ازيكم يا شباب
كالعادة لابد كل يوم يكون فيه جديد :grin21:
امبارح وانا ماشي على الدائري ورايح الرحاب في مهمة تبع الشغل المهم هختصر عليكم
كنت ماشي على الدائري
المهم الدائري بعد نفق السلام بيكون 4 خانات المفروض
انا ماشي في الخانة التالتة على 90 -كالعادة متبع للقانون- :B4_048:
وتفاجأت بجزء كبير من كاوتش تريلا مرمي على الخانة التالتة المهم الحمد لله ربنا كرمني وقدرت اهدي وأفاديه عشان شمالي ويميني كانوا فاضيين وعديت منه
وانا سايق سريعا فكرت طب لو حد على يمينة عربية وعلى شماله عربية وخبط فيه اكيد هيبوظله حاجة في العربية دا لو السواق مفضلش انه يحدف على عربية من الاتنين اللي جنبه دول ! :oho:
فقمت نازل على اقصى اليمين جنب سور الدائري وقمت راجع بالعربية بضهري واحدة واحدة :B4_048:
لحد ما رجعت لمكان الكاوتش
نزلت من العربية
انا عايز اشيله بس مش عارف ازاي ! العربيات سريعة جدا ومش متخيل اني هعرف اعملها
المهم ربنا أراد ان الطريق يفضى للحظات معدودة فقمت هوب جاري جري ناتشه بايدي وشاده للجانب الايمن من الطريق
متخيلتش انه يكون تقيل اوي كدة
ايا ما كان انا مش عامل الموضوع عشان أمن على الناس واقول اني بشيل الأذى من الطريق وما شابه ! :N_no[1]:
انا عامل الموضوع دا عشان بتاع التريلا اللي وقف يغير الكاوتش بتاعه بعديها كان المفروض يرجع يشيل المصيبة دي من على الطريق!
وكمان لو الموقف دا كان بالليل -المنطقة دي مفيهاش نور خالص- العربيات كانت هتلبس أحلى لبس في حياتها !
هو احنا ليه مهملين كدة يا شباب؟! :dontudear: