عضو هونداوي جديد محتاج مساعدة

**wdramiz** · 20-09-2011 12:48 PM

الاخوة الاعزاء
اعطيت سيارتي اللانسر البومة لابني
وبعد قرأءة ارائكم في ان الهوندا من افضل السيارات الياباني بالرغم من قرأتي ايضا عن ارتفاع اسعار قطع الغيار وحكها في المطبات واعجاب اسرتي بها وضعت تحويشة 8 سنين في شراء هوندا سيفيك 2010 واشتريتها اول رمضان وعامل الان 700 كم يعني في التليين
عندي بعض الاسئلة والاستفسارات ارجو ان اجد اجابتها عند الاخوة الكرام
1-اقوم بعمل تليين للسيارة علي مهل فالسرعة لا تزيد عن 90-100 والار بي م من 2000-2500
ولكني بشغل التكيف هل سرعة منخفضة لان لا اطيق الحر .... هل هذا يؤثر علي السيارة وهل هناك نصائح اخري للتليين
2-عندي مشكلة في ركن السياره بعكس البومة فأنا لا اري نهاية الكبوت الامامي اوالشنطة الخلفية وعندما اقوم بالركن يعتقد البعض بأنني مبتدئي في الفيادة بالرغم من خبرة 30 سنة قيادة
ماهو حل هذه المشكلة ... هل اركب سبويلر علي الشنطة مثلا لااري نهايتها ام محتاجة تعود
3-جميع السيارات التي ركبتها اقوم بتركيب مكينة رفع زجاج يعمل مع ريموت السيارة لانني انسي كثيرا زجاج السيارة مفتوح .....ومنذ 3 ايام وللاسف الشديد في مدينة نصر ... الحي السابع في عز النهار نسيت زجاج الباب اليمين مفتوح وذهبت للسؤال عن شئ معين وعدت بعد اربع دقائق فوجدت
سرقة مايللي:
طفاية السجاير الاصلية مع ولاعة السجاير ( سألت في التوكيل سعرهم حوالي 350 جنيية)...ممكن احد يدلني علي مكان اسعارة رخيصة شوية........
فلاشة 8 جيجا - نظارة شمس غالية - مبلغ 50 جنية فكة .... مسدس صوت - جهاز اف -ام موديلاتور ......... يعنياكثر من 1000 جنية خسائر ...اصدقائي بيقولوا علشان العين ... ربنا يستر
اتصلت بتوكيل هوندا اليوم لشراء ماكينة رفع الزجاج فأخبروني بانهم لا يبيعون ولا يركبون هذة الماكينة ... فقلت لهم دلوني علي ماركة معينة جيدة ويتم التركيب بمعرفة هوندا فرفضوا واخبرني مهندس الصيانة ان تركيب هذة الوحدة سوف يؤثر علي كهرباء وكمبيوتر السيارة .... ولو ركبتها علي مسؤليتي ستخرج السيارة من ضمان الكهرباء
انا صراحة غير مقتنع بكلامة ......برجاء من الاخوة الاعزاء وخصوصا الاخ سمسم ان يدلوني علي حل لهذا الموضوع ( تركيب ماكينة الرفع)
4-دواسة البنزين ثقيلة وتحتاج الي ضغطة مما يؤدي الي قفز مؤشر الر بي ام الي 2000-3000 ثم ينخفض بعكس البومة مجرد لمسة بسيطة تتحرك الدواسة .... هل هذا طبيعي ام تحتاج تليين
5- هل توجد فوانيس خلفية وامامية مش اصلي تيواني مثل ديبو لان الفوانيس في بلدنا الجميلة اسهل حاجة في الكسر
6-انا ملاحظ ان مشاركات الاعضاء هنا ضعيفة علي عكس اقسام لانسر ونيسان ... فبعد عدة ايام عندما ادخل علي قسم الهوندا اجد نفس المواضيع

عندي اسئلة تانية سوف اكتبها في موضوع اخر
ومعذرة علي الاطالة وشكرا لكم ومنتظر فتح باب المناقشات

