-
ربنا يخليكم وشكرا على الدعوات
والله امبارح من قلقي بقيت اقول تغور العربية مش عايزاها وكنت مش عايزاه يروح او على الاقل ياخد اخواته وقرايبه معاه بس هو رفض وعلى طول اتصل به عايزاه يرجع
بس هو طمني لما وصل ان الدنيا امان ومش بالصورة السودا اللي كنت متخيلاها
-
لا قوة الا بالله
ربنا يرد عليك ضالتك
-
ان شاء الله العربية هاترجع
-
ماهو لو الحراميه دول يعملوا موقع ويحطوا عليه بيانات العربيات اللى عندهم وكل واحد يدخل يبحث عن عربيته يالرقم ويعرف هى فين وبالمرة يكتبوا الحلاوه كام سامحونى شر البليه مايضحك واحد النهاردة كان بيعلن عن عربته اتسرقت بيقول عربية سيراتو 2010 فابريقة بره وجوه عامله 25 الف كيلو فرش جلد والله لما شفت الاعلان بحسب واحد بيبيع عربية ربنا يعوض عليكم خير وعايز اقول حاجة عسى ان تكرهوا شيئا وهو خير لكم يمكن لو العربية دى ماتسرقتش كان ممكن لقدر الله الواحد يعمل حادث كبير بيها يمكن ده لطف من ربنا
-
لا حول ولا قوة الا بالله.
ارجو من حضرتك تطلبى من زوجك ياخد معاه حد وياريت يكون حد من اهل المنطقة لو عرف معرفة هناك ولو ميعرفش يبقى بلاش منها المشاوير ديه.
هو انا مش بخوفك ولا بقولك متدوريش على العربية ولكن بعد الللى انا شوفتوا والحمد لله اننى طلعت منها على خير (القناطر-النهضة-كوم السمن-بلبيس).عالم فعلا تانى غير اللى احنا نعرفه ونعرف نتصرف معاه او فيه.عشان كدة بقول لحضرتك اقنعيه باى طريقة اى كانت انه يدور على معرفة هناك او لو ملقاش يبقى ميروحش هناك.
-
ربنا ييسرك الامور وتلاقي العربية ان شاء الله يا نور
الله اعلم بالخير فين .... يمكن عدم وجود العربية معاكي في الوقت ده خير
ربنا يهيئلك الخير حيث كان
-
لا حول ولا قوة إلا بالله
انا مش عارف أقول ايه الحقيقة!
لسان حالي بيقول ربنا يردها ليكم وتلاقوها يا رب
وضميري بيقول تغور العربية وميعرضش نفسه للخطر مع العالم دي!
حسبي الله ونعم الوكيل في الناس اللي فوق اللي المفروض ان اقل حاجة يوفروها للرعايا بتوعهم الأمان !
دا عمر ابن الخطاب كان بيقول لو تعثرت بغلة في العراق لسألني الله تعالى عنها لم لم تمهد لها الطريق يا عمر؟!
واحنا بقا ملناش اي لزمة في الحياة عند الحكومة اساسا !
-
لا اله الا الله ,ربنا يردلكم ضالتكم ,و ترجع العربيه بدون مشاكل ان شاء الله.
و ربنا يحمك زوج حضرتك و تخلصوا من الغمه دى على خير ان شاء الله
و ربنا يجازى اللى كان السبب
و ربنا يهدى كل عاصى
-
ربنا يكرمكم ويوفقكم وتلاقوا العربية في القريب إن شاء الله
-
لا اله الا الله
انشاء الله العربيه ترجع
يا رب مصر ترجع امنه زي الاول
Content Relevant URLs by
vBSEO 3.6.0 PL2