بقايا الكاوتش !

**minicooper20** · 20-09-2011 07:23 PM

لسه امبارح والله على كورنيش و انا رايح الزمالك لقيت واحد مفاضى حمولت ردم و الطوب مرمى فى الشارع و العربيات و المكروباصات عملين يغرزو بين الطوب اكننا فى دريم بارك
نزلت انا و صاحبى لمينا الدبش على جنب و كملنا و انا ماشى كده قبل عبود لقيت عربيه لبسه دبشه فى كارتيره الزيت و الزيت كلو نزل و الماتور قفش كانت عربيه نوبيرا والله و اعد على الرصيف قبل النفق كده و الله صعب عليا
انا مش عارف احنا رايحين على فين

**Ashraf_Ibrahim** · 20-09-2011 10:45 PM

المشاركة الأصلية كتبت بواسطة أبو ياسين

جزالك الله خير

جزانا الله وإياكم خيرا يا أبا ياسين

المشاركة الأصلية كتبت بواسطة gomangy

الله يباركللك ويجازيك كل الخير
انا حصلت معايا وانا راجع من اكتوبر علي طريق اسيوط الغربي والحمد لله رسيت علي اكصدام لانسر سوبر اكشن والحمد لله

لا حول ولا قوة إلا بالله!
غيرت اكصدام !
ربنا يسترها مع الجميع يا رب

المشاركة الأصلية كتبت بواسطة H A R D

ممكن يكون كلامى غريب

بس المره الجايه لو لقيت واحد مرمى فى نص الشارع سيبه وامشى
دلوقت ىمعدش حاجه ليها امان

ممكن يكون واحد هوا الى رامى الكاوتش ده عشان يلاقى واحد زى حضرتك ينزل من العربيه وبمجرد نزوله يرفعوا عليه سلاح ابيض او مسدس ويسبوه من غير هدوم ويخدوا كل حاجه

وحضلت كتي رمع زمايل لينا فى المنتدى

تخيل وتوقع اى حاجه ممكن تحصل وكل الى اقدر اقولهولك الحمد لله ربنا سترها

صديقي العزيز
انا طبعا عارف كلامك دا
بس انا ملاقيتش اي شيء يدل على دا خالص
بالعكس انا لقيت تريلا واقفة على يمين الطريق بيغير عجلة فعلا
فاطمئنن قلبي دا اولا
اما ثانيا انا حطيت نفسي في موقف اني للا قدر الله لبست فيها !
كارتيرة الزيت اتخرمت واللا الاكصدام اتكسر واللا اي شيء يحصل واللا حتى حاولت افاديها والعربية خمست مني مثلا ودخلت في الحاجز الخرساني !
أشفقت على نفسي من ان دا يحصل معايا وبالتالي أشفقت على غيري وعشان كدة نزلت والله
وأولا وأخيرا ربك اللي بيسترها
الواحد بيكون قصده خير وقصده مرضاة الله اولا واخيرا ملهوش أي هدف تاني
محدش هيقف في الطريق عشان يشكرني او ما شابه ولو حد معدي وانا بشيلها مش بعيد انه ممكن يخبطني اساسا عشان هيفكر اي تفكير تاني
بس انا مش بقيس الامور دايما بالمقاييس دي
ربنا يحفظنا جميعا ويكرمنا يا رب

المشاركة الأصلية كتبت بواسطة dr_radioooooo

ربنا يباركلك و يكتر من امثالك

اللهم امين
ولكم بالمثل يا دكتور

المشاركة الأصلية كتبت بواسطة aboomar22

انا بقى كنت راجع مع زميلى من التجمع وبعد النفق اللى امام كرفور وطالعين الدائرى اتجاه الجيزة كان امامنا اتوبيس وزميلى بيخرج من يمينة والطريق ورانا فاضى مرة واحده اشوف سيارة جاى عكس اى والله عكس على الدائرى لقيت نفسى بقوله حاسب رض تانى بسرعة والحمد لله عدت على خير مش عارف ازاى واحد يمشى على الدائرى عكس وبسرعة كبيرة كمان دا كده بيموت نفسه وبيموت الناس معاه المهم وصلنا شارع مصدق وبعد منزل د عصام شرف كده نتفاجاه والله واحد نايم على الاسفلت وسط الطريق كنا هنعدى عليه انا افتكرت ان عربيه خبطته قولت ننزل نشوف لقيت عربية شرطة واقفه والامين بيقولى ده مبرشم لاقيت نفسى اتعصبت وبقوله اقوم يا ابن ال............ لقيت الواد قام وبصلى كده وراح نايم على الرصيف ببص كدا للامين قالى ما انا لو خدتوا هيقوم يمسك فينا ويزعق ويلم الناس علينا

