لما بتشتري عربيه بتعمل حسابك انك هتعمل حادث؟!
طبعا السؤال غريب بس بجد صدقوني الاغرب الاجابه
لو الموضوع لسه مش واضح
ممكن نقول مثال
ليه عربيه زي اللانوس بتبيع اكتر من الجين تو واكتر من اللوجان
لما بتشتري عربيه بتعمل حسابك انك هتعمل حادث؟!
طبعا السؤال غريب بس بجد صدقوني الاغرب الاجابه
لو الموضوع لسه مش واضح
ممكن نقول مثال
ليه عربيه زي اللانوس بتبيع اكتر من الجين تو واكتر من اللوجان
بغض النظر عن الموديل اغلب من يشترى سيارة عارف ان لازم شوارع مصر حتسيب بصمتها عليها من خبطات لخرابيش والحالى هو السرقة ....
الموضوع مش على توافر قطع الغيار بس لكن سهولة الصيانة واسعار قطع الغيار ليهم دور برضه ساعات بتبقى التكنولوجيا المتقدمة نقمة فى الصيانة
أه وعشان كده جبت عربيه مش منتشرة بس فيها abs و ebd و6 إيرباج وقمت مأمن عشان موضوع قطع الغيار وإستهبال التوكيل
الناس مش بتفكر في قطع الغيار عشان الحوادث
بس فيه حجات بتستهلك مع مرور الوقت
ووارد جدا مثلا ان الاكصدام يتكسر ,, فانوس يطير ,, باب يتخبط ,,, مرايا تتكسر حجات كتير اوي زي كدة وارد انها تحصل بشكل يومي
فمش معقول اني اشتري عربية وانا عارف ان الاكصدام مثلا لو حبيت اغيره هدفعلي فوق الفين جنيه ولا حاجة ! فبدور على عربية قطع غيارها رخيصة ومتوفرة
زي ماانت قلت اللي انت عملته ده فيه ناس شايفاه موت وخراب ديار ازاي يجيب عربيه كويسه ويدفع فلوس في حاجه تستاهل كل جنيه بيندفع فيها ده جنان رسمي
لا انا اشتري عربيه متسواش 3 جنيه علشان صيانتها كويسه ااو قطع غيارها متوفره
طيب انا اتكلمت مع واحد عايز عربيه
كان وقع بين اللوجان واللانوس
وبرضه راح اشتري اللانوس برغم انها اوطي واضيق واقل في التكنلوجي واقل في الامان
لييييييييييييييييييييه انا هطق من الغيظ
انا في عربيه كانت عجباني جدا بس لما اكتشفت ان الفانوسس ب 2000 و الباب ب 3000 و الاكصدام ب 1500 غيرت رائي
و بقيت بحب اشوفها ف الشارع بس
انا مره نزلت لقيت الاكصدام واقع من الناحيه الشمال و مره تانيه او مرتين تلاته انزل الاقي الفانوس مخبوط
تفتكر لو عربيه غاليه في الحاجات ديه كان الواحد جراله ايه
كنت دفعت تمن العربيه في ظرف سنه
بس لما يكون عربيه تانيه بتتكلم ف حدود من 100 ل 200 جنيخ و الباب ب 500 و كل ده جديد مش استيراد تبقي حتي لو صيني افضل عند الواحد
بس برده خير الامول الوسط
يعني اللي هتقدر عليه هاته
يعني الواحد ميجيبش عربيه فوق طاقته و اقل حاجه تتركن جنبه
طيب ما لو الناس تفكيرها اختلف هتلاقي قطع الغيار بترخص لوحدها
البيع الكتير هيخلي قطع الغيار تنتشر اكتر وهيخلي سعرها ينزل خصوصا لما تتقلد وتبقي ببلاش
وده هيشجع ناس كتير انها تستورد من الصين او استعمال وده كله بره التوكيل بس ساعتها انا راكب علي الاقل حاجه مقاربه للمدفوع فيها
ثقافه الزبون هي اللي بتحدد السوق
ومعلش انا شايف ان اللي بيحصل ده جهل
طيب ممكن سؤال هي العربيه دي نوعها ايه
لان انا اللي بتكلم عليه الطبقه المتوسطه اللي هيا 60 الي 70 الف
