| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 12 1 2 3 4 5 6 11 ... الأخيرةالأخيرة
النتائج 1 إلى 10 من 118

  1. #1

    الصورة الرمزية ashouhdy

    رقم العضوية : 36989

    تاريخ التسجيل : 01Apr2009

    المشاركات : 10,392

    النوع : ذكر

    الاقامة : Alexandria

    السيارة: كروز 2014

    السيارة[2]: Car Enthusiaset

    دراجة بخارية: :))

    الحالة : ashouhdy غير متواجد حالياً

    افتراضي - Facebook Twitter whatsapp انشر الموضوع فى :

    hasad">

    السلام عليكم ورحمة الله


    الحمد لله ربنا انعم عليا بسيارة جديدة وهى الكارينز

    العربية مجملة هى اعلى فئة وكيل الهاى لاين

    العربية ماشاء الله .... غيرت وجهة نظرى تماما للكورى وعرفت ان الفئات المجمعة محليا دى منزوعة كل حاجة !

    الشكل

    العربيات اذواق ولكن كشكل فى اجماع انها عربية شيك وصاحبة أحلى أنتريور فى كل عربيات فئتها... وعن نفسى بحبها جدا من جوة بتحسسنى بتابلوها المرتفع انى راكب فان

    فى ميزة جميلة ان الدركسيون مرتفع جدا عن الفخذ ودى كانت مشكلة تؤرقنى فى العربيات السيدان العادية ودة اللى خلانى اصرف نظر عن الالنترا والفوكاس ...الخ




    الحجم


    واسعة .... جدا

    دة اقل وصف .... لأن انا مرجع الكرسى على اخرة و منزلة لتحت (الكرسى فى خاصية الحركة لتحت ولفوق) واللى قاعد ورايا بيحط رجل على رجل وناقص يحط شيشة وطقطوقة ويفتح قهوة ورا !!

    أماكن التخزين كتيير جدا ... ذى الفئة دى الماتريكس وخلافة مع ان الماتريكس فيها اماكن اكتر ودة للعلم

    يعنى الكونصول اللى فى النص فى اماكن للكوبايات والبيبان فيها اماكن للكوبايات وهكذا ... المخدع مستويين الشنطة فيها مخارج 12فولت وتعتبر ملعب كورة صغيير

    يعنى بفكر فى المستقبل اجيب شلتتين عربى و احطهم ورا للى عايز يريح !




    العربية نازلة من جوة ب3 اختيارات للالوان اسود بيج رمادى

    بالنسبة للركن والحركة 2 يوم وحتتعود تماما عليها وبركن عادى فى اى ركنة كنت بركنها زماان بالفيرنا والحمد لله

    حاجة مهمة

    الفرق بين الركب الامامى و السائق كبير ... يعنى انتم الاتنين ساندين على نفس المخدع ومستحيل كوعك يلمس كوعة او يحدث تلامس اكتاف ذى العربيات التانية :))

    فدة بيدى شعور رائع على طريق السفر انك قاعد فى كرسى فوتتيية محتويك تماما وفى فراغ ثم تلاقى واحد قاعد على يمينك وفية فراااغ وتلاقى ناس وراك :))

    الكماليات

    العادى فى كل العربيات مرايات ضم كهربا 4 ازاز ريموت سنتر ...الخ

    حتكلم على حاجتين

    العربية نازلة ب Warning Security System

    وهو المفتاح المشفر الذكى اى العربية مستحيل تدور الا بية ... طبعا دة عندهم ...لأن عندنا الحرامية بيدوروا اى حاجة

    المهم المكتوب ان ممكن الحرامى يطلع على المفتاح ويفتح العربية ويعيش جوة ... لكن الموتور لما يتنطط ميدورش !! طبعا مش عارف اية صحة الكلام دة ... بس ربنا يستر

