الموضوع: بنـجاح منقطع النظير .. شـاهد فيديو وصور مقـابلة صـقور نيـسان السـادسة بالتجمع الخامس

المشاركة الأصلية كتبت بواسطة ziabassem

يا أحمد يا مصطفى .. بقولها بأعلى صوتي . أنت أنسان رااااااااااااائع وشخصية أكثر من ممتازة وفوق الوصف .. سواء في تنسيق المواضيع أو المقابلات .

أنا فعلاً بالرغم من أني جيت متأخر إلا أني حسيت بالندم لأني كنت عاوز أقعد مع المجموعة كلها أطول فترة ممكنه لأن أنطباعي عنهم كان أكثر من أيجابي بدون استثناء .. وأخص بالذكر أ/ بيشوي ود.أيهاب اللي لما اتكلمت معاهم شوية حسيت أني أعرفهم من زمان ولما جم يمشوا كنت عاوز أمسك فيهم وأقعدهم بالعافية .. هههههههه وطبعاً سونا حبيب الكل شخصية أكتر من ظريفة متتنسيش .

بجد مجموعة زي الفل وربنا يدم المحبة بينا .

حبيبى يا باسم .. انت اللى انسان ابن بلد وجدع جدا .. وتقديرك ده وسام على صدرى .. وياريت تنورنا بجد المرة الجاية وتكون معانا من بدرى .. شرفتنا ونورنتنا الحبة الصغيرين دول .. ومجئيك ده تقديره كبير عندنا .. وعايزينك معانا على طول يا بسوم

المشاركة الأصلية كتبت بواسطة fbiahmed

ايه ياعم الجمال ده ما شاء الله المقابله دي كانت جامده جدا و انا اتبسطت جدا بمقابلة كل اعضاء المنتدى و يا رب نفضل دايما كده و احمد باشا مجهود جامد جدا في تنسيق المقابله و الموضوع بجد ربنا يكرمك

نورتنا يا بوحميد .. ودايما معانا فى كل المقابلات .. لاننا مبقناش نستغنى عنك ولا عن طيبتك ولا عن معلوماتك وطبعا ولا نقدر نستغنى عن وسوستك

ودايما معانا فى كل تجمع باذن الله يا حبى

المشاركة الأصلية كتبت بواسطة ali_abo_amr

ابوحميد يا جااااااااااااااااااااامد :)
مقابلة ولا اروع من كده والله
ربنا يديمها علينا ونتجمع كلنا فى الخير دايما
تسلم على المجهود والتعب والتنسيق ليها بتفانى رائع والله
وشكرا لكل الناس الحلوة اللى شرفتنا واتعرفت عليهم ناس فى قمة الاحترام والذوق
ويارب نتجمع دايما فى الخير

حبيبى يا علوة .. نورتنا والله من اول مقابلة عملناها الى اخر مقابلة .. لو كل الاعضاء استمروا معانا كدا زيك حنكون جروب كبير جدااااااا
تقديرك بحضورك معانا ده تقديره عندنا كبير جدا .. وبصراحة مفيش حد يتعرف عليك والا يقول قصايد شعر عنك بسبب طيبتك الكبيرة اللى فى شخصيتك .. وطبعا انت عارف غلوتك عندى قد ايه

المشاركة الأصلية كتبت بواسطة محمد الجرجاوي

ماشاء الله عليكما فعلا شكلها كانت مقابلة جامدة
ياريت المرة الجاية توجهوا الدعوة لقسم متسوبيشي

ان شاء الله المقابلة الجاية تنورنا واعضاء متسوبيشى ينورونا .. وكان منورنا منهم اخويا وصديقى العزيز الجميل حبيب قلبى صاحب رابطة الشارك باسم سعيد
الشخص ده بصراحة لو اتعاونته معاك حتخده منه جدعنة وحب وحاجات كتير للقسم عندكم
لان باسم من الشخصيات المحترمة فوق الوصف

وكمان كان منورنا تامر من عندكم .. الراجل ده تانىمرة يحضر مقابلة عندنا .. وبصراحة مش بقينا نستغنى عنه لانه انسان محترم جدا ..

