر اسمه بس كان كويس جدا

وبعد كده ثلاثة مرات عند اتوماستر عند المدينة الجامعية لطلبة الازهر ف مدينة نصر وبرضجك كويس جداً

شكرا يا أستاذ وائل على أهتمامك بالرد .

أولا : حضرتك ما قولتش رأيك أية فى مستوى الخدمة بتاعت طريق مصر أسكندرية ؟؟؟

ثانيا : اللى على طريق الآتوستراد يا ريت لو فاكر العنوان بالضبط ؟؟؟

طيب حضرتك عامل كام كيلو دلوقتى ؟؟؟؟

وكمان لسة مستمر مع الصيانة فى التوكيل ولا خرجت ؟؟؟؟؟

ومعلش كمان لو خرجت من التوكيل خرجت من أمتة ؟

وجزاكم الله خيرا