**Mahmode** · 20-09-2011 02:13 PM

ألف مبروك على العربية وربنا يديك خيرها. موضوع الركن ده تعود. مع الوقت حتعرف تركنها كويس. وبرضه يفضل تركب سينسور ركن. رخيص ومفيد. والفوانيس التيواني موجوده كتير بس مش عارف سعرها الصراحة. ومش حاقدر أفتي أكتر من كده عشان أنا مش من ملاكها :)

**tarekzein** · 20-09-2011 03:16 PM

انا كمان مش من ملاكها

بس حبيت أقولك (ربنا يديك خيرها ويكفيك شرها ويباركلك فيها )

وبالنسبه للمشاركات بقى

همتك معانا

**dr_ahmed1983** · 20-09-2011 03:49 PM

السلام عليكم الف مبروك السياره الجديده واعتقد من وجهة نظرى انها اختيار ناجح
1-تشغيل المكيف فى اول 1000 كيلو او اثناء التليين لايؤثر على السياره بشرط عدم الحرق او استخدام الكيك دون وده فعلا انا عملته فى عربيتى والحمد لله 110 الف وكفاءه الماتور ممتازه
2- ابعاد العربيه فعلا بتضايق فى الأول بس وبعد كده المشكله بتنتهى تماما من تجربتى الشخصيه مبعملش حساب ان العربيه ليها كبوت وبيبقى نقطة النهايه عند نهايه التابلوه او ابعد جزء فيه بس ده ممكن تقديرى انا . ودواسة البنزين فعلا مش خفيفه قوى زى الكورى وباقى اليابانى بس بحس ان ده الصح وموضوع ان الار بى ام يجى على 2 مره وحده اكيد مبيحصلش معاك وانت سايق اكيد انت جربته وانت واقف
3- ماشاء الله العربيه فعلا اكتر من ممتازه ومتقلقش قوى من موضوع قطع الغيار لانها فعلا معمره جدا جدا يعنى الفوانيس فعلا صعب انها تنكسر من تصادم بسيط او حتى خبطه مباشره لها مصنوعه من خامات فعلا جيده جدا وده بالفعل حصل معايه ومع اصحاب ليه انهم يخبطوا خبطات مش بسيطه والفانوس مش بينكسر بعكس عربيات كتير زى الالنترا والمازدا الفانوس سهل الكسر او على الاقل تنكسر اجزاءه وتقسيماته الداخليه نصحتى ليك انك تستخدم السياره استخدامك الطبيعى لانها فعلا جيده ومتخفش عليها لان ربنا هو الحافظ
انا حاولت المساعده على قد معرفتى وتجربتى الشخصيه واكيد الاخوه تكون خبرتهم اكتر منى يفيدوك اكتر
بالنسبه للطفايه انا شفت كتير زيها فى محلات الكماليات بسعر رخيص بس قصيره مش طويله زى اللى فيها

**wdramiz** · 20-09-2011 05:49 PM

شكرا لجميع الاخوة الاعزاء علي الردود الايجابية وخاصة د. احمد
بالنسبة لدواسة البنزين فنظرا لانها ثقيلة ولم اتعود عليها لسة اضطر الي الضغط عليها فيرتفع الار بي ام بسرعة الي 3حوالي 3000 ولكن ينزل بسرعة عندما اخف رجلي عن البنزين
منتظر باقي الردود بخصوص ماكينة رفع الزجاج
مع خالص الشكر
د. رامز

