يا باشا الف الف الف مليون مبروك علي السيلفي و ربنا يملاها لك خير و بركه
و يكفيك و يكفينا شر الطرق المصريه .
تحياتي
رقم العضوية : 71177
تاريخ التسجيل : 21May2010
المشاركات : 26
النوع : ذكر
الاقامة : Alexandria-EGYPT
السيارة: Nissan Bluebird Sylphy
السيارة[2]: 405 Peugeot
دراجة بخارية: no
الحالة :
السلام عليكم ورحمة الله وبركاته..
حبيت أكتب وانقل لحضراتكم صقور النيسان تجربتى لسيارتى نيسان بلوبيرد سيلفى وأوفى ذلك فى تقرير أرجو أن ينال إعجابكم رغم أن هذه أول مرة اكتب فيه موضوعا أو تقريرا..
ولا أخفى عليكم أن هناك من شجعنى على ذلك ، وهو ليس ببعيد عن خاطركم هو كبير الصقور الأستاذ أحمد مصطفى .. فقد كنت راسلته فى استفسار عن صيانة سيارتى البلوبيرد ففوجئت به فضلا عن قيامه بإجابة استفساراتى يقوم بالتوصية عليّ فى التوكيل رغم عدم طلبى ذلك منه وذلك ليس بالجديد عليه فيما يقدمه لكل عضو من أعضاء القسم لا يطلب مقابله شئ و يفعله بطيب خاطر.. فجزاه الله عنا خير الجزاء.
ولنكمل الحديث عن البلوبيرد: سيارتى اشتريتها مستعملة موديل 2009 كانت عاملة 30 ألف سوداء اللون العربية طبعا يابانى بس التقفيل فى الصين - ومحدش يعقب على حكاية التقفيل دلوقتىأنا لسه هرد تحت فى التقرير.-
- التصميم الشكل الخارجي :
هو أول ما شدنى وجذبنى إليها فهو تصميم رائع ومميز تقف أمامها وتشعر بفخامة الانفنيتي من ناحية خطوطها الخارجية وبفوانيسها الجميلة الأمامية والخلفية وهى مجهزة بمصابيح الضباب الأمامية و الخلفية و حساس ركن خلفي صوت من غير شاشة وكذلك بجنوط سبور مقاس 16 وطبعا ده كله فى صالح الشكل العام
- المقصورة الداخلية ( الصالون):
صالون العربية شديد الرحابة (واسع جدا) والكراسى كلها فرش جلد طبيعى ومريحة جدا سواء كرسى السواق أو الراكب الأمامى أو الكنبة الخلفية والسقف عالى يعنى الطوال مش هيلاقوا أى مشكله
وتابلوه العربية تحس فيه بالفخامة مع بساطة التصميم و ايضا جودة الخامات وطبعا جمال الابنوس المطعم بيه التابلوه والأبواب ، عجلة القيادة قابلة للتعديل، والمرايا الجانبية كهربا بس مش ضم ,وزجاج العربية كهربائي أمامي و خلفي وفتح الشنطة وتنك البنزين من الداخل وبرضه ممكن تفتح الشنطة من الريموت... وفيها تجهيزات داخلية للأمان زى وسائد هواء للسائق و لراكب الامامى، وشباك السواق فيه خاصية الإرتداد التلقائي عشان ما يقفلش الازار على صباعك مثلا، وفيها نظام مضاد للسرقة لمنع تشغيل المحرك إلا بالمفاتيح الأصلية، وده طبعا غير أنظمة الفرامل abs,ebd , ba اللى فعلا بتحس فيها بأى موقف صعب.
.... وطبعا هنا هيجو بتوع التقفيل الصينى ويتكلموا، وأنا هرد عليهم دلوقتى
وأقول لو اى حد منهم دخل وركب العربية من غير ما يعرف حكاية التقفيل الصينى ده عمره ما هيفكر لحظة إنها متقفلة بره اليابان .. ده كمان ممكن يفتكر إنها متقفلة فى ألمانيا أو أى حتة فى اوروبامن جودة التقفيل والخامات اللى هيشوفها.
