ايه الاجراءات بعد سحب الرخصة

**AhmedElsayed** · 10-06-2007 11:26 AM

السلام عليكم
الحمد لله اتسحبت منى الرخصة لاول مرة على الطريق الصحراوى
علشان كنت على 130 تقريبا

يالا الحمد لله

بس عايز اعرف هو ايه اللى بيحصل بعد كده
يعنى بدفع غرامة اد ايه؟
وبستلم الرخصة منين؟ من الدراسة ولا من المكان اللى مطلع منه رخصتى؟ انا فى مدينة نصر حبقى مدينة نصر بتاع المركبات اللى فى طريق النصر ولا حضطر اروح التجمع

معلش يجماعة اسئلة مبتدئين بس دى اول مرة ويارب تبقى اخر مرة

**ahmed1981** · 10-06-2007 12:10 PM

إمشي بالوصل حتى نهايتــــــــــــــــــــ ــــــــتـه وبعدين روح الدراسة
رخصتك هتلاقيها في مرور الدراسة روح هناك وإسئل هتلاقي الموضوع سهل
متستعجلش لإن ممكن تروح يقولك الرخصة ممنوع تاخذها قبل شهر
المهم حسب ظروف مشيك إنت لو بتســــــــافر يستحسن تروح تجيبها
المهم لما تروح ويقولك المخـــــــــــــــالفة كذا مهما قال تقوله عايز أتظلم
وإنت واقف الرخصة هتتعرض تاني على وكيل النيابة ويخفض فيها على حسب مزاجه يومها
لما المخالفة تنزل للشبـــــــــــــــــــاك تاني هتلاقيها مخفضة وتدفعها
وتستلم الرخصة وعوضـــــــــــــــــــــ ـــــــــــــــــــــــــ ــــك على الله
والله أعلم :D

**AhmedElsayed** · 10-06-2007 02:30 PM

ايه ده يعنى هى مش قيمة ثابتة؟ غريبة اوى دى
شكرا ليك ياباشا اوى على ردك

**ahmed1981** · 10-06-2007 02:37 PM

لأ مش قيمة ثابتة

تقريبا وأنا مش فاكر كويس تتراوح من

95 جنيه إلى 500
والله أعلم
م/أحمد :D

**memo_hefnawy** · 10-06-2007 03:10 PM

الكلام سليم بس بتروح الدراسة لو إتأخرت عن إسبوع على ما أعتقد مش هاتلاقيها فى الدراسة و ممكن تنتظر إسبوعين تانيين على ما توصل مرور مدينة نصر (لو رخصتك --تجمع) (رخصة عربيتك -- طريق النصر)

المهم لما تيجى تعمل تظلم عدلوا القانون دلوقت من بتدفع الحد الأدنى على طول من غير ما وكيل النيابة يخفف بمزاجه يعنى إنت تقريبا بتطلب التظلم و القيمة تقل لحد الحد الأدنى من غير ما تدخل على الوكيل

**حلواني** · 10-06-2007 03:29 PM

بالضبط بتدفع 100 جنيه .

**AhmedElsayed** · 10-06-2007 03:41 PM

احنا عندنا قوانين ونظم غريبة اوى
لما هو اول محيتظلم حيدفع الحد الأدنى طيب مكل الناس حتتظلم يبقى اصلا تعملها رينج ليه متعملها قيمة ثابتة وخلاص
ولا ممكن حد مبتدئ زى ميبقاش عارف يضحك عليه ويدفع وخلاص؟

وبعدين ليه اصلا دوشة وسحب رخصة مهو ياما ندفع الغرامة فوريا ياما ندفعها عند التجديد
ليه لازم لف ومشاوير واجراءات
بجد انا بعتقد مفيش اى حد ن اللى بيحط النظم دى بيبقى فاهم ايه سببها وهو بيحطها

مثلا قمة التخلف فى كلبشة العربية
مدام العربية واقفة فى مكان انت مش عايزها تقف فيه
تقوم مكلبشها؟ وتقعدها فترة اكتر مكان صاحبها حيقعد على ميلاقى اللى يفكها
طيب عملنا ايه؟
طيب متحسبله غرامة وخلاص

**Nile Heart** · 10-06-2007 03:54 PM

المشاركة الأصلية كتبت بواسطة حلواني

بالضبط بتدفع 100 جنيه .

ده فى اول مره بس

يص هو القانون الذى لا يعرفه الكثيرون ان لكل واحد 3 مخالفات رادار فى السنه (السنه من اول يناير الى أخر ديسمبر)

أول مره بتدفع 106 جنيه
تانى مره بتدفع حوالى 270 تقريبا
تالت مره بتدفع الحد الآقصى الى هو 500
لو اتسحبت بعد كده المفروض انك ماتقدرش تاخدها حتى نهايه السنه (هاها.. طبعا أى ملازم ممكن يجيبهالك)

المضحك فى الموضوع ان الغرامه غير مرتبطه بالسرعه نهائيآ!! يعنى ماشى على 180 زى على 101 :)

التظلم ده بقى بينفع لما تكون مثلا تانى أو تالت مره والسرعه كانت قليله.. تروح للوكيل ينزلهالك الى الحد الآدنى..وساعات بيعملوها على طول رحمة بالناس

بيعرفوا هى المره الكام ازاى؟ من الملف بتاعك فى الدرّاسه اللى بتروح عليه كل مره (أو فى المحافظه بتاعتك لو انت بره القاهره)

**Karim_Monir** · 11-06-2007 03:28 AM

لا الكلام ده مش مظبوط عشان انا اتسحبت مني في اول السنة رادار علي 176 وكان عليها 6 شهور وقف و504 جنية غرامة
وبالعافية شلت الوقف ودفعت 150 بالوسايط اللي وصلت لرئيس نيابة مرور القاهرة
السرعة بتاعت 130 دي هايدفع اقل من 150
حوالي 130 او 135
ازيد من 140 بتاخد وقف 3 شهور
فوق 170 وقف 6 شهور
فوق 180 بتاخد سنة وقف وغرامة 1000 جنية
الكلام ده من رئيس مباحث مرور القاهرة
موضوع رة واتنين وتلاتة ده مش بيتطبق لان مفيش كمبيوتر لسه في الدراسةوماشية يدوي