الموضوع: مشكلة في الدايو رايسر

المشاركة الأصلية كتبت بواسطة mohamed76154

السلام عليكم ورحمة الله وبركاته
انا معايا عربية دايو رايسر 1991 العربية جميلة قوي وعاجباني خالص
بس المشكلة ان الحساس بتاع البنزين جه عليه ميه وانا بغسلها في البنزينة ومن
ساعتها العربية بيقت متعفرتة وصوتها كأنك دايس بنزين يعني بقي عالي وبتسحب طبعا
بنزين كتير خالص دا غير طبعا سخونة الموتور عشان كداحاولت ادور علي حساس بنزين غيره
ملقيتش غير بتاع اللانوس وطبعا بتاع اللانوس هو اللي عامل المشكلة دي عشان كدا انا بسأل ممكن اغير الحساس ده بأي حساس تاني ولا مينفعش اصلا يا ريت يا جماعة لو أي حد عنده فكرة يساعدني
وخصوصا ان انا من اسيوط عشان كدا صعب اني انزل مصر عشان اجيب حساس لو حد يعرف حاجة يا ريت مايبخلش عليا بمعرفته

وشكراااااااا

فى حدود معرفتى إن مفيش حاجة إسمها حساس بنزين

فى حوض العربية

حضرتك ممكن تتأكد من توصيل جميع خراطيم الضغط فى العربية

و بالذات حساس الماب

و كمان نظف كل الفيش بتاعة الحساسات ب wd40

و خصوصا حساس tps اللى على البوابة و كمان بلف الأيدل

و إن شاء الله بسيطة