وأزود على الكلام ده إنى ليا أخ معاه فولكس بولو سيدان وكانت نزلت فترة كده وبطلت وكانت برضه متقفلة فى الصين ولما تركبها متحسش بأى فرق بينها وبين أى عربية فولكس تانية متقلة فى بلدها.. لأن مفيش أى شركة محترمة هتاجر فى سمعتها واسمها وتقلل منه.
- بالنسبة لصندوق الأمتعة (الشنطة):
عكس ما ممكن تتوقع أن وسع الصالون يكون على حساب الشنطة فالواقع أن الشنطة واسعة جدا وعملية وزى ما بيقولوا حمالة أسية شيل فيها اللى انت عايزه.
- التكييف:
هو زى كل عربيات نيسان ثلاجة ومش هقول أكتر من كده .
- النظام الصوتي للسيارة :
هو جميل جدا فيها راديو كاسيت am/fm و cd و 4 سماعات اثنين قدام واثنين فى الخلف.
- تجربة القيادة:
زى ما قلت سابقا أن كرسى القيادة مريح جدا وعمرك ما تتعب منه وكل ساقها قال الكلام ده ومن أخويا الأصغر وهو طالب فى الجامعة وغاوى يركب عربيات كتير سواء عربيات أى حد من الاهل أو حد من صحابه وكنت بعته مشوار من الاسكندرية للقاهرة خد فيه العربية وقالى أنه أول مرة ما يتعبش من القعدة فى السواقة رغم السفر رايح جاى وزحام القاهرة.
عند بدء تشغيل الموتور تكاد لا تسمع صوته، وساعات كتير يكون عمال الجراج الى حاطط فيه العربية يشغلوا العربية الصبح عشان تسخن عقبال ما اجى وأنا اركب وعشان طبعا هدوء صوت الموتور افتكر العربية مطفية وهوب ادور وطبعا افوجئ إنها دايرة.
والعربية لا يوجد بها مقاس تدريجي لحرارة مياة تبريد المحرك و لكن لمبة زرقاء للبرودة ولمبة أخرى حمراء للسخونة الزائدة , قد يمثل ذلك عيبا ولكننى تعودت عليه.
والعربية ارتفاعها عن الأرض حلو يعنى عمرها ما تحك فى مطب إلا مرة واحدة كانت محملة ورا وقدام يعنى خمس أفراد وكمان الشنطة كانت مليانة شنط سفر وكانت الحكة بسيطة.
الدريكسيون الباور بتاعه جميل وسلس بيتقل على السرعات العالية.
نيجى بقى لسحب العربية أو زى ما بيقولوا التسارع فهو سحبها جيد جدا ومتحسش فى فرق كبير بينها وبين العربيات المانيوال بحكم إن قبل كده كنت بسوق مانيوال.
والسحب لا يتأثر بتشغييل التكييف.. وأقصى سرعة جبتها بيها وكانت على الصحراوى 175 وكمان بالتكييف وكانت الحمد لله ثابتة ومتحسش جواها بالسرعة العالية وعزل الصوت بيكون كويس لحد 140 وبعد كده بتبدأ تحس بصوت الهوا بره بس طبعا على خفيف كده.أما أخويا الأصغر فهو قالى إنه جاب بيها 200 وكانت ثابتة معاه.
وبالنسبة لصوت الموتور والعربية ماشية فهو صوته هادى زى ما قلت لكن وقت اللزوم لما تحب تشد أو ازنقت تسمع صوت رياضى قوى تحب تسمعه زى صوت عربيات السبق ، وكمان لما تزود فوق الـ 120 تسمع برضه صوت الموتور بس هتلاقيه صوت محبوب من غير نشاز والموتور أنا نسيت أقول إنه هو نفس موتور التيدا واللى معاهم التيدا هيعرفوا معنى كلامى.
- العفشة :
جيدة جدا مع النعومة الواضحة وتحس بالكلام ده اكتر طبعا مع المطبات لإنها ما تهبدش فى المطبات وزى ما قلت قبل كده إن ارتفاعها وعلوها كويس وده كله ما بيأثرش على إتزانها وثباتها.
- استهلاك البنزين:
الاستهلاك كويس بالنسبة لعربية اوتوماتيك وبرضه بحكم إنى كنت بسوق مانيوال.
أرجو أن يكون تقريرى قد نال إعجابكم وده من خلال تجربتى للعربية من وقت شرائها حتى الآن وهى دلوقتى عاملة حوالى 40 ألف.
والمرة الجاية هتكلم إن شاء الله عن صيانتها فى الـ 40 ألف .. واعذرونى إن كان فيه أى حاجة ناقصة عشان دى أول مرة زى ما قلت ... وأى سؤال أو استفسار أنا تحت أمركم...
وتقبلوا تحياتى
[img3]http://photos.dmotorworks.com.au/at/AT5145766/4783/large/lg_4783_1.jpg[/img3]
رقم العضوية : 61266
تاريخ التسجيل : 07Feb2010
المشاركات : 727
النوع : ذكر
الاقامة : Cairo-Nasr City
السيارة: ربنا يسهل
السيارة[2]: Lancer 1.6 2005
دراجة بخارية: No
الحالة :
يا باشا الف الف الف مليون مبروك علي السيلفي و ربنا يملاها لك خير و بركه
و يكفيك و يكفينا شر الطرق المصريه .
تحياتي
رقم العضوية : 2846
تاريخ التسجيل : 28Oct2007
المشاركات : 2,776
النوع : ذكر
الاقامة : Cairo
السيارة: Lancer 1600 cc F/O A
السيارة[2]: Fiat tempra 94 1600cc
دراجة بخارية: لا يوجد
الحالة :
ربنا يباركلك فيها ويكفيك شرها
رقم العضوية : 12704
تاريخ التسجيل : 11Jun2008
المشاركات : 1,175
النوع : ذكر
الاقامة : مدينة الشروق
السيارة: ربنا يفرجها
السيارة[2]: دايو لانوس 2008
دراجة بخارية: لا يوجد
الحالة :
بسم الله ما شاء الله , ربنا يباركلك فيها و يحفظنا جميعا من شر الطريق , بالنسبة لموضوع تقفيل الصين دة مش عيب لان مرسيدس و بى أم و كل الشركات الكبيرة ليها مصانع فى الصين و على أعلى مستوى من الصناعة و الاتقان و جودة الخامات , بس للاسف الوكلاء المصريين هما اللى بيروحوا الصين عشان يشتروا زبالة العربيات .
السلام عليكم و رحمة الله و بركاتة
علاء سعيد
رقم العضوية : 82616
تاريخ التسجيل : 03Dec2010
المشاركات : 6,066
النوع : ذكر
الاقامة : حلمية الكلاماتا :)))
السيارة: Ex Sunny M/F/O 2011
السيارة[2]: Polo M/F/O 1995
دراجة بخارية: مولتوسيكل :)
الحالة :
موضوع رااااائع وممتاز عن عربية كان نفسي اقرا عنها كتير
زاحد صاحبي قعد فيها اتوهم
الصالون شيك شياكة بزيادة اوووي ماشاء الله
والعربية شكلها رائع ربنا يباركلك ويرزقك خيرها ويكفيك شرها ويبعد عنك عيون الحاسدين
يارب العالمين
اقعد بالعافية :))
أُمـــ الغوالــــــــــــــــي ..... أُسطــــورة لـــــهــــــا تاريـــــخ
[img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
[marq="4;right;2;scroll"]Eng.Hussein GaMal[/marq]
[marq="4;left;2;scroll"]Mob. +20111 960-9399[/marq]
رقم العضوية : 44437
تاريخ التسجيل : 03Aug2009
المشاركات : 689
النوع : ذكر
الاقامة : القاهرة
السيارة: لايوجد
السيارة[2]: نيسان تيدا
دراجة بخارية: لايوجد
الحالة :
البلوبيرد ......انها حقا سيارة محترمة
لو لم اكن تيداويا ..... لوددت ان اكون بلوبيرديا .. :))
ربنا يباركلك فيها ويرزقك خيرها ويكفيك شرها ... تقرير جميل بس كنت زودته بشوية صور كان هايبقى افضل ...