اللانوس كمثال (مع كامل احترامي لملاكها)
جميع قطع الغيار سعر التوكيل غاليه بس هي ميزتها انها منتشره علشان كده فيه منها بره التوكيل
انما اللوجان لا
فيه بره التوكيل بس هتلف كتير علشان تلاقي
بس زي ماقلت ثقافه الزبون هي اللي بتحدد السوق
من افسد شئ فعليه اصلاحه يعني انا خبطت عربيت واحد اصلحه ليه يا اما ابطل اسوق واقعد في بتنا
لا اللي بقصدها فئه اعلي زي الفلوانس مثلا
و بالنسبه لللفيرنا و اللانوس و اللوجان
لو واحد جايبها و هوا مزنوق يعني ده كل اللي حيلته يبقي فيرنا او لانوس لو واحد امكانياته تجيب اعلي يعني فئه متوسطه مثلا و اخره 100 الف جيب اللوجان و هيا حاجتها بتنتشر بره دلوقتي و ف نظري تستحمل عن الفيرنا و اللانوس
و بالنسبه لللفيرنا و اللانوس و اللوجان
لو واحد جايبها و هوا مزنوق يعني ده كل اللي حيلته يبقي فيرنا او لانوس لو واحد امكانياته تجيب اعلي يعني فئه متوسطه مثلا و اخره 100 الف جيب اللوجان و هيا حاجتها بتنتشر بره دلوقتي و ف نظري تستحمل عن الفيرنا و اللانوس
زعلان من اللانوس ليه ؟ شغاله بقالها اكتر من 10 سنين وأثبتت كفاءه
والأيام هتعدي علي اللوجان ونشوفها هتعمل ايه في مصر
كلامك مظبوط جداااااااااااا
المشكلة عندنا اننا بنفكر بالعكس ازاى؟؟؟
بنشوف العربية المنتشرة و قطع غيارها متوفرة و نشترى
مع ان المفروض نشترى اللى يريحنا و فية وسائل الامان
و التجار حيشترو القطع دى
بس ف الاخر معظم الناس بتشترى العربية و يهمها اعادة البيع عشان لو اتزنق يبيعها و يجيب فلوس ع طوول
و كمان العربيات اللى فيها وسائل امان بتبقى غالية جداااا الا من رحم ربى
يعنى تلاقى عربية ما نازلة بفئات كتير و الهاى لاين بس اللى فية وسائل الامان اللى المفروض موجودة ف كل
الفئات و الكماليات بس اللى تفرق
من الاخر قلة وعى المستهلكين باهمية وسائل الامان بيدى الفرصة للوكلاء انهم يبعو الامان ع انو كماليات
الموضوع ده خاص بمصر وطرقها وظروفها فقط ... وفعلا عندك حق .. انا ركبت الغالي والرخيص وما استريحتش إلا في الرخيص
أما في الدول المتقدمة بيختاروا السيارة حسب مواصفات الأمان
الاول انت اخبارك ايه واحشني انت فين مش موجود في الاجتماعي من فتره طمنا عليك
.
.
.
اما بالنسبه للعربيه تنجح او تفشل زي ماقلت قبل كده العيب فينا كتفكير واستهلاك
اي عربيه تحت الـ100 تفتقر لاساسيات الامان إلا من رحم ربي
ودي حاااااااااااااااااجه تغيظ
اننا بنشتري علب صفيح فيها كام حزام ويقولك هي كده امان
طيب هي مخالفه الحزام كام!!!!!!!!!!!!!!!
يعني من الاخر كمان الحزام لولا المخالفات وبيدخل فلوس للمرور مش هيسئلوا عليه
بما اننا شعب أستهلاكى من الدرجة الأولى ... حتى فى قطع الغيار بنستهلكها بسرعة لسوء الاستخدام سواء من جانبنا أو بسبب اخطاء الغير .
فبالتاى اللى بينفع معانا من العربيات اللى بتكون قطع غيارها رخيصة ... مع انى ضد فكرة رخص قطع الغيار لبعض الماركات لانها بتدخل قطع غيار مضروبة كتير عكس الأصلى الغالى فى ماركات آخرى .