وعشان كدا باذن الله حنوجه لكم الدعوة عشان تنورونا كلكم ونتشرف بيكم ونتشرف بحضرتك يا محمد باشا

المشاركة الأصلية كتبت بواسطة ahmed_selmy

كفايه كده متحسرونيش
انا كان نفسى اكون موجود ولاول مره يكون نفسى اكون موجود فى مقابله اجتماعيه كده
رغم انانا محدش يعرفنى ولا انا اعرف حد فيكوا شخصيا
وكمان معنديش عربيه نيسان(لسه مجدتش وربنا يرزق)
بس كان نفسى اكون موجود وان شاء الله اكون موجود المره الجايه

تنورنا يا احمد باشا .. وصدقنى مقابلاتنا مش مقابلات سيارات دى مقابلات اخوة فى الله ..
وياريت تشرفنا المرة الجاية .. وحتى لو كنت حتيجى من غير عربية .. قولى وانا اجى اخدك من عند البيت

المشاركة الأصلية كتبت بواسطة donzi

يا استاذ احمد انت من السنة اللي فاتت قلت هاترتب مقابلة للمنتدى كله من تنظيمك انت ولا مجهوداتك قاصرة على الصقور بس , انت هاتخليني اسيب النمور و انضم للصقور كدا

احقد عليكما يعني ولا ايه ؟؟!!

شرف لينا يا دونزى وجودك معانا وانضمامك لينا طبعا .. سيبك انتى من الريو ونجبلك تيدا هاتش باك ههههههههههه

باذن الله حنظم مقابلة عائلية كبيرة جدا ونتجمع فيها كلنا باذن الرحمن
وعلى فكرة المقابلة اللى فاتت كان ممكن اخواتنا يحضروا لان المكان شيك وجميل جدا وكل العائلات بتروحه

بس تتعوض باذن الله .. فى تنظيم حاجة قوية ليكم باذن الله وحبلغكم بيها .. عشان تنورونا .. وسلامى للوالدة .. وربنا يخليهالك يا رب .. واوعى نعمل مقابلة عائلية ومتجبهاش لنزعل منك ونلغى عضويتك من المنتدى كله ..

المشاركة الأصلية كتبت بواسطة sonasteel

ايـــــــــــــــــــه ده ماليش دعوه انا كنت عايز أرد أول وااااااااحد

حد يوسعلي اتحشر جنبه في أول صفحة .... لا ده ظلم .... مش لااااااااعب :)))
-------------------------------------------------------
بسم الله الرحمن الرحيم
الاجابة هي :
الله الله الله الله الله الله الله الله الله الله الله الله الله الله الله الله الله الله الله الله الله

ممكن ابدأ بحبيبي وأخي الكبيييييييير صاحب الليلة ديه كلها واللي مجمعنا في الخير دايما يارب
احمد بيك مصطفي حبيبي الملايين
الف الف شكر يا احمد علي التجهيز فووووق الرائع والمنظم بشكل ميتوصفش و اللمة المحترمة اللي نفسي تتكرر كل يوم والله
وعلي الهدية الجميــــــــــــــــــــ ـــلة واللي احلي منها مفاجأة التكريم ..... كفاية قعدتك واخوتك ديه يابو حميد والله ما تتقال بالدهب ... يعني ربنا يجزيك عني خيرا ويجعلني عند حسن ظنك ويديم المعروف وميرحمنيش من الصداقة الطيبة ديه طول عمري ... يارب العالمين
وربنا يرزقك الذرية الصالحة وتفرح بيهم في دنيتك وربنا يجعلهم قرة عين لك في الدنيا والاخرة يارب العالمين
وكده مش كفاية ..... انا مهما قلت مش هاوفيك حقك يا حبيبي ومهما عملت مش هوافيك تعبك ومجهودك و سؤال سواء عليا ولا علي اهلي.
يااااااااارب تديم المعروف وتجعله خالصا لوجهك الكريم يارب العالمين.

يا حسين انت رديت اول رد فى قلبى وانت عارف .. هههههههههه .. اوعى تقولى ثبتك .. لان انت عارف بجد غلاوتك عندى .. لانك الاخ الحقيقى اللى طلعت بيه فى الدنيا دى ..

وصدقنى انت تستاهل كل خير .. ودايما معانا وبتنورنا بروحك الجميلة دى .. ولو طلبت عنية مش حتاخر عنك ابدا .. لانك اغلى الناس الى قلبى انت وكل اسرتك

المشاركة الأصلية كتبت بواسطة ehabvet

أنا من يوم ما اشتركت في نايل موتورز من أكتر من سنتين كنت بشوف بعض الأقسام بيعملوا مقابلات كنت بقول يا بختهم .. بس عمري ما فكرت ولا تخيلت إني ممكن أحضر أي مقابلة .. لأني مش إجتماعي قوي كده وهادي وزي ما انتوا شوفتوا .. بنكسف بسرعة
مش قلتلكم قبل كده إن أنا غلبان ومحدش صدقني
وبصراحة مش متخيل إن ممكن الواحد يسافر ويضيع يوم كامل عشان يشوف شوية شباب مفيش بينه وبينهم علاقة غير عالنت بس
لكن لما اشتريت التيدا وعششت في قسم نيسان ولقيت الروح الجميلة اللي كل الناس ملاحظاها لقيت نفسي مشتاق جدا لمقابلة ورؤية الناس الجميلة دي حتى لو في آخر الدنيا .. وحتى لو ورايا 1000 معاد

بس لما حضرت المقابلة فعلا على أرض الواقع .. إتصدمت
بصراحة المقابلة مطلعتش حلوة زي ما أنا كنت متوقع








لأ


دي طلعت أحلى ألف مره مما كنت أتوقع
مكنتش متخيل إنها هتكون بالجمال والروعة دي
بصراحة أنا مبهور

وعلى فكرة .. في فرق كبير جدا من إنك تكلم واحد عالنت وعالمنتدى .. وإنك تكلم نفس الشخص عالنت بردو وعلى نفس المنتدى لكن بعد ما تكون شوفته عالطبيعة واتكلمت معاه وعرفت شخصيته
إحساس تاني خالص
يعني دلوقتي مثلا .. مثلا يعني .. أنا عارف مين محمد علاء ومين علي أبو عمر ومين كابتن سامي ومين أسامة ومين محمد فوزي ومين باسم byd ومين أحمد fbi "صباح الوسوسة"ومين حسام جبر اللي كان ليا الشرف إنه ركب معايا لحد طنطا وهون عليا الطريق .. وغيرهم كل اللي كانوا موجودين ومنورين في المقابلة بلا استثناء
دا طبعا غير النجوم الكبار أعضاء هيئة التدريس في المنتدى زي الأستاذ الدكتور أحمد مصطفى العميد .. وبيشوي الأستاذ المساعد .. ووليد رئيس القسم .. وم/سبعاوي المدير الفني .. وحسين شيخ البلد :)
نفسي بقى أشوف بقيت الناس العسل اللى محضروش في المقابلة الجاية
شكلنا كده بعد ما كنا أدمنا المنتدى .. هندمن المقابلات كمان .. لأني من دلوقتي مشتاق للمقابلة الجاية
ربنا ما يحرمنا من بعض .. ويجمعنا دايما على خير

انت مالكش حل يا هوبا بجد .. انت انسان رائع وطيب جدااااا .. وربنا يحيمك ويخليك لاسرتك
بجد الواحد سعيد جدااااااااا انه اتعرف عليك .. وانت كنت شايف مكنتش عارف اقعد مع حد محدد وغصب عنى .. وكان نفسى اقعد معاه فترة كبيرة جدا .. لان بصراحة انت انسان خلوق ومحترم جدا والواحد مش بيعرف يشبع من قعدتك ابدا

وكفاية تقديرك الغالى ده اللى كان مفاجاءة كبيرة ليه .. واجمل مفاجاءة فى حياتى .. وتقديرك ده فى دماغى من فوق بجد .. وربنا يديم الاخوة والحب بينا

ومش حنعمل مقابلة من هنا ورايح الا وانت معانا دايما

المشاركة الأصلية كتبت بواسطة ahmedezar

ربنا يكرمك يا حسين والله الواحد كان مبسوط جدا بالمقابلة دي وكان محتاجها فعلا
يارب دايما مع بعض علي خير دايما وكل الناس الحلوة ده

بصراحة وجودك يا احمد كان غالى عندنا جدا .. وكنت منورنا حقيقى .. ومتغبش عننا كتير .. لانك بتوحشنا دايما .. وانا مصمم بردوا انك تجيب تيدا تانى .. تيدااااااااااااااااا اوه اوه