**OmaR_FekrY** · 20-09-2011 05:55 PM

المشاركة الأصلية كتبت بواسطة wdramiz

الاخوة الاعزاء
اعطيت سيارتي اللانسر البومة لابني
وبعد قرأءة ارائكم في ان الهوندا من افضل السيارات الياباني بالرغم من قرأتي ايضا عن ارتفاع اسعار قطع الغيار وحكها في المطبات واعجاب اسرتي بها وضعت تحويشة 8 سنين في شراء هوندا سيفيك 2010 واشتريتها اول رمضان وعامل الان 700 كم يعني في التليين
عندي بعض الاسئلة والاستفسارات ارجو ان اجد اجابتها عند الاخوة الكرام
1-اقوم بعمل تليين للسيارة علي مهل فالسرعة لا تزيد عن 90-100 والار بي م من 2000-2500
ولكني بشغل التكيف هل سرعة منخفضة لان لا اطيق الحر .... هل هذا يؤثر علي السيارة وهل هناك نصائح اخري للتليين
لا كده حضرتك تمام بس حاول متقرصش على العربيه بالذات و حضرتك مشغله
2-عندي مشكلة في ركن السياره بعكس البومة فأنا لا اري نهاية الكبوت الامامي اوالشنطة الخلفية وعندما اقوم بالركن يعتقد البعض بأنني مبتدئي في الفيادة بالرغم من خبرة 30 سنة قيادة
ماهو حل هذه المشكلة ... هل اركب سبويلر علي الشنطة مثلا لااري نهايتها ام محتاجة تعود
محتاجه تعود بس مش اكتر
3-جميع السيارات التي ركبتها اقوم بتركيب مكينة رفع زجاج يعمل مع ريموت السيارة لانني انسي كثيرا زجاج السيارة مفتوح .....ومنذ 3 ايام وللاسف الشديد في مدينة نصر ... الحي السابع في عز النهار نسيت زجاج الباب اليمين مفتوح وذهبت للسؤال عن شئ معين وعدت بعد اربع دقائق فوجدت
سرقة مايللي:
طفاية السجاير الاصلية مع ولاعة السجاير ( سألت في التوكيل سعرهم حوالي 350 جنيية)...ممكن احد يدلني علي مكان اسعارة رخيصة شوية........ لو الطفايه هى هى بتاعه 2007 هتلاقى منها كتير فى الحرفيين ... و الولاعه اى ولاعه يابانى ممكن تشتغل عند حضرتك ... انا مشغل عندى ولاعه تويوتا و شغاله زى الفل
فلاشة 8 جيجا - نظارة شمس غالية - مبلغ 50 جنية فكة .... مسدس صوت - جهاز اف -ام موديلاتور ......... يعنياكثر من 1000 جنية خسائر ...اصدقائي بيقولوا علشان العين ... ربنا يستر

ربنا يعوض عليك ...
اتصلت بتوكيل هوندا اليوم لشراء ماكينة رفع الزجاج فأخبروني بانهم لا يبيعون ولا يركبون هذة الماكينة ... فقلت لهم دلوني علي ماركة معينة جيدة ويتم التركيب بمعرفة هوندا فرفضوا واخبرني مهندس الصيانة ان تركيب هذة الوحدة سوف يؤثر علي كهرباء وكمبيوتر السيارة .... ولو ركبتها علي مسؤليتي ستخرج السيارة من ضمان الكهرباء .... دى حقيقه هتطلع من ضمان الكهرباء
انا صراحة غير مقتنع بكلامة

......برجاء من الاخوة الاعزاء وخصوصا الاخ سمسم ان يدلوني علي حل لهذا الموضوع ( تركيب ماكينة الرفع)
4-دواسة البنزين ثقيلة وتحتاج الي ضغطة مما يؤدي الي قفز مؤشر الر بي ام الي 2000-3000 ثم ينخفض بعكس البومة مجرد لمسة بسيطة تتحرك الدواسة .... هل هذا طبيعي ام تحتاج تليين
لا هى مش تقيله ... هى حساسه بطريقه فظيعه ... علشان كده ال ار بى ام بيعلى مع حضرتك علشان حضرتك متعود تتقل رجلك على الدواسه ... و كل ده موضوع تعود مش اكتر
5- هل توجد فوانيس خلفية وامامية مش اصلي تيواني مثل ديبو لان الفوانيس في بلدنا الجميلة اسهل حاجة في الكسر موجود و بحوالى 700 جنيه
6-انا ملاحظ ان مشاركات الاعضاء هنا ضعيفة علي عكس اقسام لانسر ونيسان ... فبعد عدة ايام عندما ادخل علي قسم الهوندا اجد نفس المواضيع
ليه كده بقى هتزعلنا منك :)

عندي اسئلة تانية سوف اكتبها في موضوع اخر
ومعذرة علي الاطالة وشكرا لكم ومنتظر فتح باب المناقشات

