الموضوع: (زيرو)نيسان صني ولا شيفروليه افيو؟؟؟

عقاباً ليك على سؤالك
انصحك تشتري أفيو و يا سلام لو مصري كمان مش كوري












انا بهزر معاك اوعى تزعل
بس ايه الي جاي القلعة جنب البحر

انا معايا افيو 2008 و ما انصحكش بيها اصلاً و ممكن تشوف اللينكات في توقيعي فيها موضوع و أستطلاعين فيهم كل حاجة

اعرف ان عيبها الوحيد من وجهة نظري ان الكنبة الي ورا ضيقة
لكن سافرت بيها مرة العين السخنة كانت زي الفل ثبات و سحب و تكييف ( كانت موديل 2007 ) بتاعة صديق و عضو معانا هنا و هو بيشتي انها بتاكل بنزين بس عرفت ان في موديل 2011 حلوا المشكلة دي و ممكن الاعضاء ال معاهم 2011 يفيدوك في النقطة دي
قطع الغيار مش غالية زي ما انت متصور بس هي طبعاً أغلى من الافيو بس مش للدرجة
لو فيه قطع غيار معينة عايز تسأل عليها قولي و انا أجيبلك اسعارها بكرة بس الي اعرفه انها مش غالية
يعني مثلاً الفانوس الامامي ماركة ديبو تايواني عامل تقريباً 250 او اقل مش فاكر بالظبط للصني ( 2007 )
اما للأفيو عامل من 275 حتى 310
و في حاجات ارخص للأفيو زي تيل الفرامل انا بجيب الجولد او سانج شاين من 45 إلى 65 جنيه
الصني اغلى من كدة تقريباً بـ 100 او 100 و شوية مش فاكر بالظبط