ياجماعة بجد الف شكر على ردودكم انا مش عارف ارد على مين ولا مين :))) بجد حسستونى انى عملت حاجة ربنا يخليكم :))
ياجماعة بجد الف شكر على ردودكم انا مش عارف ارد على مين ولا مين :))) بجد حسستونى انى عملت حاجة ربنا يخليكم :))
ما شاء اللع تقرير ممتاز يا باشا وان شاء الله ربنا يباركلك فيها ويكيفيك شرها.
بس موتور السيراتو والكارينز واحد مفيش اى اختلاف فى اى حاجة.
تقرير روعة تسلم ايدك
من احلى النقط اللي قلت عليها وضعية الجلوس ..فعلاً لما بقعد مكان السواق في العربية دي بحس اني قاعد على مكتش مش عالدركسيون
ربنا يزيد و يبارك
الف مبروك د.احمد
تقرير مميز
ونقله كبيرة فعلا
ألف مبروك ربنا يديك خيرها ويكفيك شرها ويباركلك فيها انت فعلا حببتني في العربية وزودتني بيها اقتناع اكتر ما انا مقتنع
اولا :- الف مليون مبروك عليك وربنا يديلك خيرها ويكفيك شرها .
ثانيا :- هل هذا الموضوع دعائي او اعلان للعربية ؟ احترس من دفع قيمة الاعلان ؟
ثالثا :- بعد أذنك انا حستخدم هذه - الاعلان - المشاركة في شرح وبيان ومميزات العربية لعدد 2 من زملائي في العمل .......... وهم عايزين يشتروا عربيات .
رابعا :- لازم نطلق عليك " عاشق ومداح كيا كارنيز "" بعد أذن ابو ليلي طبعا .......... ""عاشق كيا ومداح السيراتو "" الاول .
واخيرا احيك علي هذا التقرير التحفة ، واحبك اسألك هو انت بتشتغل ايه ؟؟؟؟؟؟ ( نظرا لبراعة اسلوبك ووووو ....)
وتقبل تحياتي .
ألف مليون مبروك يادكتور
أسأل الله أن يرزقك خيرها ويكفيك شرها
وادع الله لي أني أغير الماتريكس قريبا إن شاء الله وأجيب كارينز
الله يخليك ياشهدى
ماشاء الله العربيه واسعه جدا وعائليه من الطراز الاول وسيبك من موضوع التسارع ده مش مطلوب من الفئه دية من العربيات
كمان الكنبه اللى ورا عاليه عن الارض عامله زى كنبة اللوجان الخلفيه ودى بتريح جدا فى القعده لمسافات طويله
الف مبروك مره تانيه وربنا يبارك لك فيها و يديك خيرها ويكفيك شرها
تقرير رائع و عربية اروع
الله يبارك فيك يا ياسر ويخليك لينا :)) فرق الموتور كنت قريت على forum اجنبى ان عزم الكارينز بيطلع بدرى عن السيراتو عشان هى عربية تقيلة لكن السيراتو بيطلع متأخر ودة بيديها الافضلية فى التوب سبيد يعنى بتفتح سرعة اكتر بعد السرعات العالية
ربنا يخليك ويكرمك ويزيدك من فضلة
الله يبارك فيك دكتورنا العزيز وفعلا نقلة كبيرة لواحد سايق فيرنا ذى حالاتى :)))
الله يبارك فيك ويسعدك والعربية مميزة فعلا ربنا يرزقك من فضلة
ههههههه يافندم ولا دعائى ولا حاجة انا بوصف احساسى بالضبط وانا راكبها ودة ميمنعش انها مش كاملة من كلة طبعا وفيها سلبيات انا كتبتها لو لاحظت ومتشكر لذوقك الرفيع وردك الرائع :)) اة صحيح انا طبيب اسنان
الله يبارك فى حضرتك ياشيخنا ويرزقك من فضلة وياااااارب يعطيك من الواسعة ويديك كل اللى نفسك فية و عربية جراند شيروكى كمان :))) ولكن بما ان سيادتك سايق ماتريكس وهى قريبة من الكارينز انصحك تسوق الكارينز يوم وتشوف هل حتحس بفرق يستاهل التغيير ولا لأ :)
الله يبارك فيك يامصطفى هى فعلا واسعة ودة كان اول اولاوياتى فى العربية وفعلا مش بتاعت حرق والكلام دة :)) ملحوظة كدة:
اللوجان تقريبا فى نفس ارتفاع الكارينز لأنى مش بحس ان اللى راكب فى اللوجان اقصر منى بعكس العربيات التانية ... يعنى اكيد وانت سايق بتحس انك عالى برضة صح ولا انا بيتهيألى