محتاج كاوتش ومحتاج مساعدة من خبرا ومجربين .

**Ayman-Ahmed** · 20-09-2011 02:09 PM

السلام عليكم ورحمة الله وبركاته

الحمد لله على كل حال وانا بزود الكاوتش النهاردة لقيت كام شرطة فى الكاوتش وسالت العامل قاللى ديه اسمها (شلحة) ومتقلقش دلوقتى لانها لسة صغيرة وابقى تابعها لو كبرت ابقى غير الكاوتش.

طيب اضرارها: قاللى وببساطة ممكن الكاوتش او الجزء الخارجى يفرط او يطلع من مكانه.(ربنا يسترها)

المهم روحت على بريدجستون واكدولى المعلومة.

الوقتى انا محتار ما بين نوعين برديجستون:

My-01: وده مميزاته نقشة شجرة-ثبات على الطريق واستجابة سريعة مع الفرامل-يعتبر رياضى وانا ساعات بجرى وممكن اخد غرزة او اتنين سريعة لو الموقف احتاج وده بيوفره الكاوتش ده (الثبات) ولكن يعيبه ناشف شوية(وطبعا عفشة العربية النيو اكسنت مش ناقصة نشفان) وله صوت والصنع مش فاكر تايلاندى او اندونيسى.

Gr90: ومميزاته انه كاوتش سرعة عالية وملوش صوت وطرى فتقريبا الاحساس بالمطبات هيقل كتير والنقر وخلافه.الصنع يابانى

الاتنين يضمنهم بريدجستون 4 سنين.

طيب انا مش عارف اجيب ايه فيهم ؟ فهل ممكن حد يفيدنى.

سوال : هو الافضل الكاوتش الطرى ولا الناشف من حيث المسامير والازاز المترمى فى الشوارع ؟

مشكورين وجزاكم الله خيرا.