بتحصل معانا في الطرق الداخلية هنا في شبرا حكاية العكسي دي
وبرخم وبقف قدام العربية او الميكروباص اللي جاي عكسي وبرخم عليه جامد

المشاركة الأصلية كتبت بواسطة ahmed_eng2001

بارك الله فيك على ما فعلت ... انت شلت ازى كبير من الطريق فعلا ... المشكلة ان قطعة الكاوتش دى فركت من الفردة الاساسية و ممكن تكون الفرد كلها ضربت و الى حضرتك شلتها دى جزء طار من الفردة الاصلية .. ربنا يستر علينا جميعا

هو كان فيه اجزاء صغيرة كتير على الطريق
بس الاجزاء دي في حجم الزلط مثلا مش مشكلة كبيرة
انما الجزء اللي شلته دا كان كبير يتجاوز ال 2 متر تقريبا

**Ashraf_Ibrahim** · 20-09-2011 10:52 PM

المشاركة الأصلية كتبت بواسطة prisoner

حبيبى اخبارك ايه وحشنى والله بص بقى كلامك زى الفل طبعا وانا زيك كده بالظبط مقتنع ولسة قارى الحادثة اللى اخدوا منه عربية عمه فى رمضان فعلا هوة قد ايه اتاثر ان راجل كبير فى السن وواقع من حادثة ده تخيله للموقف لكن موقف الكاوتش ده بيبان ومحدش كتيير بيفكر يعمل كده يعنى قصدى اذا كان معمول كمين هايبان مفيش جنبه اثر لفرقعة الكاوتش انما لما الكاوتش بيفرقع بيعمل اثر على الارض وما حولها ومين الجبار مع السرعات دى هايروح يحط كاوتش فى نص الشارع انا معاك ان الاساليب بقت كتير ولسة قرائ موضوع البيض اللى بيترمى على الزجاج الامامى مش معنى كده ان احنا منكنش حذرين بالقدر الكافى لا لازم نامن نفسنا الاول مرة واثنين لغاية مانتاكد ان احنا بنعمل الصح طيب تصدق بقى انى كنت بفكر فى عمل كمين للناس دى بس محتاجين مساعدة وترخيص من الشرطة ومساعدة ناس كتييرة علشان نقدر نفادى الازمة دى ومنستسلمش للناس دى عايز اقولك ان الناس دى مرضى نفسسين وضعاف جدا جدا وجبناء لاقصى درجة بس بيحتموا فى الاسلحة انا والله كنت نفس المبدا بس احنا كده اللى هانستخبى وهما اللى هايعيشوا وبالنسبة لصاحب الموضوع اقوله جزاك الله خيرا على ما عملت وان شاء ربنا هايحوش عنك حاجات وحشة بالقدر اللى انت عملته واكتر لانك فعلا وفرت تكاليف ده غير انو مكن يحصل حادث لاقدر الله وربنا يستر طريقنا ويستر علينا من الوحشية والفوضى وتكمل على خير تقبلوا مرورى

ربنا يبارك فيك يا اخي
ويحمينا جميعا من حوادث الطريق يا رب

المشاركة الأصلية كتبت بواسطة Karim_Monir

بالفعل ده اللي بيحصل وبشوفو كتير عشان باخد طريق سفر كتير
الفردة بتكون انتهت وتتفرتك ويطلع الوش بتاعها وده بيكون تقيل جدا
وكتير قوي من الاحتكام والسخونية الدوبل بيلزقو في بعض ويتفرتكو مع بعض
خاصة مع الحمولات الزيادة[/color]

هو كان الوش فعلا يا كريم
انا قلت انه خفيف وبتاع لقيته تهمة فعلا

المشاركة الأصلية كتبت بواسطة mostafaismail

للاسف اللى انت عملتة دة واللى المفروض ان اماطة اذى عن الطريق ... اكبر غلط ومتعملش كدة تانى.