    الحاجة التانية

    DVD ... الطارق بس بينزلها بأوفر برايس ويركب

    DVD كاميرا خلفية gps aux ipod sd-card USB







    Carens built in DVD - YouTube

    طبعا بالريموت

    ندخل على المفيد

    الموتور

    124 حصان 1600 سى سى 2 كامة

    CVVT


    • Displacement
      1,591 cc
    • Max. Power
      124 ps /91.2 kW @ 6,300 rpm
    • Max. Torque
      15.9 kg.m / 156 Nm @ 4,200 rpm



    هو ظاهريا نفس موتور السيراتو الجديد

    لكن فى اختلاف ان اقصى عزم بيطلع عند ار بى ام اقل من السيراتو

    الموتور متوافق على العربية للقيادة العائلية ... ولكن لو عايز ترجع لايام الشقاوة حتلاقى استجابة جميلة

    بتسارع من 0 الى 100 فى خلال 13 او 12 ثانية تقريبا وسرعة قصوى 190 وفى ناس جابت أكتر

    Kia Carens (rondo) 1.6L 124hp Acceleration A/T - YouTube

    الموتور كافى جدا لعربية وزنها 1500كيلو

    العزل

    الله الله الللللللللله :)) من اكتر الحاجات اللى بحبها فى العربية دى

    ماشاء الله .... هااااااااااااااااادية بطريقة عجيبة لا شارع ولا موتور ولا اى حاجة

    طول ما انت دايس سامع صوت زنة الموتور الجميلة هادية اوى

    لكن لما الفتيس ياخد غيارة ويستكين خلاص انت فى عالم تانى

    مع التكييف وحتة mp3 slow ومج النسكافية ياعييينى :)) بجد تحية كبيرة للتقفيل الكورى ولكيا فى النقطة دى


    العفشة

    مريييييحة وعفشة عائلية ... مالتى لينك ورا بتخلى كل جزء مع نفسة يعنى لو اخدت مطب على العجلة اليمين .. العجلة الشمال ملهاش دعوة

    بعدين لما العربية بتجرى جامد لاحظت ان العجل اللى ورا بيفرش ... بالأضافة للعرض الكبير

    205 على 60 على 16 مع الوزن 1500 كيلو وابعادها فطبعا توقع ثبات ممتاز

    الا انى لاحظت ان فى الملفات الحادة الجسم بيبدأ يميل بسيييييييط نظرا للارتفاع ونظرا لأن مفيش فيها شداد امامى Strut bar ودة اللى فى دماغى فى الخطة اللى جاية

    العفشة جميلة اوى فى المطبات والنقر والبلاعات لأن انت بتسمع صوت لكن مش بتحس بالخبطة فى جسمك .... يعنى تبقى ماشى وتسمع بووم تقول يووووة يخرب بيت دى بلاعات !

    دة قصدى ... ان احساسك بالطريق والحصى يكاد لا يذكر ودة حاجة جميييلة لعربية عائلية

    غير ان العربية على الطريق ... الدركسيون أكيد أكيد اكيييييييييييد فى مانع ذبذبات او اهتزاز

    ماشاء الله والحمد لله على السرعات العالية 160 170 الدركسيون مفيش فية هزة او رعشة او لعب

    بالأضافة للوزن والحجم لما تعدى جمب عربيات تلاقيها بفعل الهوا بتبعد عنك ... عكس المعتاد انك انت لو عديت جمب حاجة ضخمة انت اللى تتزق

    بأمانة انا كل شوية ابص على العلامة اللى على الدركسيون عشان اتأكد ان دى كيا كورى مش حاجة المانى

    بجد تألقوا جدا فى منع وصول الذبذبات للدركسيون وعدم احساسك بالسرعة والطريق شئ ممتاز


    الفرامل


    ماشاء الله

    4 ديسكات ب ABS بكاوتش Hankook وقطر الديسك ماشاء الله يخض !

