السلام عليكم .
انا معايا اوبل كورسا موديل 99 وهى 1000 سى سى وفيها تكييف
التكييف ضايع طبعا فبفكر اروح اشحنه واضبطه وعرفت ان الموضوع ممكن يتكلف يجى 500ج
انا عايز اعرف الموضوع هايفرق ولا فلوس وهاتترمى فى الارض
ياريت اى حد معاه عربية 1000سى سى وفيها تكييف يقولى العربية الاخبار ايه
شكرا
الخلاصة التكييف علي السريع فقط
جوه البلد بيقي تعبان و العربيه مبتبقاش مظبوطة
و علي السريع برضه لو الجو حر قوي لازم تغطي شبابيك الابواب عشلن يعمل حاجة
1000 CC ياباشا :arghh:
تكييف الكورسا بتاعتى مكنش مؤثر أوى زى الكورى و اليابانى.. بس كان بيسعف فى الشمس و كمان سعات بقفلوا بليل من السقعه.....اقتباس:
المشاركة الأصلية كتبت بواسطة Freekiko
على فكره شحن فريون العربيه ب 50 جنيه مش 500!! :S
مالوش لازمة مع الموتور الالف
كان معايا الموتور ال1000
زي عدمه و بيموت الموتور
أسمحولي أختلف معاكم أنا كان معايا عربية تويوتا إكو موديل 2000 وكانت 1000 سي سي والتكيف بتاعها ماشاء الله زي الفل وقوي جدا ومبيأثرش على سحب العربية إلا في المطالع ، فالعبره هنا بالعربية مش موضوع سي سي وبس
و أنا كان معايا بولو 1000 سي سي
و منت باشغل التكييف جوه البلد و بره البلد و هيا و اقفة كمان
التكييف كويس جدا (مش زي الحاجات التانية طبعا) بس كويس
الموتور هوا اللي كان بيصوت جوه البلد و هيا واقفة
لبس على الطريق كان عادي
اشحن تكييفك
كييف عربيتك
تكسب صحتك
اي كلام :)
نصائح مفيده يا دكتوراقتباس:
المشاركة الأصلية كتبت بواسطة Ahmed Samy
طيب انا معنديش تكييف اعمل ايه
لو هو التكييف الأصلي , يبقي صلحه و اشحنه طبعا. الموتور ال 1000 مصمم علشان يشغل التكييف الأصلي بتاعه.
هو أكيد مش تكييف قوي , بس أكيد برضه أحسن من الحر و العرق :)
أنا كان عندي مشكلة و تعبت شوية لحد ما صلحتها, بس دة علشان اتعاملت مع صنايعية مش كويسين.
بس لما صلحته و شحنت, التكييف بقي كويس جدا , بس تأثيره بيقل شوية في الحر الجامد و الشمس المباشرة.
و بالنسبة لسحب الموتور, طالما هو الأصلي يبقي ما تقلقش, و التأثير علي السحب بيبقي مش كبير.
ها هااقتباس:
المشاركة الأصلية كتبت بواسطة ASD peugeot
يبقى ركب تكييفك
اشحن تكييفك
شغل تكييفك
اكسب صحتك و اخسر فلوسك :)
الف شكر ليكم على المساهمة بجد
بس انا عايز اعرف اللى بيقول العربية بتبقى كويسة والتكييف كويس
ياترى بتبقى راكب لوحدك ولا معاك حد .... انا بيبقى معايا المدام و ولد صغير
اخ فولكانو ياترى فين اللى بيشحن ب 50 عشان
اشحن تكييفك
كييف عربيتك
تكسب صحتك
على رأى احمد
وشكرا يا رجاله
أكيد طبعا وأنت راكب لوحدك العربية بتبقى أسرع لأن الحمولة أقل وكلما زادت الحمولة أثر ذلك على السحب بس برضه التكييف قوته متقلش في التبريد لكن تشغيله بيأثر على السحب لما تكون حمولة العربية كبيرةاقتباس:
الف شكر ليكم على المساهمة بجد
بس انا عايز اعرف اللى بيقول العربية بتبقى كويسة والتكييف كويس
ياترى بتبقى راكب لوحدك ولا معاك حد .... انا بيبقى معايا المدام و ولد صغير
بالنسبة لموضوع شحن التكييف بالفريون بيختلف من عربية للتانية حسب موديل العربية ، فمثلا العربيات الحديثة بيبقى نوع الفريون بتاعها أغلى شوية عشان مبأثرش على الأوزون وصديق للبيئةاقتباس:
اخ فولكانو ياترى فين اللى بيشحن ب 50 عشان
يعني أنا مثلا في الإيكو إللي كانت معايا كانت موديل 2000 وكان تكلفة شحن التكييف 120 جنية
شكرا يا استاذ خالد
طب مين ممكن يشحنوا وفين ... انا معرفش حد !!!!!!!!
