اكادميه الرياضه - مدينه نصر

**waleed116** · 20-09-2011 11:35 AM

شباب ...
في اكادميه ... اسمها اكادميه الرياضه . ودي في مدينه نصر تقريبا اخره عند انبي . اوانا اشتركت فيها لبنتي وللاسف الشديد مرحتش الا 3 مرات بس ليه ؟

لاني كنت بروح من سكت عباس العقاد في الريحه والجايه . لاني مقيم في شارع بورسعيد عند مستشفي اليوم الواحد ولا تتخيلوا حجم الماساه الي كنت بعاني منها في السكه من الزحمه .

طيب هل فيه سكه تانيه بعيد عن سكه عباس العقاد وزحمتها ؟

وهل السكه دي امان خاصه انه انا معاد الاطفال من 8 للساعه 10 مساء ؟

مع العلم اني بطلع من شغلي الساعه 6 مساء ؟

شباب لو امكن الوصف التفصيلي للطريق لاني مش بعرف اسماء الشوارع في القاهره .

شكرا ...

**mohamed_selim** · 20-09-2011 12:35 PM

بص من 8-10 فى الشتا عباس العقاد هيكون معقول ... هقولك على كذا طريق برضه للعلم ..
انا معرفش شارع بورسعيد و مستشفى اليوم الواحد فين بس اكيد هتوصل للاوتوستراد عند قاعة المؤتمرات و فى اتجاه مدينة نصر هتكون القاعه على شمالك ممكن تخش يمين (بعد كوبرى المشاه) و تمشى لحد ما تلاقى امن الدوله على يمينك و قسم مدينة نصر على الشمال تلف و ترجع و تخلى القسم على يمينك (كده مصطفى النحاس) و طوالى لحد عباس العقاد و تخش يمين و تكمل ...

ممكن برضه بعد ما تعدى القسم تخش يمين فى الطيران (اول اشاره) و طوالى لحد ما تعدى من جنب ابو رامى بتاع السندوتشات و تلف يوترن و ترجع و تخش يمين عند الشبراوى ... كده زاكر حسين و طوالى على انبى

لو انت فى دخله معينه عايز تعرفها وضحها اكتر عشان اعرف اقولك عليها

**waleed116** · 20-09-2011 04:38 PM

طيب مهيا هيا نفس المشكله والزحمه .... لاني انا سكتي من شارع بورسعيد بروح من عند الاستاد بتاع القاهره الي قدامه ارض المعارض لحد اخر الشارع وبعدين بدخل يمين مع الطريق ... واول يوتيرن شمال الي من تحت الكوبري ... وعلطول ومنصه الجندي المجهول بتكون علي يميني لحد شارع عباس العقاد .(نفس الطريق والزحمه ) وخاصه شارع عباس العقاد وفي الرجعه دمار !

انا عاوز طريق ابعد فيه عن عباس العقاد خالص والشارع بتاعه ؟

**mohamed_selim** · 21-09-2011 12:23 PM

طيب مانتا اول ما تاخد اللفه هتعدى تحت كوبرى المشاه و يمين ... هتاخد الطريق اللى فيه مصطفى النحاس و هتاخد عباس العقاد من اخره او هتلف من الطيران زى ما قلتلك ...
الطريق مش فاضى بس زحمته اقل بكتير من عباس العقاد ....

الحل اللى يبعدك عن كل ده من الدائرى بس دى لفه كبيره قوى و مش هتحتاجها

**waleed116** · 21-09-2011 05:49 PM

طيب ... يعني قصد حضرتك انه اول ما الف من تحت الكوبري(باتجاه مدينه نصر ) اول شارع يمين ادخل فيه ؟ وهوا ده الي فيه امن الدوله علي يميني والقسم علي يساري ؟وحوصل منه علي التقاطع بتاع انبي ؟ وعلطول في نفس السكه علي الاكادميه ؟ طيب والرجعه من نفس الطريق ؟

شكرا .

**mohamed_selim** · 21-09-2011 08:29 PM

تمام كده بعد اللفه اول يمين و طوالى لحد اول تقاطع و فيه اشاره للى جاى من الشمال بس هتخش شمال (يعنى هتلف يوترن و ترجع تخش يمين) و القسم على يمينك و طوالى ... عاوز تبعد خالص عن اى زحمه بعد ما تخش يمين هتعدى اول تقاطع ( اللى قدام باب المدينه بتاعة الازهر و على ناصيته بتاع العصير) ... التقاطع اللى بعده (انت لسه موصلتش الطيران) خش يمين و امشى الشارع ده لاخره (هتلاقيه بيلف بيك شمال على خفيف) و اخره متقاطع مع شارع الطيران و فى وشك زاكر حسين و الشبراوى على الناصيه ... هتبقى مجبر تخش يمين و تلف يوترن (بس بعيد شويه بتاع 300 متر كده) و ترجع و تخش يمين منجنب الشبراوى و طوالى هتوصل لاشارة انبى

و انت راجع ممكن نفس الطريقه (فى زاكر حسين لحد الطيران) و تخش يمين فى الطيران و طوالى لحد اشارة مصطفى النحاس و من هناك طوالى برضه لحد ما تلاقى ميدان تلف و ترجع و تخش يمين من الشارع اللى بعد الميدان (مش من الميدان) و تمسك الشارع ده هتلاقيه برضه بيلف على خفيف و هتعدى جنب فندق الماسه بتاع القوات المسلحه و هتوصل للاوتوستراد جنب المنصه على طول تخش الاوتوستراد و تاخد اليوترن و ترجع على قاعة المؤتمرات (خلى بالك اليوترن هتحتاج تقطع الاوتوستراد من اليمين للشمال فبالراحه)

لو هاجى المشوار ده و اوروح هو ده الطريق اللى كنت هاخده