    العربية بتنزل برة بموتور 2400 سى سى 6 سلندر ... على نفس طقم الفرامل اللى عندنا على الموتور ال 1600 ... فتوقع اداء فرملى ممتاز لابعد الحدود

    الحمد لله جربتة على نزلة كوبرى جرين بلازا والعربيات كلها وقفت مرة واحدة عشان داخلة جرين بلازا يمين وانا نازل وشفت المنظر كنت على 120 وكبست فرامل على الأخر ... وتحس بنبض ال ABS تحت رجلك وتيجى يمين فى شمال عشان تفادى وتقف بدون تعويم او تعريض او او او ... ماشاء الله والحمد لله

    انا تعمدت مع كبسة الفرامل انى اجى يمين فى شمال ... انى ادى براح او فسحاية للجى ورايا انة يفرمل ... لأن لو كنت وقفت فى خط مستقيم كان 100% حلاقية قاعد ورايا فى الصالون


    بجد انا بقيت بقلق جدا من العربيات اللى مفهاش ABS انها تلبس فيا وبحاول على قدر المستطاع اسيب مسافة بينى و بين اللى قدامى عشان مكبسش على الأخر

    الاستهلاك

    استهلاك عالى مش موفر للبنزين مع 170 او 180 كيلو فى الصفيحة بالتكييف فهى تعتبر ذات استهلاك عالى

    واللى ممكن يرفع من استهلاكك اكتر ... ان كبسة رجلك على البنزين حتخلى الموتور يعمل كيك داون ويفتح .. وممكن تكون مش عاوز كيك داون انت عايز تخطى سريع بس

    لكن مع الوقت حتتعود :)

    ارقام التسارع من 0 الى 100 تقريبا 12ثانية

    من 0 الى 160 تقريبا 35 ثانية او 34 ثانية

    جودة التقفيل


    الخامات الداخلية ممتازة ممتازة والتقفيل الكورى بتاع بلدة واضح ... لكن الكروم الخارجى حاسس انة ممكن يكون افضل من كدة شوية ... كان عايز من برة حاجة أشد من كدة شوية ... فرش الكراسى والكنب رائع و واخد نقشة و مخرم للتهوية ... التابلوة خامة طرية محترمة جدا ... باب التابلوة الوحيد اللى مش عاجبنى ناشف شوية ويديك احساس انة اتكروت !

    العربية من جوة واسعة ومع الازاز الفيمية العربية مابتسخنش حتى لو فى الشمس

    اداء التكييف فوق الممتاز بالذات لو جبتة على ال max وبحس انة فى توزيع الهوا احسن من الفيرنا و ساقع اكتر من الفيرنا ... مش عارف اذاى

    بس اللى شفتة فى حوض الموتور ان الكباس (الكمبريسور) اكبر من بتاع الفيرنا فقلت يمكن عشان كدة اسقع

    الأضاءة

    عدسات بروجيكتور بمقاس لمبة H7 والعالى عادى مش عدسات ... الحمد لله اول ماجت ركبت زينون 4300k 55watt على العدسات وطبعا اضاءة العدسات معروفة بتفرش حلو اوى ولمدى بعييييييييد

    أضاءة النور العالى معجبتنيش يمكن عشان اللمبة 55وات وانا كنت مركب 100وات راللى فيليبس قبل كدة ففى فرق أكيد

    الفانوس الامامى ضخم وكذلك الخلفى فلما بادى انتظار بلاقى المكان حواليا مور جااامد اوى


    كلمة نهائية


    العربية دى لقطة ...سعرها ممتاز على كل اللى بتاخدة ... عربية عائلية رائعة مريحة فى الرحلات

    مش بتاعت قلة قيمة وحرق ... عربية رزينة تقيلة ليها هيبة وسط العربيات التانية بالذات لما تعدى بين عربيتين ومرايتك تبقى اعلى من اللى جمبك وتمشى بهدوء ذى السفينة كدة !!

    العربية خلاص اتوقف انتاجها من المصانع الكورية وحينزل حاجة جديدة

    فلكل واحد لسة بيفكر فيها يلحق ... لأن مش حيكون في حاجة اسمها كارينز2013

    والسلام ختام






















    عشان خاطر حبيبى مصطفى ... أرجو من الأشراف نقل تلك الصور الى المشاركة الأساسية :

    صور تبين المساحة بين الكراسى الأمامية والكنبة :) لاحظ ان انا مرجع الكراسى على اخرها :))

    ولاحظوا فرق الدركسيون عن رجلى :)











    الخربشة دى بتاغت كلبش الدركسيون ... اول مرة اشوفها لما صورت !