لو ساكن قريب من منطقة الهرم أو فيصل أنا ممكن أوصفلك واحد كويس ومضموناقتباس:
طب مين ممكن يشحنوا وفين ... انا معرفش حد !!!!!!!!
بالنسبة لعدد الركاب إللى حضرتك ذكرتهم لا يؤثر تاثيرا يذكر على درجة الحرارة داخل السيارة ، وذلك لأن التأثير الكبير يكون ناتج من اشعة الشمس.
شحن التكييف بالكامل من نوع فريون 12 لسيارة 1300 يتكلف 130 جنية فى المتوسط .هذه اسعار حديثة .
لكن تزويد كمية فريون ناقصة ( وليس شحن بالكامل ) يتكلف حسب الكمية . وغالبا هذا ما قصده العضو الذى قال 50 جنيه.
انصح بعمل صيانة وشحن لتكييفك وتقدر تشغله حينما تحتاجه وممكن تطفيه فى مطالع الكبارى لو اثر على سحب السيارة.
صح ... أنا كنت بعمل كدةاقتباس:
وممكن تطفيه فى مطالع الكبارى لو اثر على سحب السيارة.
انت منين يا فريكيكو لو من مدينة نصر يبقى عندي ليك واحد تحفة لسة فاتح جديد وبيربي زبون بس هو شاطر جدا كان شغال بقالو كام سنة في مركز تكييف كبير
اقتباس:
المشاركة الأصلية كتبت بواسطة Freekiko
أنا من اسكندريه.. مظنش حفيدك فى مكان....
السعر بتاع الشحن بيتحدد على كام انبوبه( و لا معرفش اسمها ايه) فريون حتحتجها.... و زى مالاخوه قالولك لو حتزود يبقى 50 (انبوبه واحده) لو من الصفر (اضرب فى 2 مثلا) يبقى حدود 100 على حسب المكان و الراجل و معرفتك بيه...
و لما تزود لازم تجربه يومين فى الشمس عشان لو لسه محتاج ارجعله عشان يزوده من غير ما تدفع...!!
تانى حقولك هو مش قوى أوى.. بس بيسعف فى الشمس و الرطوبه.. أكيد بيه أحسن من غيره (2 فى العربيه أنا و خطيبتى)
المشكله اللى كنت بواحهها هى السحب :( ضعيف
بس كده... ربنا يوفقك :)
هو بيتوقف على نوع العربية ,
واحد صاحبي معاه تويوتا ستارلت 1000 سي سي و تكييفها جامد قوي و تأثيرة بسيط على الموتور ,
و فيه عربيات تانية التكييف بيأثر علي الموتور قوي أو بيكون ضعيف و مش عامل حاجة ,
يعني المقياس مش بس الـ سي سي لكن معاه نوع العربية ,
على العموم الموضوع محتاج محاولة بس المهم يكون مع واحد كويس جداً علشان ميعملش شغل مش اد كده و في الآخر تلاقي انك بتدفع فلوس على الفاضي ,
و لازم يتأكد ان كل التوصيلات سليمة و الكمبروسر تمام ,