الموضوع: ايها الرجل .تعلم من الرسول كيف تحب زوجتك

المشاركة الأصلية كتبت بواسطة r0xer

المشكلة ان لو حاولنا تطبيق الكلام دا مع الست المصرية هتحصل كوارث..مثلا العضوة ذكرت واقعة السيدة صفية رضي الله عنها ،...لو ست مصرية حاول جوزها يعمل كدا يبقى اكيد بما انها مصرية و مخلفة يبقى وزنها بعد الجواز هيبقى 100 كيلو و اكتر وساعتها الراجل رجله هتتكسر ويتجبس.....ومراته تقوله محدش قالك تعمل بطل!.

لووول..محدش يقفش من عضوات الموقع لكن انا مصاب بحالة من الإكتئاب من كمية الفشل الزوجية اللي حوالين الواحد في كل مكان...حاجة تكئب صحيح

علي فكره اكتر حاجه ممكن تخلي الزوجه تغير لو حست ان جوزها شايفها وحشه او وزنها ذاد وبالتالي لو الزوجه كانت 60 كيلو قبل الجواز وبعد سنتين بقت 100 فدي مش مشكلتها لوحدها لانها متغيرتش كده من نفسها لان في بيت وشغل وعيال وقرف وبالتالي لو انت قاعد سنتين تلاته وشايفها كل يوم وزنها بيذيد وساكت يبقي انت راضي يبقي متجيش بعد كام سنه وتقولها انتي بقيتي وحشه وتخينه

من حقوق زوجتك عليك انك تنبها لاخطاءها وللحاجات اللي انت بتحبها عشان تعملها والحاجات اللي بتكرهها عشان تتجنبها وده من اول الخطوبه مش بعد 10 سنين جواز

المشاركة الأصلية كتبت بواسطة shiko85

انا كنت داخل اقول كده فعلا

شفت انا فاهماكو ازاى

المشاركة الأصلية كتبت بواسطة omar-saad

ماهو الواحد بيعمل اللى عليه وزيادة
لكن فى الاخر مابيعجبش:n_no[1]:

اللى عليه وزيادة دى من وجهة نظر مين هل منطبق على الشرع بتتحمل اذاها وتحلم عليها وتتزين ليها وتنفق عليها ولا تقبح ولا تهجر الا فى المنزل وتستشيرها وبتاخد برأيها وبتحترمها هى واهلها وبتروح بدرى وبتهملهاش ولا بتبص لغيرها وبتثنى عليها و.....و...... ومش عاجب؟؟؟؟

المشاركة الأصلية كتبت بواسطة azmeralda

اللى عليه وزيادة دى من وجهة نظر مين هل منطبق على الشرع بتتحمل اذاها وتحلم عليها وتتزين ليها وتنفق عليها ولا تقبح ولا تهجر الا فى المنزل وتستشيرها وبتاخد برأيها وبتحترمها هى واهلها وبتروح بدرى وبتهملهاش ولا بتبص لغيرها وبتثنى عليها و.....و...... ومش عاجب؟؟؟؟

وبعدين هى بتتخن ليه مش انت مصر تبقى اب ولو هى مولدتش هتتجوز غيرها طيب وبعد الحمل وهنا على وهن والولادة والرضاعة اللى علميا بتغير الجسم انت طبعا مش عايزها تحمل عمال على بطال ولا هى تقدر اصلا مع كل المجهودات اللى وراها

فبتضطر تدور على وسيلة من وسائل منع الحمل وطبعا مينفعش الرجل يعمل هو حاجة هى اللى تستعمل حبوب وهرمونات مسرطنة ودى بتملا الجسم ميا ه وهتتخنها غصب عنها
فى ايام الرسول عليه الصلاة والسلام مثلا كان فى وسيلة العزل يعنى كان العبء غالرجل لأنهم مكتشفوش وسائل لمنع الحمل غير دى لكن دلوقتى لو اتطلب من الرجل اى وسيلة طبية رغم انها عكسية بيرفض ما هى يجيلها سرطان وتولع بس الأسم بيحبها وبيخاف عليها فى الأخر وكمان زعلان ان الوسائل الهرمونية بتتخنها

ومرة شفت على the doctors واحدة ولدت مرتين وبطنها باظت خالص وشكلها مشوه وهى حاولت كل الوسائل من رياضة ورجيم قاسى وكل حاجة ممكنة عشان ترجعها كويسة فشلت ودكتور التجميل قال لها مهما عملتى المشكلة ان الولادة بعدت عضلتين كده عن بعض ومينفعش تتضبط الا بعملية جراحية بس تكونى مش ناوية تولدى تانى وفعلا عملت العملية ورجعت زى ما كانت

ففى فرق كبير قوى جسمها اتغير اهمال منها وطفاسة اكل ولا ايه السبب ويتعالج ازاى

يا shaddadfalcon1 اللى ملاحظاه هنا عالمنتدى ان رجالة كتير جداعايزة تشتكى وخلاص يعنى ضرب ضرب مفيش شتيمة ---لكن محدش بكلف خاطره يحاول يصلح الأمور مع ان هو القوام وشوية مجهود هيوصلوه للسعادة اللى بيحلم بيها لكن ليه الشكوى والأستسلام اسهل ودى شيم الضعفاء

هي ليه كل مشاركات النساء بتبقي دفاع عن المراة و ذم في الرجل...
ليه مابتبقاش عمرها محايدة ذى مشاركات معظم الرجال