    تم تثبيت الموضوع لتعميم الفائدة
    مشرف 3ب
    20/9/2011

    اللى حيضيع بلدنا : الفهلوة و كلمة باشا و معلش و أصل



  2. #2

    الصورة الرمزية SonaSteel

    رقم العضوية : 82616

    تاريخ التسجيل : 03Dec2010

    المشاركات : 6,066

    النوع : ذكر

    الاقامة : حلمية الكلاماتا :)))

    السيارة: Ex Sunny M/F/O 2011

    السيارة[2]: Polo M/F/O 1995

    دراجة بخارية: مولتوسيكل :)

    الحالة : SonaSteel غير متواجد حالياً

    افتراضي -

    تقرير ممتااااااااااز ......... جزاك الله خيرا

    أُمـــ الغوالــــــــــــــــي ..... أُسطــــورة لـــــهــــــا تاريـــــخ

    [img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
    [marq="4;right;2;scroll"]Eng.Hussein GaMal[/marq]
    [marq="4;left;2;scroll"]Mob. +20111 960-9399[/marq]


  3. #3

    الصورة الرمزية samyyousef

    رقم العضوية : 53526

    تاريخ التسجيل : 21Nov2009

    المشاركات : 1,215

    النوع : ذكر

    الاقامة : cairo

    السيارة: brava

    السيارة[2]: opel

    دراجة بخارية: لا يوجد

    الحالة : samyyousef غير متواجد حالياً

    افتراضي -

    تقرير رائع


  4. #4

    yyy

    الصورة الرمزية yyy

    رقم العضوية : 12699

    تاريخ التسجيل : 11Jun2008

    المشاركات : 991

    النوع : ذكر

    الاقامة : Egypt

    السيارة: mustange 1973

    السيارة[2]: MERCEDES E230

    دراجة بخارية: 00000

    الحالة : yyy غير متواجد حالياً

    افتراضي -

    تقرير مميز
    مبروك عليك العربيه
    الكارينز عربيه جامده فعلا و تقريبا العربيه الوحيده ال بحس انها بتديك قيمه مناسبه لسعرها عكس العربيات التانيه المبالغ في سعرها

    [img3]http://i43.tinypic.com/bedna.jpg[/img3]


  5. #5

    الصورة الرمزية maskeen

    رقم العضوية : 107200

    تاريخ التسجيل : 10Jul2011

    المشاركات : 635

    النوع : ذكر

    الاقامة : Cairo

    السيارة: none

    السيارة[2]: BMW 525

    دراجة بخارية: no

    الحالة : maskeen غير متواجد حالياً

    افتراضي -

    170-180 كيلو فى الصفيحه ده اكيد داخل المدينه مش سريع! والا يعتبر استهلاك عالى جدا!!

    الف الف مبروك العربيه وربنا يباركلك فيها ويكفيك شرها..كان نفسى اجيبها لمراتى بس هى راشقه فى السبورتااج وقفشت خلاص


  6. #6

    الصورة الرمزية blazer

    رقم العضوية : 2282

    تاريخ التسجيل : 23Sep2007

    المشاركات : 8,887

    النوع : ذكر

    الاقامة : Cairo ,Faisal st

    السيارة: كانت lada 2107 1989

    السيارة[2]: Daewoo Nubira2 2005 auto

    دراجة بخارية: No

    الحالة : blazer غير متواجد حالياً

    افتراضي -

    احى حضرتك على التقرير الممتاز اللى حسسنى انى ركبت العربيه فعلا
    الف مبروك على العربيه
    رينا يديلك خيرها ويكفيك شرها
    واعتقد نقطه استهلاك البنزين هتتحسن لانك لسه عامل 2000 كيلو بس واكيد هتتزبط بعد المشى شويه

    قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

    -- اللهم ارزقنيها --


  7. #7

    الصورة الرمزية protech

    رقم العضوية : 16092

    تاريخ التسجيل : 10Aug2008

    المشاركات : 68

    النوع : ذكر

    الاقامة : التجمع الاول

    السيارة: Lancer 1993 then Carens 2011

    السيارة[2]: lanos 2007

    الحالة : protech غير متواجد حالياً

    افتراضي -

    تسلم ايدك على التقرير الجميل ده انا بس عندى سؤال الولاعه عند فيها نور ولا لاء هيا والا الخط اللى جنب الانتظار علشان انا مالهمش نور


  8. #8

    الصورة الرمزية ashouhdy

    رقم العضوية : 36989

    تاريخ التسجيل : 01Apr2009

    المشاركات : 10,392

    النوع : ذكر

    الاقامة : Alexandria

    السيارة: كروز 2014

    السيارة[2]: Car Enthusiaset

    دراجة بخارية: :))

    الحالة : ashouhdy غير متواجد حالياً

    افتراضي -

    شكرا ليكم ياجماعة وربنا يبارك فيكم شرفتونى... وهى فعلا استهلاكها كدة وانا مش بحرق غير نادرا:((

    @protech

    اة الولاعة و الخط بينوروا برتقالى لاحظ صورة الكاميرا فوق

    اللى حيضيع بلدنا : الفهلوة و كلمة باشا و معلش و أصل



  9. #9

    الصورة الرمزية protech

    رقم العضوية : 16092

    تاريخ التسجيل : 10Aug2008

    المشاركات : 68

    النوع : ذكر

    الاقامة : التجمع الاول

    السيارة: Lancer 1993 then Carens 2011

    السيارة[2]: lanos 2007

    الحالة : protech غير متواجد حالياً

    افتراضي -

    تسلم على ردك وربنا يباركلك فيها ويكفيك شرها


  10. #10

    الصورة الرمزية shery103

    رقم العضوية : 15742

    تاريخ التسجيل : 04Aug2008

    المشاركات : 733

    النوع : انثى

    الاقامة : Nasr City

    السيارة: Kia Carens 2011

    السيارة[2]: Kia Cerato 2013

    دراجة بخارية: NA

    الحالة : shery103 غير متواجد حالياً

    افتراضي -

    hasad">

    الف مبروك على العربية يا فندم و متفقة معاك فى كل النقط
    احنا كان عندنا فيرنا قبل كده و بعناها
    لما ركبت الكارينز و والدتى قاعدة جنبى ، قلتلها يااااه انتى بعيدة اوى كده ليه داحنا فى الفيرنا كنا لازقين فى بعض فعلا وسعها من جوة جميل و عربية رائعة

    Everything's not lost..



 
صفحة 1 من 12 1 2 3 4 5 6 11 ... الأخيرةالأخيرة

المواضيع المتشابهه

  1. تقريرى عن مرسى مطروح
    بواسطة tananybasha في المنتدى أوبـــــل
    مشاركات: 47
    آخر مشاركة: 22-06-2017, 03:01 PM
  2. تقريرى عن بيجو 307 بعد 12 الف كيلو متر
    بواسطة hany_c_v في المنتدى بيــــجو
    مشاركات: 19
    آخر مشاركة: 10-04-2014, 09:53 PM
  3. تقريرى عن تركيب فرش فى جينز كار
    بواسطة Baher_Algogary في المنتدى نيـــــــــسان
    مشاركات: 23
    آخر مشاركة: 20-11-2012, 02:56 AM
  4. تقريرى عن الـ m11 الجميلة
    بواسطة smsm2020 في المنتدى سبـــيرانزا
    مشاركات: 19
    آخر مشاركة: 28-04-2011, 07:00 AM
  5. الكارينز بعد 1200 كم (الكارينز لا تقارن)
    بواسطة heha في المنتدى كـــــيا
    مشاركات: 30
    آخر مشاركة: 24-01-2010, 07:56 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2