استفسار من مهندس ميكانيكا ....

**hazemhany** · 19-09-2011 11:48 PM

يا جماعة انا مهندس ميكانيكا باور....ومعروض عليا شغل في مصنع نسيج ...عايز اعرف هي طبيعة العمل في مصانع النسيج ..وهل العمل في المجال ده هيبقي فيه خبرة ليا وهستفيد ولا لأ ....ياريت تفيدوني ...وشكرا جزيلا

**love7amada** · 20-09-2011 02:42 AM

انا مدني بس اللي اعرفه ان الباور يعني مكن و المصنع يعني مكن
عموما جرب
و بعيدا عن المرتب
حاسس انك بتستفاد كمل مش حاسس انك بتستفاد دور ع غيره و اول ما تلقي مكان اخلع

**hazemhany** · 20-09-2011 09:37 AM

المشكلة يابشمهندس ان العمل هيتطلب سفر لمحافظة اخري والاقامة فيها لان المسافة بعيدة بينها وبين مكان سكني ..زائد اني شغال دلوقتي هيا اينعم مش مجالي بس جنب البيت ومش مرهقة وفلوسها مش وحشة ..فموضوع مش هتخسر جاجة ده لأ هخسر ...

**رزق** · 20-09-2011 11:23 AM

رأيي
شغلانة بتحبها وقريبة > شغلانة بتحبها وبعيده > شغلانة مابتحبهاش وقريبة > شغلانة مابتحبهاش وبعيده > مفيش شغل

شوف إنت

**hazemhany** · 20-09-2011 02:48 PM

هيا الفكرة مش في كده يااستاذ رزق ...الفكرة اني بستفسر عن طبيعة الشغلانة عشان لما اخد قرار اخده صح بدون اي مخاطرة....مش مسألة بعيدة وقريبة يعني

**yahyanaabil** · 20-09-2011 03:11 PM

بس يا معلم انا مهندس كهرباء واشتغلت فتره فى مصنع بويات اسمه ميدو موضوع الخبره ده على حسب حجم المصنع يعنى لو مصنع صغير فمتوجعش دماغك وخليه فى اللى انته فيه احسن لان المصانع الصغيره بيبقى شغل فاكسااااان جدا وعلى فكره الميكانيكا مش مكن بس ديه حاجات ياما أوى ولو عاوز نصيحه منى دول على شغل فى المقاولات هو ده انسب مجال ليك مهما كان صغير او كبير بيديك خبره وبتتعامل مع ناس مختلفه بس فيه مشكله صغيره انك فى المقاولات ملكش مكان ثابت ومش مستقر حتلاقى مفسى على طول بتسافر

**رزق** · 20-09-2011 04:58 PM

المشاركة الأصلية كتبت بواسطة hazemhany

هيا الفكرة مش في كده يااستاذ رزق ...الفكرة اني بستفسر عن طبيعة الشغلانة عشان لما اخد قرار اخده صح بدون اي مخاطرة....مش مسألة بعيدة وقريبة يعني

يبقى زي مقالك الأستاذ اللي قبلي,
حتبقى صيانة وتصليح مكن الغزل و كده - اغلبـ الظن

**hazemhany** · 20-09-2011 11:08 PM

المشاركة الأصلية كتبت بواسطة yahyanaabil

بس يا معلم انا مهندس كهرباء واشتغلت فتره فى مصنع بويات اسمه ميدو موضوع الخبره ده على حسب حجم المصنع يعنى لو مصنع صغير فمتوجعش دماغك وخليه فى اللى انته فيه احسن لان المصانع الصغيره بيبقى شغل فاكسااااان جدا وعلى فكره الميكانيكا مش مكن بس ديه حاجات ياما أوى ولو عاوز نصيحه منى دول على شغل فى المقاولات هو ده انسب مجال ليك مهما كان صغير او كبير بيديك خبره وبتتعامل مع ناس مختلفه بس فيه مشكله صغيره انك فى المقاولات ملكش مكان ثابت ومش مستقر حتلاقى مفسى على طول بتسافر

اولا شكرا لردك ...ثانيا هو مصنع كبير وفاتح في سوريا كمان وصاحبه سوري اصلا ....وانا بدور ع شغل في المقاولات لان ده المجال اللي انا بتمناه ... بس الدنيا نايمة قوي الايام دي ..وعموما حركة البناء بطيئة الايام دي لان كله مستني البلد هترسي ع ايه ...ويامسهل الحل يارب