انا خلاص العفشه زهقتني

**dramir1** · 21-09-2011 07:38 AM

بس لو هتعمل اي تعديل فيه تركيب حاجات متوفقه على العربيه يبقى شوف عفشجي في حته زي الحرفيين بحيث لو في مشكله ترجع الحاجه وتشوف غيرها .....بس للاسف المواضيع دي محتاجه وقت وعفشجي رايق يشوف السوست والمساعدين بتوعك يركب عليهم ايه من العربيات الياباني ....
وربنا يكرمك ويحللك المشكله

**khaledit** · 21-09-2011 10:49 AM

أنا معايا سيراتو 2010 سعودى زى الفل الجنط 16 هواء 30 مافيش الى بيتقال ده وديه 8 عربية أركبها

**tarek_rcc** · 21-09-2011 11:59 AM

والله انا شايف ان موضوع العفشة دة مبالغ فية ....
انا معى سيراتو 2012 خليجى وكان معى فلوينس 2011 خليجى برضة وبصراحة مش شايف اى فرق فى موضوع العفشة ( السيارتان جنط 17" ونيتروجين )
مع العلم ان الفلوينس كانت بالسعودية ( طرق ممتازة) والسيراتو بمصر ( طرق الله المستعان )

**dr.amr** · 21-09-2011 12:35 PM

المشاركة الأصلية كتبت بواسطة a_elbosaty

انا معايا سيراتو 2011 جنط 16 وبدون نيتروجين ومش حاسس باللي انت بتقوله دة خالص بصراحة.
مع العلم ان العربية عاملة اقل من 2000 كم. وكمان معايا كورولا 2005 وبصراحة مش حاسس بفرق كبير.

استحاله يا استاذ

انا كان معايا العربيتين

الفرق كبير بصراحه

وهتلاحظ الفرق لما تعمل مسافه اكبر بالسيراتو

هتنشف اكتر بطريقه لاتطاق

**khaledit** · 21-09-2011 02:22 PM

أنا معايا سيراتو 2010 سعودى زى الفل الجنط 16 هواء 30 مافيش الى بيتقال ده وديه 8 عربية أركبها العداد 35000

**M.Akef** · 21-09-2011 02:24 PM

مادام بتربط العفشه كويس و النيتروجين مظبوط المفروض تكون احسن من كدا بكتير
انا شخصيا جنط 17 و مش بشتكي من النشوفيه لاني ببساطه عمري ما ركبت عربيه جنط 17 عفشتها نعمه لكن انك تخبط في السقف دي غريبه شويه!!

**SAMEHNOSHI** · 21-09-2011 05:24 PM

انا اجرت الكيا سيراتو يومين و جربتها, بس كانت خليجى و بجنط 15 هى ايوة نشفة شوية لكن مش بالدرجة اللى بتصورها خالص!! انا كنت متعايش معاها و كان عجبنى ادائها جدا خاصتا فى الفرامل و المناورة فى الزحمة, بصراحة فراملها حكاية و سحبها حلو كمان, بجد العربية ادائها رياضى فعلا و ليها زنة رياضية جميلة جدا بتسمعها و انت على الاول و التانى, انا شايف انها حلوة جدا على ثمنها بالاوبشن اللى فيها و ممتعة فى سواقتها.

**eng.m7md.ali** · 21-09-2011 06:39 PM

امال لو ركبتو الواجا هتعملو ايه ؟؟
انا عن نفسي ركبت سيراتو جنط 16 كتير وقعدت فترة معايا واللي ملاحظه ان عربيتي انشف منها ومحستش باللي الناس هنا بتتكلم عليه بسبب العافشة

**a_elbosaty** · 23-09-2011 02:17 AM

المشاركة الأصلية كتبت بواسطة dr.amr

استحاله يا استاذ

انا كان معايا العربيتين

الفرق كبير بصراحه

وهتلاحظ الفرق لما تعمل مسافه اكبر بالسيراتو

هتنشف اكتر بطريقه لاتطاق

حضرتك بتقولي مستحيل وأنا معايا العربيتين حاليا!
عامل بالكورولا فوق ال100 الف كم . وحافظها ومتعود عليها. وقبل ما اشتري السيراتو سوقتها وبعدين جيبتها عن اقتناع تام وسافرت بيها على طريق القاهرة اسكندرية الزراعي مرتين وكان معايا ناس راكبين ورا ولم يعلقوا ابدا! كمان اعتقد ان العفشة بعد فترة بتصبح اكثر ليونة مش العكس.
انا قولت ان الفرق مش كبير وفي الاخر اعتقد ان الموضوع مبالغ فيه.
ملحوظة العربيتن خليجي.
تقبل تحياتي.

الموضوع: انا خلاص العفشه زهقتني

LinkBack

أدوات الموضوع

عرض

-

-

-

-

-

المواضيع المتشابهه

أنا خلاص خلاص بجد بقيت نيساناوى بجد

البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

المصري .... لسه... ولا خلاص ؟ طب لو خلاص ولا لسه ليه؟

مشكلة زهقتني خلاص

خلاص .. خلاص بجد .. دي مش عيشة بني أدمين

الكلمات الدلالية لهذا الموضوع

المفضلات

المفضلات

ضوابط المشاركة