سبحانك اللهم وبحمدك ... سبحان الله العظيم
[SIGPIC][/SIGPIC]
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
عربية جميلة جدا
أكبر شنطة في فئتها
واسعة جدا و فخمة
اتفرجت على الموديل 2011 بتاعها و عجبتني جدا بس لقيت تمنها كتير عليا 150 الف
[mshosh2]http://www.4shared.com/photo/lCkSz74F/morsee.html[/mshosh2]
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
عربية ممتازة البلو بيرد بصراحة وربنا يباركلك فيها .. وكان نفسى اجيبها بس تمنها اغلى من التيدا .. بس بصرحة حاجة فخمة جداااااا
وتسلم على تقديرك الغالى انا معلمتش غير الواجب .. وحضرتك اخ .. وباذن الله نتشرف بيك قريب باذن الله ونتعرف على حضرتك عن قرب باذن الله
وبصراحة التقرير منسق ومحترم .. وكنا محتاجينه جدا .. عشان فى اعضاء كتير بتسال على العربية دى وتقاريرها قليلة .. وعشان كدا قولت لحضرتك عشان الناس تستفاد .. وبصراحة حضرتك كفيت ووفيت
وعملتنا تقرير ولا اروع منه
تحياتى ليك وعقبال صيانة المليون
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 59188
تاريخ التسجيل : 17Jan2010
المشاركات : 442
النوع : ذكر
الاقامة : الاسكندرية - مصر
السيارة: رينو فلوانس
السيارة[2]: نيسان صنى - سوبر صالون - 2011
دراجة بخارية: لا يوجد
الحالة :
ربنا يباركلك فى العربية
اعتقد انى شوفت عربية سوداء فى مودرن موتورز الحضرة من اسبوعين تقريبا كانت بتعمل صيانة
اعتقد ممكن تكون عربيتك
رقم العضوية : 71177
تاريخ التسجيل : 21May2010
المشاركات : 26
النوع : ذكر
الاقامة : Alexandria-EGYPT
السيارة: Nissan Bluebird Sylphy
السيارة[2]: 405 Peugeot
دراجة بخارية: no
الحالة :
أولا: بأشكر كل أعضاء وصقور نيسان اللى شرفوا ونوروا موضوعى وأتمنى فعلا أن أكون قد أفدتكم ولو بالقليل.. وربنا يبارك لكل واحد فى عربيته ويعطيه خيرها ويبعد عنه شرها.
ثانيا: أسجل شكرى وامتنانى لكبير الصقور الاستاذ أحمد على روحه الطيبة وتواضعه وهو بحق الأب الروحى لنا .. أمتنى له التوفيق دوما وجعله الله ذخرا لنا .
ثالثا: بالنسبة لصور العربية أن للأسف معنديش صور لها بس هى صورها موجودة فى المنتدى وممكن تشوفها فى الرابط http://www.nilemotors.net/Nile/62785-a.html. ولو فى حاجة ناقصة قولى واصورهالك ، وهى كمان شكلها من بره نفس الموجودة فى التوقيع بتاعى.
رابعا: بالنسبة لموضوع الحضرة هى فعلا العربية كانت بتعمل الصيانة فى مودرن الحضرة بس من أسبوع وكان بالأدق يوم الاثنين اللى فات.
وتقبلوا جميعا تحياتى...
[img3]http://photos.dmotorworks.com.au/at/AT5145766/4783/large/lg_4783_1.jpg[/img3]
المفضلات