**wdramiz** · 20-09-2011 09:59 PM

شكرا جزيلا اخي الكريم عمر علي الرد المنظم
مازلت ابحث عن حل لماكينة رفع الزجاج ... هل توجد ماكينات اصلية لهوندا مع فيش الكهرباء لمنع قطف ضفيرة الكهرباء
مش عايزك تزعل مني اريد ان يكون فسم الهوندا ممتلئ نشاط وحيوية
مع خالص الشكر
د.رامز

**SAMEH_FOUAD** · 20-09-2011 10:26 PM

دكتور احمد اهلا بحضرتك معنا فى قسم هوندا ومعلش متزعلش ان المشاركات قليلة بس يمكن عشان العربية اعطالها قليلة ويوم مابيحصل حاجة الاعضاء عندهم هنا كل حاجة يقدروا يرجعوا ليها

ثانيا الف مبروك على السيارة ةربنا يديك خيرها ويكفيك شرها

طبعا الاعضاء قاموا بالواجب وزيادة بس فية كام نقطة كدة انا هاقول لحضرتك رأى فيها

1- بالنسبة لموضوع دواسة البنزين لأ طبعا هية مش لدرجة التقل اللى حضرتك بتقول علية فدلوقتى حضرتك هتروح التوكيل وتعرض المشكلة على المهندس ولو هو ساقها بدون مشاكل يبقى حضرتك لازم تتعود عليها , وخلى بالك ان دواسة الهوندا اصلا غير دواسة اللانسر كتصميم وتكنولوجيا فامفيش وجة للمقارنة بالعكس دية دواسة الهوندا من لمسة بس اهم حاجة وضعية رجلك يعنى طالما حضرتك سواقتك هادية يبقى ( قم بوضع مشط رجلك فقط على دواسة البنزين والكعب على الارض وشوف النتيجة اية لان دية افضل قيادة هادئة للهوندا )

2- بالنسبة لموضوع مكنة الزجاج طبعا هيخرجك من الضمان وربنا يعوض عليك فى المقتنيات اللى ضاعت لا فعلا الموضوع فية لعب فى ضفيرة الكهرباء + هتخرم فى الباب من الداخل لتثبيت المكنة فكل اللى اقدر اقولة حاول بقدر الامكان ماتفتحش غير الزجاج بتاعك ولما تيجى تنزل شيك على السيارة مش هياخد منك غير ثوانى معدودة

3- بالنسبة للطفاية والولاعة هكلم ناس معرفة لو لقيتها هاقولك واديلك العنوان هخليك تروحلهم هما مكانهم فى الحرفيين

4- بالنسبة لموضوع الفوانيس سعر الامامى للاتنين 1200 جنية والخلفى 850 جنية ونوعهم كورى وموجودين فى ش دمشق فى مصر الجديدة عند السجان وكويسين جدا وعموما هما بسعر الجديد يعنى حضرتك عندك الفوانيس الامامية ب1350 جنية بالضريبة يعنى هتلاقى العملية واحدة وبردة فية حاجة تبقى حضرتك عارفها ان الفوانيس دية بتبقى رياضية نوعا ما فهتخلى شكل العربية شبابى وربنا يسترها ان شاء الله وماتتعرضش للموقف دة

**OmaR_FekrY** · 21-09-2011 03:45 AM

المشاركة الأصلية كتبت بواسطة wdramiz

شكرا جزيلا اخي الكريم عمر علي الرد المنظم
مازلت ابحث عن حل لماكينة رفع الزجاج ... هل توجد ماكينات اصلية لهوندا مع فيش الكهرباء لمنع قطف ضفيرة الكهرباء
مش عايزك تزعل مني اريد ان يكون فسم الهوندا ممتلئ نشاط وحيوية
مع خالص الشكر
د.رامز

لا طبعا يا دكتور مفيش زعل ولا اى حاجه .. انا بس كنت بهزر مع حضرتك :)

الموضوع: عضو هونداوي جديد محتاج مساعدة

LinkBack

أدوات الموضوع

عرض

-

-

-

-

المواضيع المتشابهه

هونداوي جديد ومحتاج مساعدة

هونداوي جديد وطالب المساعده من الوحوش

هونداوي جديد

هونداوي جديد و مش عارف عربيتي ex ولا si

هونداوي جديد

الكلمات الدلالية لهذا الموضوع

المفضلات

المفضلات

ضوابط المشاركة