-
الي بيحصل ده طبيعي ؟؟؟
معايا فيرنا كاملة 2011 1600 والله يسامح الي شار عليا بيها الحسنة الوحيدة من العربية انها عرفتني على ناس محترمين زيكم وكمان مهندس محترم زي المهندس هاني ... المهم كل مرة بتطلعي حاجة في العربية .... حاجات بتزيق وحاجات بتشخلل مع العلم ان العربية زيرو بكياسها لحد دلوقتي ... والي زاد كمان تقفيل الجلد الزبالة معلش على الألفاظ ... والحاجة الأخيرة الي حصلت كنت مفول العربية ( ملحوظة ويمكن تكون في عربيتي بس لما أفول المؤشر بتاع البنزين يطلع فوق علامة F يعني بيعديها وما يكونش عليها بالضبط ولكن بشوية استهلاك يبتدأ المؤشر يتحرك ) وبعد ما مشيت بيها يعني استهلكت حوالي 10 لتر تقريبا والمؤشر نزل شوية وكان معايا فلوس قلت يالا بالمرة افول العربية تاني وبعد ما فولت العربية وبادور العربية لقيت المؤشر بتاع عداد البنزين واقف على المكان الي كان عليه قبل ما افول يعني ما طلعش على علامة F أو عداها زي ما بيحصل قلت كده كده انا رايح على التوكيل عشان أعمل صيانة 5000 تصور كل الحاجات ده ولسة 5000 كيلو المهم بعد ما مشيت بيها لقيت المؤشر ابتدأيرفع لحد العلامة f المهم رحت التوكيل وحكيتلهم الحكاية العامل طلع عوامة البنزين وهات يا تنظيف ويركب لقيتها ساءت أكتر لقيتهم أخر ما زهقوا غيرولي العوامة ... ولحد كده كويس المهم بعد فترة واستهلاك المؤشر وصل قبل النص بشوية قلت اروح أفول وقلت للعامل في محطة البنزين فول لحد ما المسدس يفصل مش تخليها تطفح المهم لقيته بيقولي أخدت 27 لتر قلت ازاي ده التانك بتاع الفيرنا 45 لتر والمؤشر قبل النص يعني ممكن تاخد 18 لتر تقريبا ولكن 27 لتر ده كارثة وعديتها بمزاجي ... المهم دلوقتي انا ماش بقالي 3 ايام والمؤشر ابتدأ يادوب بعد التفويلة الأخيره أنه يقرب على العلامة F او لامسها رحت مفول تاني عشان اشوف استهلكت قد ايه لقيت 6 لتر يعني 6لتر والمؤشر على علامة F هل ده طبيعي ؟؟؟؟ ولا ده استعباط وحمادة بالجنزبيل واني اشتريت الوهم ... ولو فيه مشكلة ليه حصلت وحلها ايه ؟؟؟ معلش طولت عليكم لأني فعلا قرفان وكرهت اي كلمة فيها حروف غ أو ب أو ر
-
استعباط و لازم تعلي صوتك وتزعق لان غبور مبيجيش الا بكدا...وفي الاخر ادخل على المهندس كورلوس في فرع قليوب و احكيله المشكلة من طقطق لسلامو عليكو و هيحلهالك. متحلتش يبقى عليك وعلى المهندس عاطف عبد السميع من غبور اوتو...ودا بقا اللي هيجيب معاهم من الاخر وشخصية محترمة جدا و مش هيمشيك غير وانت مبسوط.
الكلام دا هو الملخص المفيد لاي مشكلة تحصلك مع غبور ودا نهاية الكلام ومش هتتحل مشاكلك غير بكدا :)
-
بص يا باشا كل البيحصل ده عدي وموجود في كل العربيات العربيه مفش حاجه بص يا سيد ي العربيه مظبوطه 45 لتر لما يكون التنك فضي لغايه ميتملي لكن البيحصل في البنزينات لما تقله فول بيملا التنك لغايه بقهلغايت مكمان البنزين بيبدا يسقط منه وده بيديك قراءه انه فوق ال f لكن كده خطر لاقدر الله حصل تصادم ربينا يحفظك ويحفظنا لكن اتعود تقول لبنزينه فول لغايه اول تكه بس وكل عبيتنا بتحصل فيها كده وهتلاقي كمان وانت فوق الفول لما تمشي مشوار تلاقي المؤشر مش بينزل عشان بيحرق الزياده وارد علي الاخ الكريم مش كل حاجه بتتأخد بزعيق ثانيا انت اشتريت العربيه من التوكيل ولا معرض؟؟ عشان صوت الشخلله ممكن العرض بوزها عمل فيها حاجه من الناس المعندهاش ضمير وتظلم في الاخر التوكيل بس متقلقش نفسك كل واحد بيجيب عربيه جديده بيبقي مدقق اوي
-
بسيطة ان شاء الله
واحمد ربنا انها جت على قد كده
-
ربنا يخليكوا بس انا باقول لبتاع البنزينة فول لحد ما تسمع التكة
انا هارقبها لحد صيانة 10000 وعلى فكرة انا اشتريتها من الكموني وهو مش معرض ولكن موزع معتمد لغبور
-
كل ده طبيعى العربيه لما تكون فاضل حاجات بسيطه على التفويل و تحط تانى العداد مش هيقراها غير بعد فتره بتحصل معايا كتيير جدا و كمان فى عربيه واحد صحبى لانسر و معظم عربيات قرايبى ماتقلقش من الحته دى
Content Relevant URLs by
vBSEO 3.6.0 PL2