بيئوللك ايه بأة؟...........هو مين ده اللى بيئوللى هو يعرفنى منين؟
بس ده مش موضوعنا لأنى لو عايز افتح موضوع عن الناس اللى بتفتى بادئين بكلمة"بيئوللك" كنت هفتحه فى الاجتماعى مش هنا
لكن الموضوع هنا عن موقع عاملاه فودافون يحمل الاسم دة bey2ollak.com
الموقع ده بيقدم خدمة مرورية عن طريق تحديد حالة ازدحام وكثافة الطرق، والموقع يعمل (من السائق الى السائق) يعنى احنا اللى بنعمل التقارير عن الطرق واحنا اللى بنستفيد من التقارير اللى عملوها الناس اللى عدت قبلينا، بتعمل اكاونت على الموقع بشكل مجانى تماما (زى الفيس بوك والمنتديات كدة) وبعدها تقدر تعمل قائمة اختيارية بالطرق اللى انت بتستعملها وتقدر فى اى وقت تحول بين اظهار قائمتك الاختيارية او كل الطرق المتاحة والتى تغطى معظم القاهرة واسكندرية. تظهر القائمة وجنبها علامة ملونة يتراوح لونها من الخضر الى الأحمر بعدة درجات تعبيرا عن حالة ازدحام الطريق ولونها يكون متوسط الألوان التى اقترحها من استخدموا الطريق قبلك، كما توجد علامة على شكل حرف اكس اسود وتعنى ان الطريق به حادثة او مشكلة غير اعتيادية، ويمكنك بضغط زر الماوس على اى طريق ان تفتح الصفحة الخاصة بهذا الطريق لترى تعليقات الناس كلها بالتفصيل عن حالة الطريق وتضيف تعليقك اذا اردت، الموقع يعمل بالعربى وبالفرانكو اراب ويمكن تنزيله بتطبيقات متخصصة للبلاك بيرى والآي فون والاندرويد كما يمكن فتحه من على اى موبايل بنسخة مضغوطة للواب بالضافة طبعا لفتحه من الكومبيوتر، انا بستعمله على البلاك بيرى من حوالى اسبوعين وبصراحة حاسس انه اضاف ليا اداه مهمة جدا لتسهيل الانتقال
سكرين شوت من الموقع
[sor2]http://up.haridy.org/storage/bey2ollak.JPG[/sor2]
على فكرة ده مش موضوع اعلانى وانا مجرد مستخدم عادى للموقع كما انه مجانى تماما ، انا بحكى فقط عن تجربتى معاه لتعميم الفائدة