طب ايه وجهة نظرك يا سيد مصطفى في انه غلط ليه طيب؟!

المشاركة الأصلية كتبت بواسطة minicooper20

لسه امبارح والله على كورنيش و انا رايح الزمالك لقيت واحد مفاضى حمولت ردم و الطوب مرمى فى الشارع و العربيات و المكروباصات عملين يغرزو بين الطوب اكننا فى دريم بارك
نزلت انا و صاحبى لمينا الدبش على جنب و كملنا و انا ماشى كده قبل عبود لقيت عربيه لبسه دبشه فى كارتيره الزيت و الزيت كلو نزل و الماتور قفش كانت عربيه نوبيرا والله و اعد على الرصيف قبل النفق كده و الله صعب عليا
انا مش عارف احنا رايحين على فين

لا حول ولا قوة إلا بالله
ادي نتيجة الاستهتار ودا اللي انا عملت الموضوع مخصوص علشانه
اننا نتعاون يا جماعة
مننتظرش ان لما يبقا فيه مصيبة على الطريق ان غيرنا هييجي يشيلها
ما دام انا عندي وقت وربنا مقدرني اني ممكن افادي الشيء دا -ايا ما كان الضرر اللي على الطريق- واقدر اقف وانزل اشيله
يبقا انا خدت ثواب من ربنا دا اولا وثانيا منعت حجات كتيرة ومشاكل ممكن تحصل لغيري كتير
يعني الاخ اللي عربيته موتورها قفش دا لا حول ولا قوة إلا بالله
نتيجة الاستهتار من سواق النقل اولا واخيرا!
ربنا يحفظنا جميعا يا رب ويجازيك خير يا ميني كوبر

**nice_bird** · 21-09-2011 07:19 AM

بس خلي بالك من الحيل بتاعت سرقة العربيات اليةمين دول انتا تركن وهما يسرقو العربيه

**Ashraf_Ibrahim** · 21-09-2011 10:00 AM

المشاركة الأصلية كتبت بواسطة egyptiandiver

جزالك الله خير

جزانا الله وإياكم خيرا كثيرا

المشاركة الأصلية كتبت بواسطة minicooper20

والله انا فى فعل الخير مباتاخر بس باخود على نافوخى فى الاخر
طيب انا هقولك كنت راكب عربيه ابويا و جيه واجد شوارلى فى اشاره و قالى ايه
كل دى عربيه قلتلو قول مشاء الله
فالى حسبى الله و نعم الوكيل بطلع من الاشاره ركبت الرصيف
طيب اعمل ايه والله معارف معنى مبتاخرش على حد

معلش دي عين متاخدش في بالك
ربنا يحفظك ان شاء الله
هي العربية كانت ايه بالمناسبة عشان أقر انا كمان

ربنا يحفظهالكم ان شاء الله
وياريت يا شباب منتأخرش عن ازالة الأذى عن الطريق لأن ممكن اخواتنا او ابائنا يتئذوا منها او حتى احنا في اي مرة على الطريق مهو مش كل مرة هتسلم الجرة !

المشاركة الأصلية كتبت بواسطة nice_bird

بس خلي بالك من الحيل بتاعت سرقة العربيات اليةمين دول انتا تركن وهما يسرقو العربيه

ربنا يسترها ان شاء الله يا صديقي

**احمد المصرى** · 21-09-2011 01:11 PM

جزاك الله كل خير بس خلى بالك من موضوع سرقه العربيات البلد مش امان

**ainshouka** · 22-09-2011 11:42 AM

للأسف حصلى نفس الموقف دا مرتين وواحد على الدائرى ومشفتهوش لانها كانت حتة مظلمة جدا

والتانى على الزراعى وهو كده كده اصلا مظلم

والاتنين كلتهم على سرعة عالية لانى اتفجئت بيهم وملحقتش اتصرف بس ربنا بيلطف

الموضوع: بقايا الكاوتش !

LinkBack

أدوات الموضوع

عرض

-

-

-

-

-

-

المواضيع المتشابهه

بقايا موتور للبيع

بقايا عربيتي الفليشيا

ما هى افضل طريقة لازالة بقايا اللصق الغلسة؟؟؟؟

بقايا اشارات المرور النازية في مصر

الكلمات الدلالية لهذا الموضوع

المفضلات

المفضلات

ضوابط المشاركة